MANILA, Feb. 10 (PIA)–Gitakdang ipahigayon sa Commission on Elections (Comelec) ang mock elections sa Sabado, Pebrero 13 sa kawhaan ka dakbayan ug kalungsoran sa tibuok nasud isip pagpangandam alang sa nasudnon ug lokal nga piniliay sa Mayo 9, 2016.
Ang katuyoan sa mock elections mao ang (1) pagsulay ug pagseguro sa pagkaigo sa security, accuracy system ug functional capability ug integridad sa vote counting machines (VCM), transmission devices ug consolidation and canvassing system (CCS); (2) pagsundog sa pagpahigayon og eleksyon (deployment, voting ug consolidation) ug transmission procedures; ug (3) pagpalambo sa pagsalig sa publiko ug pagdawat sa Automated Filing System (AES).
Sobra sa 25,000 ka rehistradong botante ang gipaabot nga mosalmot sa maong mock elections.
Ang maong mock elections ipahigayon sa mga mosunod nga lugar: Taguig City (Tuktukan ug Western Bicutan); Pateros (Poblacion ug Aguho); Quezon City-1st District (Bagong Pag-asa ug San Isidro Labrador); Manila City-5th District (Barangays 669 ug 649); Dagupan City (Poblacion Oeste ug Pugaro); Alaminos (Poblacion ug Linmansangan); Tuguegarao City (Centro 1-Poblacion ug Nambalan Norte); Aparri (Centro 1-Poblacion ug Paddaya); Sorsogon City (Poblacion ug Osiao); Matnog (Camcaman-Pob ug Calintaan); Kalibo (Poblacion ug Linabuan); Malay (Cabutongan); Dipolog City (Barangay Central-Pob ug Sinaman); Sindangan (Poblacion ug Tinaplan); General Santos City (Dadiangan East ug San Jose); Surallah (Libertad ug Canahay-Godwino); Jolo, Sulu (San Raymundo ug Tulay); ug Lamitan City, Basilan (Malinis ug Parangbasak. (ecb/PIA7-Bohol)
