MANILA, Feb. 19 (PIA)–Gideklarar kagahapon sa Korte Suprema (SC) nga “constitutional” o uyon sa Batakang Balaod ang kontrobersyal nga online libel provision sa Republic Act 101-75 o mas gi-ila isip “Cybercrime Prevention Act of 2012”.
Apan ang probisyon niini kalabot sa “online libel” alang lamang sa orihinal nga author o nag-post sa pagpangdaot nga artikulo, base na usab sa gipagawas nga resolusyon sa SC en banc.
Gideklarar usab sa Korte Suprema nga “unconstitutional” o supak sa Batakang Balaod ang: Section 4(C)(3) nga nagpahamtang og silot sa mga unsolicited commercial communications; Section 12 nga naghatag og gahum sa mga otoridad nga mangolekta o mag-record og traffic data in real time; ug Section 19 nga naghatag og gahum sa DOJ nga hugtan o mag-block sa access sa computer data nga nadiskubreng nisupak sa probisyon sa Cybercrime Law.
Samtang konstitusyunal ang parte sa Section 5 nga nagpahamtang sa mga mitabang ug misulay nga makahimo sa pagsupak sa Cybercrime Law.
Ang desisyon ng Korte Suprema kalabot sa Cybercrime Law gisulat ni Associate Justice Roberto Abad.
Niadtong Oktubre 2012, kasamtangang gipahunong sa Korte Suprema ang implementasyon sa cyber law human niduso ang 15 ka grupo ka mga petitioner nga nag-kuwestiyon sa legalidad sa maong balaod. (PIA7-Bohol/ECB)
