GIPASPASAN sa kagamhanan karon ang pagpagawas sa P1B nga support fund alang sa export sector sa nasud.
Kini maoy pahibalo ni Presidente Gloria Macapagal Arroyo atol sa ika 30 ka tuig nga nasudnong komperensya sa mga tigpangempleyo didto sa Manila Hotel.
Butyag niya, iya na nga gimandu kang Trade Secretary Peter Favila nga makig-alayon sa Presidential Management Staff, sa Department of Budget and Management ug sa Department of Tourism aron mapagawas na ang pagtuon sa mga sugyot kabahin sa pag-gamit sa pundo aron ikapagawas na ang kantidad.
Ang pundo, nga lakip sa economic resiliency fund, magtabang sa mga exporters paglahutay taliwala sa ekonomikanhong kalisud.
Kahinumduman nga kapin kon kulang 50 mil na ka local nga trabahante sa sector ang nangataktak ug gilaumang ang pundo magtabang kanila sa pagsugod ug bag-ong panginabuhian. (rachiu/PIA)
