TAGBILARAN CITY, Bohol, Sept. 18 (PIA)–Gibalhin na ang P25.4 bilyong Priority Development Assistance Funds (PDAF) o pork barrel sa Kongreso ug sa Office of the Vice President sa Kamara ngadto sa pipila ka ahensya sa gobyerno.
Kini human pormal nang gipapas ang P25.4 bilyong pork barrel sa budget deliberations sa plenaryo.
Gipangapud-apud kini sa nagkaIain-laing implementing agencies sama sa Department of Social Welfare and Development (DSWD), Department of Education (DepEd), Commission on Higher Education (CHED), Technical Education and Skills Development Authority (TESDA), Department of Labor and Employment (DOLE), Department of Health (DOH) ug Department of Public Works and Highways (DPWH).
Matud pa sa sponsorship speech ni Appropriations Committee Chair Isidro Ungab, P25.2 bilyon niini ang gikan sa pondo sa Kongreso ug P200 milyon ang gikan sa buhatan ni Bise Presidente Jejomar Binay.
Nakakuha og pinakadakung pondo ang DPWH nga adunay P9.6 bilyon.
Samtang P2.67 bilyon ang gibalhin sa CHED, P1.02 bilyon sa DepEd ug P3.69 bilyon ang gihatag sa DoH.
Target nga mapalabang ang 2014 General Appropriations Act sa Oktubre. (PIA-Bohol/ecb)
