P307-B proyekto, gi-aprobahan ni PNoy
MANILA, Oct. 20 (PIA)–Mokabat sa 13 ka priority projects nga nagkantidad og P307.7 bilyon ang gi-aprobahan ni Presidente Benigno ‘Noynoy’ Aquino III sa ika-15 nga board meeting sa National Economic Development Authority (NEDA) ning bag-o lamang.
Apil niining mga proyektoha ang Flood Risk Management Projects sa Cagayan de Oro River nga nagkantidad og P8.55 bilyon; underpass project sa Sen. Gil Puyat Ave., Makati Avenue, Paseo de Roxas sa Makati City nga gipondohan og P1.27 bilyon.
Gi-aprobahan usab ang pondong mokabat sa P81 milyon, ang restoration sa mga tulay sa Bohol Circumferential Road; P4.01 bilyon alang sa Metro Manila Interchange Construction Projects Phase VI ug Laguna Lakeshore Expressway-Dike Project nga adunay pondong P122.81 bilyon.
Ipatuman kining mga proyektoha sa Department of Public Works and Highways (DPWH).
Mikabat usab sa P50.18 bilyon ang gigahin sa gi-aprobahang mga Regional Prison Facilities nga parte sa Private-Public Partnership (PPP) nga ubos sa Department of Justice (DOJ). (ecb/PIA7-Bohol)
