MANILA, November 8 (PIA)–Gitugotan sa Supreme Court (SC) ang paglubong kang kanhi Presidente Ferdinand Marcos sa Libingan ng mga Bayani.
Sa desisyong gipagawas sa Korte Suprema, 9 ka mga mahistrado ang mibotar pabor niini, 5 ang ni-kontra samtang 1 ang nag-inhibit.
Apil sa mga mibotar pabor sila: Justice Presbitero Velasco Jr., Justice Teresita Leonardo-De Castro, Justice Arturo Brion, Justice Diosdado Peralta, Justice Lucas Bersamin, Justice Mariano Del Castillo, Justice Jose Perez, Justice Jose Mendoza ug Justice Estela Perlas-Bernabe.
Samtang ang mga mibotar kontra sa pagpalubong ni Marcos sa Libingan ng mga Bayani mao sila: Chief Justice Maria Lourdes Sereno, Justice Antonio Carpio,
Justice Marvic Mario Victor Leonen, Justice Francis Jardeleza ug Justice Alfredo Benjamin Caguioa.
Si Justice Bienvenido Reyes usab ang nag-inusarang nag-abstain.
Mismong si Presidete Rodrigo Duterte ang nagmando nga ilubong si Marcos sa Libingan ng mga Bayani.
Taliwala kini sa pagbatok sa mga biktima sa pag-abusar sa tawhanong katungod niadtong Martial Law. (ecb/PIA7-Bohol)
