MANILA, April 07, 2014 (PIA)–Isaulog na usab ang Araw ng Kagitingan sa Abril 9 ug kalabot niini, gihandom usab sa nasud ang ‘Philippine Veteran’s Week’.
Ug isip pag-ila sa gobyerno sa mga sakripisyong natampo sa mga Filipino war veterans sa nasud, gipahayag karon sa Malakanyang ang padayong paghatag og benepisyo sa gobyerno ilabi na ang Department of National Defense (DND) ug Philippine Veterans Affairs Office (PVAO) sa mga beterano.
Matud pa ni Presidential Communications Operations Office Secretary Herminio ‘Sonny’ Coloma Jr. nga nalakip sa mga programang dala sa PVAO ang serbisyong medikal.
“Sa pamamagitan ng Veterans Memorial Medical Center ay nakapaghatid po ng serbisyo sa 1,092 beterano as dependents noong nakaraang taon, at ang ginugol po sa kanilang hospitalisasyon ay lumampas sa dalawang milyon, at ang specialized care for illnesses and other medical needs ay umabot po sa humigit kumulang 15-milyong piso,” matud pa ni Coloma.
Giingong ubos sa “Total Administrative Disability”, apil na usab sa gihatag sa mga beterano ug sa ilang pamilya ang benepisyo sa edukasyon, pagpatambal, death pension ug burial assistance.
“Ang mga serbisyo po na pinapayagan na magkaroon ng reimbursement, kasama po diyan ‘yung angioplasty, hemodialysis, cataract surgery, at pagbili ng mga hearing aids at dentures para naman po ma-improve ang kanilang quality of life,” dugang pa ni Coloma.
Matud pa nga pinaagi usab sa mga outreach programs, nihatag usab ang gobyerno og mga tambal, wheelchair, walker ug tungkod alang sa mga beterano.
Sa pagkakaron, nakig-alayon na usab ang PhilHealth sa PVAO alang sa paspas nga pagpa-abot sa mga gikinahanglang tabang.
Una nang gipahibalo nga pangunahan ni Presidente Benigno ‘Noynoy’ Aquino III ang selebrasyon sa Araw ng Kagitingan sa Miyerkoles sa Bataan isip parte sa temang ‘Balik-Tanaw sa Sakripisyo ng Beterano – Gabay sa Landas ng Pagbabago’. (PIA7-Bohol/ECB)
