Gipanguluhan ni Presidente Gloria Macapagal-Arroyo ang paglusad sa kina-unhang Landfill Gas-to-Energy nga Proyekto sa Pilipinas.
Nahimutang sa Rodriguez (kanhi Montalban), sa Rizal, ang methane power plant mogamit sa landfill gas nga methane gikan sa Montalban Sanitary Landfill aron maka-mugna og elektrisidad sa maong lugar.
Kini usa ka US$ 33 milyones o P1.65 bilyones nga Build-Own-Operate nga Proyekto sa Montalban Methane Power Corporation (MMPC).
Base sa panahon karon, ang presyo sa lana mi-abot na sa US$130 kada barel, ang nasud, tungod niini nga proyekto, makaginansya og kapin sa US$94 milyones sulod lamang sa 10 ka tuig, dugang ni Ermita.
Makatabang usab kini sa kinaiyahan tungod kay kini gamiton niini ang ‘methane gas’, nga mao ang gitawag og green house gas (GHG), nga 21% ang grabeng kadaut kon itandi sa ‘carbon dioxide’, apas sumpay ni Ermita. (PIA/Bohol)
