Personal nga gipasalamatan ni Presidente Gloria Macapagal-Arroyo ang kagamhanan sa Estados Unidos sa ilang tabang sa mga biktima sa Bagyong Frank.
Ang pagpasalamat giduso sa Presidente sa iyang tigum ni US State Department Deputy Secretary John Negroponte.
“ Dako kaayo ang among pagpasalamat sa tabang nga gihatag sa kagamhanan sa Estados Unidos” , si Presidente Arroyo nagkanayon.
Ang Estados Unidos misa-ad nga mohatag og balor P3 milyones o $100,000 nga ayuda pina-agi sa Philippine National Red Cross (PNRC).
Ang barko sa US Navy nga Stockton, nga adunay mga “rescue helicopters” padulong na usab sa Isla sa Sibuyan, Romblon aron pagtabang sa pagluwas ug pagpangita sa mga pasahero sa nalunod nga MV Princess of the Stars.
Sa laing bahin, gibutyag usab ni Negroponte ang si Presidente President George W. Bush sa Estados Unidos, personal usab nga mohatag sa iyang “pasubo sa mga Pilipino.” (PIA/Bohol)
