GITUDLO na ni Presidente Gloria Macapagal-Arroyo si Philippine National Police (PNP) Deputy Director General Jesus Versoza isip sunod nga PNP chief puli kang Director General Avelino Razon.
Si Razon, kinsa motapos sa iyang serbisyo sa Septembre 27 mag 56 anyos na, ug moabot na sa pugos nga eded aron moretiro.
Himoon, matud pa ni Executive Secretary Eduardo Ermita, ang pagtunol sa responsibilidad didto sa PNP Headquarters sa Campo Crame, Quezon City Sept. 27, kanus-a gipaabot nga mauli na ang Presidente gikan sa 5 ka adlaw nga byahe sa Amerika.
Si Versoza ika 15 na ka hepe sa PNP sukad mahimulag sa Philippine Constabulary ug mahimong usa ka sibilyan nga bahan.
Si Versoza, gradwado sa Philippine Military Academy (PMA) Class of 1976. (rachiu/PIA)
