MANILA, April 10, 2014 (PIA)–Nasulod na sa Category 1 rating sa Federal Aviation Administration (FAA) sa U.S. Department of Transportation ang Pilipinas.
Kini ang gipahibalo sa FAA human sa malampusong pagtagad ug pagsunod sa nasud sa international safety standards nga gitakda sa International Civil Aviation Organization (ICAO).
Gipahigayon sa FAA ang pagsusi sa Civil Aviation Authority of the Philippines (CAAP) niadtong Marso 2014.
Human sa International Aviation Safety Assessment (IASA) Category 1 rating, mahimo nang magdugang og biyahe ug serbisyo ang mga air carriers padung sa Estados Unidos ug gamiton ang codes sa U.S. carriers.
Katapusang nakasulod sa Category 1 ang nasud niadtong Enero 2008.
Apan gipa-ubos kini sa Category 2, nga timaan sa kakulang sa balaod o regulasyon niini aron tutokan ang air carriers nga mosunod sa international standards ug bisan depekto sa pipila ka aspeto sa civil aviation authority niini.
Tungod niini, nipadayag sa iyang kalipay si US Ambassador to the Philippines Philip Goldberg ug uban pang dagkung personalidad sa pagsaka sa Pilipinas sa maong kategorya. (PIA7-Bohol/ECB)
