Ang Philippine Military Academy (PMA) nag-imbita sa tanang batan-ong Pilipino sa pagkuha sa tinuig nga Entrance Exam nga gitakda karong uma-abot nga Agosto 31 sa kapin sa 30 ka mga ‘examination centers’ sa tibuok nasud.
Ang buot mokuha sa maong pasulit kinahanglang usa ka lumad nga Pilipino nga nataw sa Pilipinas, adunay ‘good moral character’; maayo ang kahimtang sa panglawas; dili ug wa gyud maminyo; adunay gitas-on nga 5’4” kon lalaki ug 5’2” kon babaye apan dili molapas og 6’4” ang gitas-on.
Kinahanglan dili mo-ubos sa 17 anyos ang panu-igon ug dili molapas sa 22 anyos sa umaabot nga Abril 01, 2009; gradwado sa ‘high school’ nga adunay ‘general average’ nga 85%; ug makakaya ang ‘minimum requirements para sa usa ka physical fitness test’.
Dal-on sa aplikante ang mosunod nga dokumento: Form 137, NSO Birth Certificate ug 2” x 2” ID nga hulagway nga adunay puti nga ‘background’.
Ang pasulit motuki kabahin sa Algebra, Geometry, Grammar, Composition, Reading Comprehension, ug Verbal/Numerical Reasoning ug Pattern Analysis.
Ang “Application forms” makuha sa mga buhatan sa AFP o PNP sa inyong lugar o mamahimong ma-download sa http://www.pma.ph. Mahimo pod usab nga mo-apply sila sa mao gihapong ‘website’.
Ang mo-pasar sa maong ‘entrance exam’ maka angkon ug kalidad nga edukasyon sa kolehiyo; ‘stipend’ samtang katungha; ug kasiguroang trabaho sa Philippine Army, Philippine Navy o sa Philippine Air Force.
Labaw sa tanan, ang talagsaong higayon nga maka-alagad sa nasud nga Pilipinas. (PIA/ Bohol)
