MANILA, Feb. 18 (PIA)–Gipasalig ni Presidente Benigno ‘Noynoy’ Aquino III nga makadawat og umento sa suholan ang mga kawani sa gobyerno.
Matud pa ni PNoy, magpagawas siya og executive order ug retroactive ang umento gikan Enero 1, 2016.
Gipasabot sa Presidente nga gibalik lamang niya ang draft EO nilang Executive Secretary Paquito Ochoa ug Budget Secretary Butch Abad aron siguradohong walay legal question sa gibutang nga performance-based bonus (PBB) ug performance enhancement incentive (PEI).
Giingong kun matarung na tanan ang iyang gi-kuwestiyon, lagdaan na niya kini sa Biyernes pagbalik niini sa Pilipinas gikan sa California.
I-base ang dugang suholan sa napakyas nga Salary Standardization Law 4 (SSL 4) nga wala napalabang sa Kongreso sa wala pa mag-recess alang sa eleksyon.
Samtang gitin-aw usab sa Malakanyang nga dili apil sa salary increase ang mga naa sa Government-owned and Controlled Corporations (GOCCs). (ecb/PIA7-Bohol)
