TAGBILARAN CITY, Bohol, Feb. 11 (PIA)–Nimugna si Presidente Benigno ‘Noynoy’ Aquino III og “Blood Money committee” nga maoy mohatag og rekomendasyon kun unsaon pagtubag sa gobyerno ang mga problema sa mga OFW’s nga naa sa death row nga gipangayuan og blood money.
Apil sa maong komite ang Office of the Vice President (OVP), Executive Secretary, Department of Justice (DOJ), Department of Foreign Affairs (DFA), Department of Budget and Management (DBM), Department of Labor and Employment (DOLE) ug Department of Social Welfare and Development (DSWD).
Matud pa ni Presidential Spokesperson Edwin Lacierda, buot sa Presidente nga magbaton og tin-aw nga patakaran sa hisgotanan sa blood money.
Gihatagan og usa ka bulan ang komite aron tun-an ang mga himuong basehan sa paghatag niini ug sayran ang mga kasong maapil dinhi. (PIA7-Bohol/ECB)
