TACLOBAN, Jan. 17 (PIA)–Gipalig-on ni Pope Francis ang pagtuo sa mga bitima sa bagyong Yolanda sa Santos nga Misa nga iyang gipangunahan sa Tacloban Airport.
Sa iyang wali, miingon ang Santo Papa nga mibisita siya sa Tacloban aron ipasalig nga wala nagpasagad ang Diyos.
Giingong gi-respeto niya ang sentimyento sa mga biktima kun nawad-an kini og pagsalig, panginabuhian ug mahal sa kinabuhi.
Matud pa nga ang tanang kalisud nga naagian sa tawo matag adunay kalamidad, naagian usab sa Diyos sa dihang gilansang kini sa krus.
Matud pa sa Santo Papa, nasabtan ug nadungog sa Diyos ang gi-agian sa tanan.
“I come to tell you that Jesus is Lord and he never lets us down. He was consecrated as Lord on that throne and there he experienced all calamities that we experienced. Jesus is Lord, and the Lord from the cross, is there for you. Therefore, he is capable of understanding us as we heard in the first reading,” matud pa ni Pope Francis.
Dugang pa sa Santo Papa, may Ginoo kita nga may katakos nga moduyog sa atong paghilak ug mahimong makauban sa panahon sa kalisod.
“So many of you have lost everything. I don’t know what to say to you, but the Lord does know what to say to you. Some of you lost part of your families, all I can do is keep silence, and I walk with you all with my silent heart,” dugang pa sa Santo Papa.
Gitumbok usab sa Santo Papa ang pagtuo sa Birheng Maria.
Giingong kun grabe ang gi-agiang kalisod ug dili na masabtan ang mga panghitabo, moduol lamang sa Birheng Maria.
Nigahin og ‘moment of silence’ ang Santo Papa alang sa mga biktima sa bagyo ug gi-aghat ang mga nitambong sa misa nga ipagawas kun unsa ang naa sa ilang kasingkasing.
Libuan ang nitambong sa misa sa Santo Papa diin nahimong emosyunal ang ubang survivors sa bagyong Yolanda nga nakahilak sa mga pulong sa Santo Papa bisan sa kusog nga hangin ug ulan tungod sa bagyong nasinati na usab karon sa Eastern Visayas. (ecb/PIA7-Bohol)
