SANGLIT usa ka loyal nga sakop sa partido, gipaabot pa ni Sec. Ronnie Puno ang pagtuboy kaniya sa nominasyon sa pagka kandidato sa Bise Presidente sa nasud.
Si Puno, kinsa bukas na nga mipadayag sa iyang laraw modagan sa ikaduhang labing taas nga posisyon sa nasud mibutyag nga mopadayag siya sa iyang laraw pagdagan pagkabise-presidente sa umaabot nga kombensyon sa Lakas NUCD ug Kampi, nga matud niya, mahitabo sa dili madugay.
Niining kombensyon, iyang paaboton ang iyang pagka-opisyal nga mapili nga kandidato sa hiniusang partido.
Hinuon, dihang gipangutana kon unsay iyang buhaton kon dili mapili sa kombensyon, butyag niya nga siya usa ka loyal nag sakop sa partido (PIA)
