KASUNOD sa pagmando sa mandatory evacuation sa Department of Foreign Affairs (DFA)
sa mga Pinoy nga nakabase sa 50-kilometer radius zone nga apektado sa Fukushima
nuclear plant sa Japan, gitakda na usab ang unang lakang sa mga Pinoy nga pagpaule sa
Pilipinas.
Target sa DFA nga himuon ang unang biyahe sa repatriation sa Abril 17 diin abagahon sa
gobyerno ang gasto sa repatriation, apil ang pletehan ug gasto sa travel documents.
“The Philippine Government will absorb the full cost of repatriation to the Philippines. Our
plan to repatriate will involve the chartering of aircraft which is being planned to originate from
Niigata airport located in northwest Japan. We are targeting the first repatriation flight to be
scheduled for Sunday, April 17,” pamahayag ni Foreign Affairs Secretary Albert del Rosario.
Paningkamotan usab sa DFA ug embahada sa Pilipinas sa Tokyo nga ibakwit ang mga Pinoy
nga naa sulod sa 50-kilometer radius sa Fukushima Dai-ichi Nuclear Power Plant.
Bisan pa niini, gi klaro usab ni Del Rosario nga dili pugson sa gob-yerno ang mga Pinoy nga
adunay pamilya sa Japan sa pagbakwit kun dili nila gusto.
Alang sa mga mag-desisyon nga magpabilin, mahimo usab silang i-relocate sa mga
relocation center nga naa sa Tokyo nga may gilay-on nga 250 kilometro gikan sa nuclear
power plant.
Apan matud pa ni Philippine Ambassador to Japan Manuel Lopez, kun dili tanan ang
modesisyon nga mobakwit, himuon pa gihapon sa embahada ang tanan nilang mahimo aron
makumbinsi ang tanan. (ecb/PIA-Bohol)
