MANILA, July 27 (PIA)–Ubos sa SSS Circular No. 2015-009 nga gipagawas ning bag-o lang, gidugangan sa maong buhatan ang funeral benefits gikan sa fixed amount nga P20,000 ngadto na sa variable amount sugod P20,000 ngadto na sa maximum nga kantidad sa P40,000, depende sa number of contributions ug average monthly salary credit (AMSC) sa miyembro.
Matud pa ni SSS Vice President for Benefits Administration Agnes San Jose, ang pagsaka mo-apply alang sa tanang funeral benefit claims nga adunay contingency nga petsa sugod Agosto 1, 2015.
Giingong ang bag-ong funeral benefits kalkulahon gamit ang fixed amount nga P20,000 ug ipuno ang porsentahe sa total contributions ug AMSC sa miyembro.
“The proposal to increase funeral benefits came about after our study revealed that the costs of burial services have climbed to an average of more than P40,000 or twice the current fixed amount of benefit SSS disburses for funeral claims,” matud pa ni San Jose.
Ang SSS funeral benefit usa ka cash grant nga ihatag aron i-ilis sa mga nagasto sa pagpa-lubong sa namatay nga miymebro sa SSS.
Sa pagkakaron, ang kantidad nalansang sa P20,000 bisan pila pa ang number of contributions sa miyembro.
Sa bag-ong kuwentada nga gimugna sa SSS Actuarial Department, mahatagan na og dugang kantidad ang mas daghan og kontribusyon ug mas taas nga monthly salary credits.
Isip resulta sa increase, ang funeral claims gipaabot nga mosaka ngadto na sa 12 porsiyento o P332 milyon matag tuig. Gibanabana sa SSS nga 50 porsyento sa total funeral claims mas molabaw pa sa P20,000 matag claim.
Ang SSS funeral benefit payouts ning Abril 2015 mi-sumada og P1.01 bilyon, 2.4 porsiyento nga mas taas sa P987 milyon nga nabayad sa susamang panahon niadtong tuig 2014. (ecb/PIA7-Bohol)
