by magnolia_eic | Aug 12, 2011 | Headlines, National News
TAGBILARAN CITY, Aug. 11 (PIA) – GIBUTANG na sa Senado sa Witness Protection Program (WPP) sa kagamhanan ang duha ka negosyanteng nitudlo kang kanhi First Gentleman Mike Arroyo nga maoy utok sa pagbaligya sa segunda-manong helikopter sa Philippine National Police (PNP) sa presyong brand new.
Gi-aprubahan ni Senate President Juan Ponce Enrile ang pagbutang sa WPP nilang Lionair President Archibald Po ug Manila Aerospace Products Trading Corp. (MAPTRA) President Hilario de Vera.
Sa iyang pagbalik og atubang sa pagdungog sa Senate Blue Ribbon Committee, gitumbok ni Po nga wala siya bisan kanus-a man nalambigit sa bisan-unsang maanomalyang transaksyon sa PNP nga giingong gipasulod ni De Vera
Gitataw pa ni Po nga aduna siya’y gigunitan nga mga dokumento nga magpamatuod nga si Mike Arroyo ang tinuod nga nanag-iya sa lima ka chopper.
Gi-prisintar pa sa General Manager sa Lion Air nga si Rene Sia ang usa ka wire transfer certificate gikan sa Lourdes T. Arroyo (LTA) Incorporated nga gipanag-iya ni Arroyo, alang sa $500, 000 deposit alang sa pagpalit sa lima ka Robinson chopper niadtong tuig 2003.
Gahapon, gipasakaan ni Arroyo si Po og kasong perjury, false testimony ug offering a false testimony tungod sa maong alegasyon. (PIA-Bohol/ecb)
by magnolia_eic | Aug 6, 2011 | Headlines, Local News / Bohol Balita
TAGBILARAN CITY, Aug. 5 (PIA)–Gipaimbestigar na ni Justice Secretary Leila de Lima kang Bureau of Immigration (BI) Commissioner Ricardo David ang wala pag-agi ni kanhi First Gentleman Mike Arroyo sa Immigration sa dihang milakaw kini paingon sa Hong Kong niadtong Domingo, Hulyo 31. Matud pa ni De Lima, nakadawat siya og report nga adunay nilihok sa mga dokumento ni Arroyo.
Base sa flight manifest, migawas sa nasud si Arroyo sakay sa Cathay Pacific.
Gibutang na sa Immigration watchlist ang kanhi First Gentleman nga nipahibalo usab nga mopaule siya sa Lunes human sa iyang medical check-up apan giingong mag-depende sa iyang mga doktor kun motambong siya sa imbestigasyon sa Senado.
Ipatambong sa Senate Blue Ribbon Committee si Arroyo sa imbestigasyon niini sa pagpalit sa duha ka segunda-manong helikopter sa Philippine National Police (PNP) sa presyong brand new. (PIA-Bohol/ecb)
by magnolia_eic | Feb 9, 2011 | Headlines, National News
NASABUTAN kagahapon sa mga Senador nga i-suspende una ang gitakdang pagdungog
sa Blue Ribbon Committee sa sunod nga seman kabahin sa kahiwian sa militar ug sa plea
bargaining agreement ni kanhi AFP comptroller Carlos Garcia.
Mao kini ang gipahayag ni Senate Majority Leader Vicente “Tito” Sotto human sa wala
damha nga pagkamatay ni kanhi AFP chief of staff Angelo Reyes.
Matud pa ni Sotto, dili mahimong mabungahon kun ipadayon ang hearing tungod sa pagsubo
sa pamilya, mga higala ug apil na usb ang mga nahimong kauban niini sa militar.
Gitakda untang padad-an sa Senado og subpoena si Reyes human duha ka higayon nga
wala tungaha niini ang hearing sa wala pa kini nagpakamatay.
Miingon usab si Se-nate President Juan Ponce Enrile nga bisan naguol sila sa nahitabo
ni Reyes, magpadayon pa sila sa ilang trabaho nga mopahigayon og imbestigasyon aron
makapasaka sa mga gikinahanglang balaod.
Nagtuo si Enrile nga gipakita lamang ni Reyes nga misunod kini sa tenets sa Philippine
Military Academy nga integrity, courage ug loyalty tungod kay mas gipili pa niining kutluon
ang iyang kinabuhi kaysa mawala ang iyang dungog.
Gibarugan gayud ni Enrile nga ang Senado pa gihapon ang “proper venue” aron
imbestigahan ang mga anomalyang nahitabo sa nasud aron mapaandaman og mga balaod
isip bugti sa mga anomaliyang gibutyag. (ecbPIABohol)
by magnolia_eic | Sep 17, 2010 | Headlines, National News
ANG Senate blue ribbon committee magsugod na sa ilang imbestigasyon karong Martes sa mga gipasangil sa usa ka retiradong obispo nga adunay mga opisyal sa administrasyong Aquino nga nagdawat og binuwan nga suhol gikan sa mga jueteng operators.
Si Senador Teofisto Guingona III, pangulo sa blue ribbon committee, niingon nga ang maong hearing maghatag sa hapsay nga forum alang sa mga hingtungdang tawo aron pagsaysay sa ilang mga nahibaw-an bahin sa giingong jueteng payoffs.
Matud pa ni Guingona nga tumong nilang mahibaw-an ang gidak-on sa maong problema, unsaon pag sulbad niini, ug kon aduna bay kinahanglang himoong bag-ong balaod.
Si Guingona nagkanayon nga ila nang gidapit sa maong hearing si retired Lingayen-Dagupan Archbishop Oscar Cruz, kinsa maoy niingon nga adunay ubang opisyal sa kagamhanan ni Presidente Aquino ang naglihok isip jueteng operators o mga protektor sa jueteng operators.
Gidapit usab silang Interior Secretary Jesse Robredo, Interior Undersecretary Rico Puno, Philippine Charity Sweepstake Office (PCSO) Small Town Lotteries (STL) project manager Romualdo Quiñones, ug Philippine National Police (PNP) chief Deputy Director General Raul Bacalzo. (PIA)
