TAGBILARAN CITY, Mar. 30 (PIA)–Sa 16 ka syudad sa Rehiyon 7, ikaduha ang syudad sa Tagbilaran sa collection efficiency nga may 112.59% rating nga nanghawod sa mga highly urbanized cities sama sa Cebu City, Lapu-lapu City ug Mandaue City.
Ang collection efficiency gi-base sa tinuig nga target nga gisaka sa usa ka local government unit gikan sa lokal income sources sama sa Business Tax, Fees and Charges ug Economic Enterprise.
Ang koleksiyon gikan sa Economic Enterprise nakatala og 125.67% efficiency rating nga may aktuwal koleksiyon nga P40,791,605.00 batok sa tinuig nga target nga P32,460,515.00 nga maoy hinungdan nga nakuha sa syudad ang No. 1 rank sa tibuok Rehiyon 7.
Sa kinatibuk-ang ranking diin gi-kumbinar ang total collections sa Economic Enterprise, Fees ug Charges ug Business Taxes, misobra ang syudad sa Tagbilaran sa tinuig nga target niini nga P185,335.922.00 alang sa 2014, nga may actual collection nga P208,666,070.00, milabaw sa 2014 annual target ug nakatala og collection efficiency rating nga 112.59% nga nagbutang sa syudad sa Tagbilaran sa ikaduhang puwesto sa 16 ka syudad sa Rehiyon 7. (ecb/PIA7-Bohol)
