BOHOL, July 20 (PIA)–Ang Technical Education and Skills Development Authority (TESDA) Bohol mopahigayon sa ilang tinuig nga libreng Competency Assessment ubos sa National TVET Competency Assessment and Certification Programs (NATCAC).
Karong tuig nga libreng competency assessment ipahigayon sa 3 ka schedules sa bulan sa Mayo, Agusto ug Nobyembre. Ang ikaduhang implementasyon ipahigayon sa Agusto 1 taman 31, 2015.
Kining programa parte sa paningkamot sa TESDA sa pagpakusog sa ang-ang ug pagdayeg sa competency assessment ug certification sa tibuok nasud.
Nagtinguha kini sa pagmugna ug pagsabot sa mga Pilipino sa bili ug kamahinungdanon sa TESDA Certification ug Assessment Services.
Dinhi sa Bohol, pinaagi sa pamunoan ni Provincial Director Dr. Francisca R. Opog, ang TESDA motanyag og libreng assessment sa mga Bol-anon sa mga mosunod nga kwalipikasyon: Automotive Transport Service NC II, Animal Production NC II, Beauty Care NC II, Bread and Pastry Production NC II, Carpentry NC II, Cookery NC II, Driving NC II ug Dressmaking NC II.
Electrical Installation and Maintenance NC II, Food Processing NC II, Housekeeping NC II, Horticulture NC II, Plumbing NC II, Shielded Metal Arc Wedding NC II, Motorcycle/Small Engine Servicing Mechanic NC II, Tailoring NC II, Tile Setting NC II ug Reinforced Steel Bars Installation NC II.
Ang mga kwalipikadong aplikante mga trainers sa pribado ug publikong vocational institutions, local government units ug ubang government agencies nga nagtanyag og TVET programs, DepEd Trainers, Industry Workers/Practitioners/Professional/Career Shifters nga gustong mopaubos sa competency assessment, Returning Overseas Filipino Workers (OFWs)/Filipino Expatriates nga adunay relevant experience nga nagkinahanglan og assessment alang sa posibleng pag-trabaho ug promosyon.
Ang mga interesadong aplikante mahimong mobisita sa 5 ka TESDA-Bohol Provincial Training Centers (mga accredited competency assessment centers) sa lalawigan nga mao ang: PTC Bilar (535-9080), PTC-Jagna (531-8409), PTC-Inabanga (512-9012), PTC-Tubigon (508-8216) ug PTC-Pilar (510-8237). Mahimo usab mobisita sa TESDA-Bohol Provincial Office nga nahimutang sa B. Inting Street, Cogon District, ning syudad sa Tagbilaran o tawag lamang sa telepono (038) 501-8761/ 235-5576. (ecb/PIA7-Bohol/TESDA-Bohol)
