Tagbilaran City, May 25 (PIA) – Tungod sa nagka-grabeng kagubot sa Yemen, gipasaka na sa
Department of Foreign Affairs (DFA) sa alert leve3 ang alarma alang sa gibanabanang 3,000 ka
mga Pinoy sa maong nasud.
Tungod niini, andam na ang DFA ug ang Embahada sa Pilipinas sa mandatory evacuation sa
mga Pinoy nga gastuhan sa kagamhanan.
Gitahasan na ni Foreign Affairs Sec. Alberto del Rosario ang Embahada sa Pilipinas sa Riyadh
ug Philippine Consulate sa Jeddah nga maoy nasakop sa Yemen nga sugdan na ang pagbakwit
sa mga apektadong OFWs didto.
Usa ka 5-man team na ang gipadala sa Embahada aron moadto sa capital sa Yemen sa Sanaa
aron makig-alayon sa mga Pinoy communities alang sa repatriation program.
Aduna nay mga Pinoy nga nagpalista alang sa maong repatriation program.
Matud pa ni Philippine Ambassador to Saudi Arabia Ezzedin Tago nga gihulat na lamang nila ang
final confirmation sa mga nagpalista tungod kay posibleng nausab ang hunahuna sa uban nga
nagpalista na. (PIA-Bohol/ecb)
