by aimee | Jan 15, 2013 | Headlines, Local News / Bohol Balita
TAGBILARAN CITY, Bohol, Jan. 15 (PIA)–Gitakda sa Pebrero 17-23, 2013 ang labing dakung surgical mission ning tuiga dinhi sa lalawigan sa Bohol.
Kini pagadumalaon sa 30-man surgical team gikan sa Association of Filipino Physicians of Southern Illinois (AFPSI) nga pangunahan ni Dr. Renato Rivera.
Ang US surgical team moabot dinhi sa Pebrero 16 sakay sa Philippine Airlines (PAL).
Ang mga miyembro sa maong surgical team naglangkob sa mga ekspertong American surgeons, experienced nurses gikan sa Southern Illinois ug ubang doktor gikan sa West Virginia, Arizona, Philadelphia, New Jersey, Florida ug California nga pangunahan ni Dr. Antonio Daquipa.
Ipahigayon ang surgical mission sa Borja Family Hospital pinaagi sa medical director niini nga si Dr. Melinda Borja ug chief of clinic, Dr. Kazan Baluyot.
Apil sa mga surgical cases nga ipahigayon mao ang thyroidectomy, hysterectomy, oophorectomy, breast tumor, hernia, gallbladder ug cleft lip palate, ug uban pang major operations.
Ang mga pasyente niini maggikan sa 47 ka lungsod sa lalawigan sa Bohol ug sa syudad sa Tagbilaran.
Gitambagan ang publiko nga bisitaha lang ang buhatan ni Dr. Fancy Baluyot sa ubos ug likod nga bahin sa Provincial Capitol o tawag lamang sa (038) 501-9196 alang sa ubang detalye ug pangutana, samtang nagpadayon pa ang pagpa-lista ug pre-screening sa mga pasyente.
Gitambagan ang mga pasyente sa pagbisita una sa ilang municipal health officers alang sa proper referral sa mga pasyente sa kalungsoran.
Kining labing dakung surgical mission gi-sponsoran sa Kagamhanang Probinsiyal ubos sa pagdumala ni Gob. Edgar Chatto ug Vice-Gob. Concepcion Lim ug pinaagi usab sa Sangguniang Panlalawigan health committee chair Board Member Cesar Tomas Lopez, Provincial Administrator Alfonfo Damalerio II ug sa Philippine Gift of Life Foundation pinaagi sa chairman niini nga si Dr. Ramie Cadag ug President/CEO, Dr. Fancy Baluyot. (PIA-Bohol/ecb)
by aimee | Jan 15, 2013 | Headlines
TAGBILARAN CITY, Bohol, Jan. 15 (PIA)–Giseguro karon sa pamunuan sa Philippine National Police (PNP) nga andam na ang tanang mga PNP regional directors, provincial directors ug tanang units niini sa tibuok nasud nga bantayan ang mga private armed groups nga na-identify sa polisya.
Matud pa ni PNP chief director Gen. Alan Purisima, may gipagawas na siyang direktiba sa tanang kapolisan sa tibuok nasud aron dili maapektuhan ang nagsingabot nga 2013 midterm elections.
Kalabot niini, hangyo ni Purisima sa publiko nga makigtambayayong sa mga otoridad ilabi na sa mga nahitabo sa ilang lugar pinaagi sa pagpaabot sa impormasyon sa PNP hotline nga 0917-847-5757.
“Nakahanda po ‘yong ating provincial directors, regional directors na manmanan ang mga private armed groups na tinatawag, at kailangan po ‘yong impormasyon na manggagaling sa ating mga kababayan kung sino-sino at nasan ang mga grupong ito, upang mapigilan ang balak ng mga ito sa halalan. May hotline po tayo na maaaring i-text para sa inyong concerned: 09178475757.”
Kalabot niini, giseguro usab sa PNP chief nga tubagon nila dayon unsa mang lehitimong reklamo nga ipaabot sa ilang buhatan. (PIA-Bohol/ecb/I-gg)
Sayo nga pagpatala sa public elementary ug HS, sa Enero 26 na
TAGBILARAN CITY, Bohol, Jan. 15 (PIA)–Pagabuksan sa Department of Education (DepEd) ang nationwide early registration alang sa school year 2013-2014 sa tanang pampublikong elementarya ug sekondaryang eskwelahan sa Enero 26.
Matud pa ni Education Secretary Armin Luistro, kini aron masiguro ang universal participation ug completion of basic education nga target sa buhatan.
Nagtinguha ang DepEd nga makatungha og balik sa mga classroom ang school-aged children ug out- of- school youth.
“We are enlisting the assistance of local and barangay officials for the early registration of out-of-school children (OSC) and out-of-school youth (OSY), those with difficulty in learning and the indigenous peoples (IPs),” matud pa ni Luistro.
Partikular nga target sa sayo nga pagpatala ang tanang 5-anyos nga bata nga motungha sa Kindergarten ug tanang 6-anyos nga motungha usab sa Grade 1.
Target usab sa early registration ang OSC ug OSY, edad 5-anyos hangtud 18-anyos diin papilion sila sa matang sa sistema sa edukasyon nga gusto nila gikan sa alternative delivery mode (ADM) o alternative learning system (ALS). (PIA-Bohol/p-gg)
by aimee | Jan 14, 2013 | Headlines, National News
TAGBILARAN CITY, Bohol, Jan. 14 (PIA)–Gi-aghat sa Philippine National Police (PNP) ang publiko nga magbinantayon ug isumbong dayon ang mga kadudahang checkpoint sa awtoridad.
Atubangan kini sa pagsugod sa election period kagahapon ug pagpatuman na usab sa election gun ban sa tibuok nasud.
Kahinumdoman nga usa sa mga gihikyad sa PNP ang pagpahigayon og mga checkpoint aron masakmit ang mga loose firearm ug madakpan ang mga molapas sa gun ban.
Apan matud pa sa PNP, dili angay kahadlokan ang mga checkpoint.
Tungod niini, gipagawas sa kapolisan ang mga sumbanan sa pagpahigayon og checkpoint nga mao ang mosunod:
Layo pa lang ang motorista, kinahanglang kabalo siya nga may checkpoint tungod kay
may signage.
Kinahanglang nakasol-ob og uniforms ang mga polis. Dili mahimo ang camouflage o combat uniform.
Kinahanglang adunay naka-park nga marked police vehicle sa checkpoint.
Kinahanglang dili sa ngitngit nga lugar naka-pwesto ang checkpoint.
Dili mahimong magpakanaug og tawo sa sakyanan o ablihan ang glove compartment o ang likod sa sakyanan.
Matud pa ni PNP spokesperson Chief Supt. Generoso Cerbo, dili awtorisado ang mga polis nga naa sa checkpoint nga mopahigayon og physical ug body search, gawas kun may timbre kini gikan sa ubang polis sama sa higayon nga adunay tulisan nga gipangita sa maong lugar.
Giingong visual check lamang ang angay ipatuman kun “walay reasonable doubt o reasonable ground.” (PIA-Bohol/ecb/I-sjp)
by aimee | Jan 14, 2013 | Headlines, National News
A proposal to have government host all government websites is being studied by Malacañang in order to prevent hackers from gaining control and defacing these portals in the future, Presidential Spokesperson Edwin Lacierda said on Monday.
In a briefing, Lacierda said that by “migrating” or moving all government websites to the government host will ensure their safety from hackers as the government domain, which is managed by the Department of Science and Technology, is less prone to hacking.
“Those (websites) that are hosted by DOST are secure; for instance (the) PCDSPO (Presidential Communications Development and Strategic Planning Office) and the OG (Official Gazette), they are hosted by the government and as much as the hackers have attempted to attack the OG (website), it has never been defaced,” Lacierda said.
“Some government websites are hosted by private entities and there has been a suggestion to move or migrate their hosting to government so that’s being studied right now,” he added.
Six government websites (http://pro8.pnp.gov.ph/, http://mambulao.gov.ph/, http://www.cpa.gov.ph/, http://mmda.gov.ph/, http://nfa.gov.ph/, http://www.nmp.gov.ph/) were recently broken into by hackers to press their sentiments against the Anti-Cyber Crime Act of 2012 which President Benigno S. Aquino signed into law last September. (PCOO)
by aimee | Jan 14, 2013 | Headlines, National News
TAGBILARAN CITY, Bohol, Jan. 14 (PIA)–Gitin-aw sa Commission on Elections (Comelec) nga samtang wala pa nagsugod ang election campaign, dili pa gihapon mahimong magbutang og bisan unsang election materials sa bisan asang lugar.
Matud pa ni Comelec Executive Director James Jimenez, sa Pebrero 12, 2013 pa ang pagsugod sa kampanya alang sa mga national candidate ug partylist group samtang sa Marso 29 usab magsugod ang kampanya alang sa mga lokal nga kandidato.
Giangkon ni Jimenez nga gipaabot na nila ang pagdagsa sa mga poster, tarpaulins ug paggawas sa mga telebisyon sa mga kandidato tungod kay pag-abot sa campaign period, limitado na ang paggawas nila sa media.
Giingong mas hugtan pa sa Comelec ang paglimita sa pagpamaskil og mga campaign posters.
Nakig-alayon na usab sila sa Department of Public Works and Highways (DPWH) alang sa mga probinsiya ug sa Metro Manila Development Authority (MMDA) alang usab sa mga taga-Metro Manila sa pagtangtang sa mga gipamaskil na nga mga election materials.
Bantayan usab sa Comelec ang media exposure sa mga kandidato nga aduna lamang 120 minuto sa ilang exposure nga apil na sa cable ug local channels nga dili na susama sa niaging eleksyon.
Si Jimenez nagkanayon nga angay usab sundon sa mga kandidato ang budget sa kampanya nga P3.00 matag botante alang sa mga kandidatong may partido ug P5.00 sa mga independent candidate.
Bantayan usab sa Comelec ang pagdagsa sa mga kandidato nga mogamit sa social network campaign. Giingong ilang bantayan ang mga gibaligyang ads sa nagkalain-laing websites. (PIA-Bohol/ecb/I-gg)
