by aimee | Oct 18, 2012 | National News
TAGBILARAN CITY, Bohol, Oct. 18 (PIA)–Gi-anunsyo kagahapon sa Department of Foreign Affairs (DFA) ang gitakdang pagbisita ni Presidente Benigno “Noynoy” Aquino III ug mga miyembro sa iyang Gabinete sa New Zealand sa Oktubre 22-23 ug sa Australia sa Oktubre 24-26.
Matud pa sa DFA, ang pagbisita sa Presidente sa New Zealand naggikan sa imbitasyon nila New Zealand Prime Minister John Key ug Australian Prime Minister Julia Gillar aron mas mapalig-on pa ang bilateral relations tali sa Pilipinas ug sa duha ka nasud.
Makauban sa Presidente sa iyang pagbisita sa New Zealand ug Australia sila Foreign Affairs Sec. Albert del Rosario, Trade Industry Sec. Gregory Domingo, Defense Sec. Voltaire Gazmine ug uban pang Cabinet secretaries nga makigpulong sa ilang counterparts.
Katuyuan usab sa pagbisita sa New Zealand nga mapalambo pa ang relasyon sa nasud kalabot sa political, defense ug development cooperation ug ang maayong relasyon tali sa duha ka nasud.
Gikan New Zealand, mo-deretso na ang Presidente sa Canberra, Australia alang sa misyon niini nga mas lig-onon pa ang relasyon sa duha ka nahisgotang nasud.
Natino nga adunay 36,000 ka Pinoy ang kasamtangang naa sa New Zealand samtang ang Pilipinas ang ika-10 nga source countries alang sa milabay nga migrant arrivals sa Australia diin mikabat sa 224,000 ka Pinoy dinhi ang natala. (PIA-Bohol/ecb/I-ed)
by aimee | Oct 18, 2012 | Headlines, Health and Medicine
TAGBILARAN CITY, Bohol, Oct. 18 (PIA)–Peligro sa panglawas ug mahimong makamatay ang dala nga hilo sa mga sakyanang dili sakto ang pagka-convert sa Auto-Liquified Petroleum Gas (ALPG).
Kadaghanan niini sa mga pampasaherong sakyanan sama sa taxi ug bus, mao nga dili luwas sa peligro ang driver ug pasahero.
Matud pa ni DOH-National Capital Region Director Eduardo C. Janairo, natino sa gihimo nilang pagtuon nga pipila sa mga nigamit og mga sakyanang LPG-converted nga ang mga taxi driver nakasinati og pagsakit sa ulo, pagkalipong, paggaan sa paminaw sa ulo ug pag-uga sa tutonlan.
Sa rapid health assessment study sa Center for Health National Capital Region, nakumpirmar usab nga ang uban sa mga epekto sa pagka-expose sa auto-LPG nag-apil sa pagpanakit sa ulo, likod, tangkugo ug dughan, pagbaton og ubo, pagkalipong, pagka-uga sa tutonlan, pagka-luya ug pagluya sa mga muscle, pagsuka ug lisod sa pagginhawa.
Giingong makuha ang maong mga sintomas tungod sa nakuhaang delivery sa oxygen sa mga vital organs sa lawas. Natino pa nga ang overexposure sa auto-LPG mahimong hinungdan sa pagkawala sa panimuot o pagkamatay.
Tungod niini, girekomendar sa DOH-NCR sa mga taxi operators ug drivers nga magpa-convert lamang sa mga lehitimo o accredited conversion facilities sa Department of Trade and Industry (DTI).
Ang ALPG nga napa-ilaila sa nasud niadtong 2005, adunay mixture sa light hydrocarbon gases propane (30%) ug butane (70%).
Matud pa sa DOH, kinatibuk-ang 19,052 taxi ang converted sa auto-LPG sukad 2005 hangtud 2011, o average nga 2,000 taxi matag tuig. (PIA-Bohol/ecb/I-hd)
by aimee | Oct 18, 2012 | National News
THE Philippines is offering Australia a strategic partnership similar to the country’s arrangement with the United States and Japan, President Benigno S. Aquino III said on Wednesday.
“We only have two strategic partnerships—one with the United States of America and the other with Japan. We’re offering the third to Australia and they are presently studying it,” the President said during the annual forum with the Foreign Correspondents Association of the Philippines (FOCAP) in Manila.
But even without a strategic tie up, the President said, Australia has been assisting the Philippines with the Coast Watch System that provides trainings to Filipino soldiers conducted by the Australian military security forces.
The system also provides scholarships for the Philippine military personnel. Australian experts also meet with various institutions in the country, he added.
According to the President, the Philippine-Australia partnership is important because both countries share the same values, form of government as well as regional and global challenges.
“We have been normally on the same side of issues that have confronted our respective peoples since at least World War II, the Korean War, and the Vietnam War. We face the same challenges be it terrorism, global climate change, relationships with the superpower in the neighborhood,” he said.
“All of these lead to shared values, in a sense, shared background and therefore it promotes closer cooperation between our peoples.”
The Philippine Senate ratified in July the Status of the Visiting Forces Agreement (SOVFA) between the Philippines and Australia.
Legislators said the Philippines can gain from SOVFA through military education, training, and exercise, humanitarian activities, and other related endeavors with Australia. (PND)
by aimee | Oct 16, 2012 | Headlines
TAGBILARAN CITY, Bohol, Oct. 16 (PIA)–Tungod sa nagkadaghang nabiktima sa pagdagsang sa mga pekeng kwarta, nihatag og pipila ka tips ang Bangko Sentral ng Pilipinas (BSP) aron mabantayan sa publiko ang kalainan sa mga peke ug tinuod nga peso bills.
Apil sa mga gihatag nga tips ni BSP Cash Department Deputy Director Grace Malic ang pagsusi sa mga mosunod nga features sa mga daan ug bag-ong peso bills:
1. Embossed ang print sa tinuod nga kwarta, samtang flat prints o stamp lang ang peke.
2. Adunay watermark ang mga tinuod nga peso bills ug may 3-D effect ang anino niini, samtang bungkag ang peke.
3. Adunay thin strip of window security thread sa tuong bahin ang mga tinuod nga peso bills nga mausab ang kolor. May makitang denomination ug nakasuwat nga ‘BSP’ kun maaninag. Tibuok usab ang thread sa genuine, samtang putol ang sa peke.
4. Defined ang linya ug sipa ang kolor sa portrait sa tinuod nga peso bills, samtang hugaw ug dili kaayo sipa ang kolor sa peke.
Nipasidaan ang BSP sa mga tighimo sa mga pekeng kwarta nga may unom ka buwan hangtud 12 ka tuig nga pagka-bilanggo ang multa niini. (PIA-Bohol/ecb/I-gg)
by aimee | Oct 16, 2012 | National News
TAGBILARAN CITY, Bohol, Oct. 16 (PIA)–Giingong gigahinan sa gobyerno og P8.59 bilyon ang Transition Investment Support Plan alang sa pagsugod sa Bangsamoro sa Mindanao.
Gibutyag kini mismo ni Presidente Benigno “Noynoy” Aquino III, kini gawas pa sa nahiunang P12.93 bilyon nga naka-allocate na sa national budget.
Matud pa sa Pangulo, gamiton ang pondo alang sa transformation sa mga Bangsamoro ug aron mahimong epektibo kining mga lider sa ilang rehiyon.
Giingong parte kini sa pagsugod sa comprehensive agreement hangtud sa makab-ot ang gipangandoy nga kalinaw ug paglambo sa parte sa Mindanao.
“This year the government has committed 8.59 billion pesos for the Transition Investment Support Plan, on top of the 12.93 billion pesos already allocated through our budget. We are committed to giving the region its rightful share, not just now but each and every time, confident that it will redound to the benefit of all citizens, and will not just line the pockets of a very select few,” matud pa ni Presidente Aquino.
Samtang miingon usab si government chief negotiator Marvic Leonen nga sugdan na nila ang pakighinabi sa Senado, Kamara, mga gobernador, mayor ug mga hingtungdan nga opisyal sa maong dapit aron mapalabang ang balaodnon alang sa pagtukod sa Bangsamoro government.
Matud pa ni Atty. Leonen, commitment kini ni Presidente Aquino ug gilauman nga mapalabang kini sa mas daling panahon. (PIA-Bohol/ecb/I-gg)
