by aimee | Feb 11, 2014 | National News
TAGBILARAN CITY, Bohol, Feb. 11 (PIA)–Giseguro sa Malakanyang nga padayon ang gobyerno sa paghimo og mga lakang aron makamugna og daghang trabaho alang sa mga Pilipino dinhi sa nasud aron makab-ot ang inclusive growth.
Taliwala kini sa gipagawas nga taho sa Social Weather Stations (SWS) nga nag-ingong nagpabiling taas ang gidaghanon sa mga Pilipinong walay trabaho base sa survey nga ilang gipahigayon sa ika-upat nga kwarter sa 2013 diin nigawas nga halos naa sa 27.5% o kapin 12 milyong indibidwal ang walay trabaho.
Sa gipahigayong press briefing sa Malakanyang kagahapon, miingon si Presidential Spokesperson Sec. Edwin Lacierda nga nisaka ngadto sa 6 ka puntos kun itandi sa niagi ang resulta sa maong survey.
Kini tungod na usab sa kadaot nga nahiagoman sa nasud sa mga milabay nga kalamidad ilabi na sa pagpanghasi sa bagyong Yolanda sa Kabisay-an.
Dugang pa sa tigpamaba sa Presidente, tungod na usab kini sa mga nangagubang establisyemento nga naka-ingon sa pagtak-op sa mga negosyo nga ni resulta sa daghang nawad-an og trabaho.
Apan bisan pa niini, dungan sa pagmando ni Presidente Aquino sa Department of Labor and Employment (DOLE), giseguro sa gobyerno nga may igong programa kini aron tabangan ang mga walay trabaho sa nasud sama sa cash-for-work program ug paggahin og mga bag-ong trabaho sa mga nakalampos ubos sa mga job fairs aron matubag ang panginahanglan sa matag pamilya. (PIA7-Bohol/ECB)
by aimee | Feb 11, 2014 | Headlines
TAGBILARAN CITY, Bohol, Feb. 11 (PIA)–Gi-aghat ni Presidente Benigno S. Aquino III ang tanang ahensiya sa gobyerno nga mosalmot ug suportaan ang “KABISIG Philippine Expo and Trade Fair 2014.”
Ang kamanduan gihimo pinaagi sa pagpagawas sa Memorandum Circular No. 62 nga gilagdaan ni Executive Secretary Paquito N. Ochoa, Jr. niadtong Enero 29.
Ang KABISIG People’s Movement Program gimugna pinaagi sa Proclamation No. 650 (S. 1990) aron mapadali, makonektar ug masundan ang pagpatuman sa mga programa ug proyekto sa gobyerno, apil na ang pakiag-alayon sa mga grupo sa pribadong sektor ug mga buhatan sa gobyerno.
Agig pagsunod sa manong mandato, gipahigayon sa KABISIG ang KABISIG Philippine Government Expo and Trade Fair 2014 nga may tema nga “Matuwid na Daan, Susi sa Tagumpay at Kaunlaran.”
Tuyo sa maong proyekto nga tapokon ang tanang buhatan sa gobyerno, apil na ang mga Korporasyong Gitag-iya o Kontrolado sa Gobyerno (GOCCs) ug mga buhatan sa mga Lokal nga Kagamhanan (LGUs) nga ipakita ang ilang mga pasilidad sa serbisyo, mga programa, proyekto, produkto ug mga nahimo.
Usa kini ka kahigayonan aron mapamantala sa gobyerno ang public awareness ug ang pagsalmot sa nasudnong kagamhanan.
“Lahat ng puno ng mga kagawaran, ahensiya at sangay ng pambansang pamahalaan, gayundin ang mga GOCCs at LGUs ay inaatasang tumulong at lumahok sa nasabing Expo and Trade Fair , alinsunod sa mga pondong idaraan sa accounting and auditing rules,” matud pa sa Presidente. (PIA7-Bohol/ECB)
by aimee | Feb 11, 2014 | National News
President Benigno S. Aquino III has formed a permanent committee to map out guidelines on how to deal with the cases of Filipinos facing execution abroad – including whether to raise blood money for them.
Vice President and presidential adviser on OFW concerns Jejomar Binay heads a list of ranking officials who will form the body, presidential spokesman Edwin Lacierda said at a media briefing on Monday.
“The President stressed the need for a clear policy for blood money. We know our OFWs have contributed a lot to our country and there are situations where for one reason or another a crime is committed and blood money is required, especially in the Middle East nations,” Lacierda said.
He added the President formed the permanent committee to “review each and every case” and to come up with clear guidelines on how government “should deal with cases that involve blood money.”
Also, he said the government needs to make sure it is focused not only on the issue of blood money but “also to provide a support system for our overseas contract workers.”
Other than Binay, the permanent committee’s members include: Executive Secretary Paquito Ochoa Jr, Justice Secretary Leila de Lima, Foreign Affairs Secretary Albert del Rosario, Budget Secretary Florencio Abad, Health Secretary Enrique Ona, Labor Secretary Rosalinda Baldoz, and Social Welfare Secretary Corazon Soliman.
Once the committee maps out answers to the issue of blood money, President Aquino “will call for another meeting and we will hopefully come up with a clear set of guidelines for blood money,” Lacierda said. (PND)
by aimee | Feb 10, 2014 | Headlines
MANILA, Feb. 10 (PIA)–Nipasidaan karon ang Philippine Drug Enforcement Agency (PDEA) batok sa usa ka bag-ong matang sa droga nga gisagol nga ecstasy ug shabu.
Gibutyag ni Derrick Carreon, ang hepe sa PDEA Public Information Office nga “new emerging trend” ang paggamit sa maong droga nga gitawag og “fly high.”
Ang maong bag-ong droga naka-kapsula kini nga may kolor berde o brown.
Matud pa nga usa kini ka matang sa ecstasy (methylenedioxymethamphetamine) nga kasagarang gigamit sa kabataan mao nga gitawag kini sa PDEA isip “point of concern.”
“The shabu-laced ecstasy, often called “fly high” or “party” is said to be gaining headway and in demand among club and party-goers,” matud pa sa PDEA sa lahi nga pahayag.
Giingong mosaka ang libel sa sexual libido sa mga mogamit niini samtang dili makabati og kagutom o duka ang mogamit niini hangtud sa lima ka adlaw.
Matud pa sa PDEA, ang mga kemikal nga sangkap sa paghimo sa “fly high” naggikan pa sa silingang-nasud sa Southeast Asia.
Giingong binolto kining gi-byahe pasulod sa nasud matag-semana.
Gawas sa kaulohan, giingong gibantayan usab ang pagkatap niining maong droga sa nagkalin-laing dapit sa nasud. (PIA7-Bohol/ECB)
by aimee | Feb 10, 2014 | Headlines, Local News / Bohol Balita
TAGBILARAN CITY, Bohol, Feb. 10 (PIA)–Subling nanawagan ang United Nations (UN) sa mga nasud nga miyembro niini sa paggahin pa og dugang tabang alang sa panimalay sa 360,000 ka Bol-anon nga naapektuhan sa magnitude 7.2 nga linog nga nitay-og sa Central Visayas niadtong Oktubre 15, 2013.
Nanawagan ang UN Office for the Coordination of Humanitarian Affairs (OCHA) sa mga donors nga pun-an pa ang $19 milyon o gibana-banang P885 milyon gikan sa $33.8 milyong revised Bohol action plan aron mahatag ang mga panginahanglan hangtud sa Abril alang sa mga apektadong mga lugar.
Nakahatag na ang international community og donasyon nga mikabat sa $15.1 milyon alang sa nahiunang UN recovery programs sa mga naapektuhan sa maong linog.
Giingong prayoridad karon sa UN nga mahatagan og panimalay ang mga nawad-an og puy-anan ug ibutang sa mas luwas nga lugar tungod sa linog nga nitay-og sa lalawigan sa niaging tuig ug gisundan pa gyud sa super typhoon Yolanda niadtong Nobyembre 8.
Atol sa senemanang Kapihan sa PIA niadtong Huwebes, miingon si UN-OCHA Bohol head Jock Paul nga ang mga foreign humanitarian workers wala nihatag sa ilang pondo ngadto sa mga lokal nga kagamhanan kay direkta man nila kining gi-implementar sa mga proyekto.
Apan gi-angkon usab ni Paul nga adunay pipila ka mga foreign donors nga gi-paagi ang ilang pondo ngadto sa gobyerno.
Adunay 367,580 ka residente sa Central Visayas ang gibalhin sa dihang naguba ang may 79,217 nga panimalay ug 4,617 ka eskwelahan ang naguba sa linog. (PIA7-Bohol/ECB)
