by aimee | Dec 19, 2013 | Headlines, National News
MANILA, Dec. 19 (PIA)–Gipaubos na sa heightened alert status ang tibuok pwersa sa Philippine National Police (PNP) sugod karong adlawa isip pagpangandam sa nagsingabot nga Pasko ug Bag-ong Tuig.
Matud pa ni PNP Chief Alan Purisima, mahimo pa gihapong ipasaka sa full alert status sa mga regional director ang ilang lugar kun gikinahanglan.
Pasabot ni Purisima, nag-depende sa mga regional police directors kun ipasaka pa nila sa full alert status ang ilang mga lugar nga gisakupan.
Gitugyan na niini sa mga ground commanders ang pagpasaka sa alerto tungod kay sila man
ang mas nakahibalo sa ilang areas of responsibility.
Nipatawag og command conference si Purisima karong adlawa alang sa tanang mga regional police directors diin ni-report ang matag usa kanila kalabot sa gipatuman nga security measures alang sa nagsingabot nga Pasko ug Bag-ong tuig. (PIA7-Bohol/ECB)
by aimee | Dec 19, 2013 | National News
MANILA, Dec. 19 (PIA)–Isip suporta sa mga residenteng nangupahan, gi-uswag pa og duha ka
tuig ang implementasyon sa rent control law.
Matud pa ni Housing and Urban Development Coordinating Council (HUDCC) Chairman ug
Bise Presidente Jejomar Binay, magpabilin pa ang gipatuman nga rent raise cap sa mga
residential units.
Kini nagpasabot nga ang duha ka tuig nga extension mag-apil sa mga residential units sa
Metro Manila ug uban pang highly urbanized nga mga syudad sa nasud nga adunay monthly
rental nga P5,000 hangtud P10,000.
Ubos sa Rent Control Act of 2009 nga mo-expire na sa Disyembre 31, ang dugang renta sa
mga housing units dili molapas sa 7% matag tuig.
Gipasabot ni Binay nga ni desisyon ang HUDCC nga irekomendar ang pagpa-uswag sa rent
control ug status quo rates hangtud Disyembre 2015 base sa initial nga resulta sa pagtuon
sa ahensya.
Base sa talaan sa National Housing Authority (NHA), gibana-banang naa sa 1.5 milyon ka
pamilya sa tibuok nasud ang nangupahan og balay. (PIA7-Bohol/ECB)
by aimee | Dec 18, 2013 | Headlines, National News
MANILA, Dec. 18 (PIA)–Nipasidaan ang Social Security System (SSS) sa publiko ilabi na sa mga gagmay nga mga establisimyento nga magbinantayon sa pagdawat og tseke sa SSS isip bayad sa mga gipamalit nga produkto ug pagpa-ilis sa maong tseke.
Niadtong miaging semana, nakadawat ang SSS La Union Branch Officer-in-Charge Francisco F. Pentecostes og giingong peke nga tseke sa SSS nga gipalit sa usa ka grocery store nga nagkantidad og P9,000.00.
Ang maong mga pekeng tseke sa SSS gipagawas sa Land Bank of the Philippines Baguio City Branch, apan ang account diin kini na-withdraw naggikan sa Land Bank of the Philippines Tarlac Branch.
Ang maong tseke nga adunay 2 ka managlahing account numbers ug ang mga lagda niini dili lagda sa mga otorisadong signatories sa maong ahensya.
Gi-alerto sa SSS La Union Branch ang tanang sakop niini nga lugar tungod sa maong matang sa modus operandi.
Ang mga authentic SSS nga tseke adunay usa ka account number lamang nga makita sa ibabaw sa petsa sa tseke apil na usab sa tungang parte sa tseke.
Dili sama sa peke nga tseke nga adunay 2 ka managlahing account numbers. Ang SSS number sa member payee nakabutang usab sa tseke.
Ang mahinungdanon sa tanan, ang lagda sa SSS president nga mao lamang ang nag-inusarang signatory alang sa tanang benefit checks nga ginapagawas sa SSS.
“Sinisiguro namin sa mga kaanib na ang mga SSS check ay ligtas at hindi agad-agad na kayang kopyahin,” matud pa sa SSS. (PIA7-Bohol/ECB)
by aimee | Dec 17, 2013 | Headlines, National News
MANILA, Dec. 17 (PIA)–Uyon ang Malakanyang sa paggamit sa speed monitoring o limiting devices sa mga sakyanang pasaheroan sama sa mga bus aron malikayang mausab pa ang nahitabong disgrasya sa Skyway sa kaulohan niadtong Lunes sa buntag.
Matud pa ni Presidential Communications Operations Office Sec. Herminio Coloma, mahinongdanon ang monitoring device aron malikayan sa mga bus driver ang pagpadagan ug kusog.
“Puwede itong gamitin bilang monitoring o control device. Makabubuti ito sa may-ari ng bus. Pati ang pagsunod ng mga tsuper sa takdang tulin ay magiging daan din para makatipid ng gasolina ang minamaneho nilang sasakyan,” matud pa ni Coloma.
Giingong gitugyan na sa Palasyo sa mga magbabalaod ang paghimo og merito sa mga lakang alang niini ug ang pagpalig-on sa angay nga balaodnon.
Gihisgotan usab ni Coloma ang kalabot sa Seat Belt Law nga balaod na karon mao nga gipatuman na kini sa mga sakyanang pasaheroan.
Samtang, gibutyag usab sa kalihim nga gitugyan sa gobyerno sa pribadong sektor ang pagpanag-iya sa mga sakyanang pasaheroan.
Ang papel sa gobyerno dinhi alang lamang sa regulasyong adunay kalabot sa operasyong ginahimo sa pribadong sektor.
“Kung maaaring gampanan ng pribadong sektor ang paglilingkod, mas mainam na sila ang magsagawa nito nang salig sa mga tuntuning itinakda ng pamahalaan para naman pangalagaan at isulong ang kapakanang pambayan,” pasabot ni Coloma. (PIA7-Bohol/ECB)
by aimee | Dec 17, 2013 | National News
MANILA, Dec. 17 (PIA)–Pangunahan sa Land Transportation Franchising and Regulatory Board (LTFRB) ug sa Department of Labor and Employment (DOLE) ang mga ahensiyang mosiguro sa kaluwasan sa mga pasahero sa pampublikong mga sakyanan human sa nahitabong disgrasya sa kadalanan sa Skyway sa kaulohan kagahapon sa buntag.
Matud pa ni Presidential Communications Operations Office Sec. Herminio Coloma, dili tugotan sa administrasyong Aquino nga makakuha og pagtugot sa gobyerno ang mga iresponsableng operators ug mga badlongong driver nga nagdala og mga dili luwas nga sakyanan.
“Ang kaligtasan ng mga pasahero ang laging una sa administrasyong Aquino. Ang layunin nito ay huwag mabigyan ng pahintulot ng gobyerno ang mga iresponsableng operators at mga tsuper na walang habas sa pagmamaneho na naglalagay sa panganib ng buhay ng mga pasahero nila,” matud pa ni Coloma sa usa ka press briefing sa Malakanyang ganina.
Gitumbok ni Coloma nga hingpit nga gibantayan sa DOLE karon kun misunod ang mga tag-iya og bus sa mga sumbanan sa occupational health and safety standards.
Nagpatuman na usab ang DOLE og two-tier wage system diin ang mga driver ug konduktor adunay katungod sa minimum wage ug performance-based pay.
Kini nga mando sa DOLE, aron mapugos ang mga tag-iya og bus nga mokuha og Labor Standards and Compliance Certificate nga kinahanglan sa pagkuha sa bag-o nilang mga prangkisya.
Aron dili na mausab pa ang trahedyang nahitabo sa kaulohan niadtong Lunes, itakda sa gobyerno ang mga sumbanan sa pagpatuman sa engineering ug edukasyon.
Matud pa ni Coloma nga sa pagpatuman niini, siguradohong sundon sa katawhan ang itakdang limitasyon sa kadalanan, samtang ang engineering sa desenyo sa kaluwasan sa mga kadalanan pinaagi sa ibutang nga closed-circuit television cameras.
Tuyo usab sa edukasyon nga mas magmatngon ang katawhan nga kinahanglan ang kaluwasan sa mga kadalanan. (PIA7-Bohol/ECB)
