TAGBILARAN CITY, Bohol, April 25 (PIA)–Magtigum ang tanang mga election officers dinhi sa Bohol karong Sabado, Abril 27 aron tukion ang mga pagpangandam sa mga sulirang mahimong masinati sa mga presinto atoll sa adlaw sa piniliay karong Mayo 13.
TAGBILARAN CITY, Bohol, April 25 (PIA)–Ipadayon sa administration ni Presidente Benigno ‘Noynoy’ Aquino III ug dugangan pa niini ang pondo sa Conditional Cash Transfer Program nga gitawag usab og Pantawid Pamilyang Pilipino Program (4Ps).
Matud pa ni Sen. Franklin Drilon, chairman sa Senate Committee on Finance nga ipadayon ang maong programa tungod kay napamatud-an na kining dakung tabang sa mga kabus ug usa ang CCT Program sa mga Social Economic Programs nga nagpugong sa pagsaka sa gidaghanon sa mga kabus ug gigutom.
Ang 4Ps gisugdan niadtong tuig 2008 nga nagtinguhang matabangan ang mga labing kabus nga mga pamilya sa ilang mga panginahanglan sa kahimsog, nutrisyon ug edukasyon, ilabi na sa mga batang may edad 0-4.
Sa kasamtangang administrasyon, paresan ang programa ug uban pang anti-poverty measures sama sa mas daghang kabus nga ipaubos sa Philhealth coverage, matud pa ni Drilon.
Ubos sa CCT Program, gihatagan og P1,400 matag buwan ang pamilyang kabus bugti sa pagpatungha sa eskwela sa mga bata ug regular nga medical check-up.
Kahinomdoman nga sa labing-ulahing resulta sa survey sa National Statistical Coordination Board (NSCB), giingong wala halos nabag-o ang hut-ong sa kakabus.
Sama sa tubag sa Malakanyang, gipasabot ni Drilon nga midaku usab ang populasyon sa nasud mao nga midaghan ang kabus. (PIA-Bohol/ecb/i-gg)
Website ug mobile app alang sa eleksiyon, gilusad sa Comelec
TAGBILARAN CITY, Bohol, April 25 (PIA)–Napulo’g walo ka adlaw sa dili pa ang 2013 midterm elections, gilusad sa Comelec ang kaugalingon niining website ug mobile application aron tabangan ang mga botate.
Ang “e-Leksyon 2013” website ug mobile application alang sa iOs devices gimugna sa mga web developers gikan sa Smart Communication alang sa Comelec.
Naa sa application ang usa ka simulation kun unsaon pagtubag sa balota.
Didto mohatag og alarma ang application kun sayop ang pag-shade sa oval space sa ngalan sa kandidato.
Nakabutang usab didto ang mga sumbanan sa pagpangampanya apil na usab ang parte diin mahimong mahibaw-an sa usa ka botante ang presinto asa siya angay moadto sa adlaw sa piniliay.
Aron ma-access ang website, mahimong moadto sa http://report.mycomelec.tv samtang ang application usab mahimong ma-download sa iTunes store. (PIA-Bohol/ecb/i-hd)
PRESIDENT Benigno S. Aquino III signed into law Republic Act No. 10515 otherwise known as the “Anti-Cable Television and Cable Internet Tapping Act of 2013” that is aimed at protecting the cable television and cable internet industries from cable pilferage.
Deputy Presidential Spokesperson Abigail Valte announced during the regular press briefing in Malacanang on Tuesday that the Chief Executive signed the law last April 17, 2013.
The law prohibits cable television and internet tapping and penalizes offenders with imprisonment of two to five years or a fine of P50,000 to P100,000 or both, at the discretion of the court.
If the offender is a corporation or association, the president, manager, managing partner or any officer of the corporation or partnership who directly participated in the violation of the Act shall be held liable.
With the President’s signing of the law, illegal tapping of any signal offered over cable television (CATV) or cable internet system and the malicious destruction or removal of existing CATV or cable internet facilities will be prohibited.
The law also prohibits recording, reproducing, distributing, importing or selling of any intercepted or received CATV system/network signals for commercial purposes without the authority of the concerned CATV or cable internet service provider.
Within sixty (60) days after the effectivity of this Act, the National Telecommunications Commission (NTC) shall undertake an information dissemination campaign to inform the public of the existence of this Act.
This Act shall take effect fifteen (15) days after its complete publication in at least two (2) newspapers of general circulation.
The newly-signed Act which is a consolidation of Senate Bill No. 3345 and House Bill No. 709 was finally passed by the Senate and the House of Representatives on January 28, 2013 and January 30, 2013, respectively. (PND)
TAGBILARAN CITY, Bohol, April 24 (PIA)–Tungod sa pagkamalampuson sa Jobs Bridging Program sa Technical Education and Skills Development Authority (TESDA) nga Hanapbuhay Para sa TESDA Especialista didto sa kaulohan, gilusad usab kini sa lalawigan sa Bohol kagahapong adlawa didto sa Bohol Cultural Center.
Gipangunahan ang maong kalihokan nilang TESDA Provincial Director Francisca Opog, Regional Director Rosanna Urdaneta, Gob. Edgar Chatto ug Secretary Joel Villanueva.
Gilusad usab kini dinhi sa Bohol aron pagpakuyanap sa ilang Jobs Bridging Program aron makatabang og ayuda sa mga yanong kabataang Bol-anon nga gustong makalampos sa ilang pagtuon pinaagi sa pagkuha og mga vocational nga kurso.
Gidala sa TESDA dinhi sa Bohol ang ilang programa tungod sa dakung suporta nga nadawat sa ilang buhatan gikan sa kagamhanang probinsiyal ubos sa pagdumala ni Gov. Chatto ug Vice Gob. Conchita Lim.
Gidayeg ni Sec. Villanueva ang lalawigan sa Bohol tungod sa pag-angkon og usa ka gobernador nga kugihan ug hugot ang gihimong paningkamot ug pakiglambigit sa TESDA alang sa kaayohan sa katawhan. Tungod niini, nahimong TESDA Kabalikat Awardee si Gob. Chatto.
Si Gob. Chatto sa iyang bahin nagpasalamat sa TESDA sa padayon nga pagpalambo sa skills development ug padayon nga pakigtambayayong sa kagamhanang probinsiyal.
Atol sa gipahigayong press conference kagahapon, gituki nilang Sec. Villanueva ug Gob. Chatto ang pagkamahinungdanon sa mga technical ug vocational nga kurso nga gitawag og Tech-Voc.
Ilang gipasabot nga kini ang mga alternatibong kurso nga mahimong kuhaon sa mga estudyante aron mapalambo ang ilang panginabuhian sa umaabot nga panahon inabagan sa TESDA ug kagamhanang probinsiyal.
Gipahigayon usab sa maong kalihokan ang Pre-Employment Seminar (PES) nga gipangunahan sa mga buhatan sa Department of Labor and Employment (DOLE) ug Bohol Employment and Placement Office (BEPO).
Ang mga dagkung kumpanya ug magpapatigayon dinhi sa Bohol ug apil na usab sa mga silingang lalawigan nisalmot usab sa maong programa sama sa Alturas Group of Companies, Bohol Quality Corporation, CYDEM, Dumaluan Beach Resort, Du Ek Sam, Bohol Tropics, Save N’ Earn, JJ’s Dimsum, JJ’s Seafood Village, Reynas the Haven Resort and Restaurant, Water Paradise Resort, Dranix, Cebu Mitsumi, Aegis People Support, Teletech Dumaguete, Stream Global Services ug Convergys.
Sa tuig 2012, nakahatag ang TESDA og 2,542 ka scholarship vouchers nga nagkantidad og P15.4 milyon. (PIA-Bohol/ecb/p-hd)
TAGBILARAN CITY, Bohol, April 24 (PIA)–Gideklarar ni Presidente Benigno “Noynoy” Aquino III isip special non-working holiday ang adlaw sa piniliay sa Mayo 13.
Ubos sa Proclamation No. 571, s. 2013, gideklarar nga special non-working holiday ang adlaw sa piniliay aron mahatagan og patas nga kahigayonan ang tanang Pilipino nga makabotar.
“The President has declared Monday, May 13, 2013, a special public (non-working) holiday throughout the country. The Constitution designates national and local polls to be held on the second Monday of May and by virtue of Proclamation No. 571, s. 2013, the President wishes to enable the Filipino people to exercise their right to suffrage,” matud pa sa pahayag nga gipagawas sa Malakanyang karong adlawa.
“We enjoin all eligible to use this non-working holiday to participate in the electoral process that forms the bedrock of our democracy.” (PIA-Bohol/ecb/p-gg)
Anti-Cable Television & Cable Internet Tapping Act of 2013, gilagdaan na ni PNoy
TAGBILARAN CITY, Bohol, April 24 (PIA)–Gilagdaan na ni Presidente Benigno “Noynoy” Aquino III ang Republic Act No. 10515 o “Anti-Cable Television and Cable Internet Tapping Act of 2013”.
Nahisulod dinhi ang pagbawal ug may kaatbang nga silot ang ilegal nga pagkabit og koneksyon sa mga cable television (CATV) ug cable internet service provider.
Matud pa ni Presidential Spokesperson Abigail Valte, gilagdaan kini ni PNoy niadtong Abril 17, 2013.
May silot kini nga pagka-bilanggo og duha hangtud lima ka tuig o silot nga P50,000 hangtud P100,000 o pareho, depende sa kabobot-on sa husgado.
Kun ang nakalapas usa ka korporasyon o kapunongan, ang presidente, manager, managing partner o bisan kinsang opisyal sa korporasyon kapunongan nga direktang adunay partisipasyon sa maong kalapasan ang manubag.
Sa paglagda sa Presidente sa maong balaod, ang ilegal nga pagkabit sa bisan unsang signal nga gitanyag sa cable television (CATV) o cable internet system ug ang tuyong pagguba o pagkuha sa CATV o cable internet facilities, gibawal na.
Gidili usab sa maong balaod ang recording, reproducing, distributing, importing o pagpamaligya og mga intercepted o nadawat nga CATV system/network signals for commercial purposes nga walay pagtugot sa mga CATV o cable internet service provider.
Epektibo kining maong balaod 15 ka adlaw human sa kopletong pagmantala sa dili mo-ubos sa duha ka pamantalaan nga may kinatibuk-ang pagpakatap sa tibuok nasud. (PIA-Bohol/ecb/p-gg)
