by boholbalita | Apr 28, 2010 | Local News / Bohol Balita
Grabeng hingsamdan ang usa ka 33-anyos nga lalaki human gi dunggab sa usa ka ex-convict didto sa basketbolan sa barangay Langkis, Duero, Bohol niadtong Sabado sa gabii.
Naigo sa walang bahin sa iyang kuot-koto ang biktima nga si Andrin Pacarat, minyo, ug nagpuyo sa maong lugar. Gidala ang biktima didto sa Jagna District Hospital sa Lungsod sa Jagna apan gumikan sa kalisud sa iyang kahimtang, gibalhin sa Gov. Celestino Gallares Memorial Hospital sa Dakbayan sa Tagbilaran.
Suspetsado nailhan nga si Ambrosio Jamila alias Jerry, 44-anyos, ulitawo, ug nagpuyo sa maong lugar. Sigun sa pagik susi sa kapulisan samtang naglakaw ang maong suspek kinsa ubos sa impluwensya sa ilimnong makahubog dihang nag-abot sila sa biktima sa basketbol court mga alas 10:30 sa gabii, kalit niyang gidunggab ang naulahi.
Gidakop ang natumbok nga suspetsado sa kapulisan sa Duero human sa insidente. (Andy Nalzaro)
by boholbalita | Apr 28, 2010 | Local News / Bohol Balita
Gipusil-patay ang usa ka barangay kapitan sa wala mailhing mga mamumuno samtang natulog tapad sa iyang asawa ug duha ka mga anak didto sa ilang pinuy-anan sa barangay Abihid, Dimiao, Bohol niadtong Dominggo sa kaadlawon.
Ang biktima nailhan nga si Alexander Bascunas, 38-anyos, minyo. Naigo ang biktima sa walang bahin sa iyang likod ug gi deklarang patay sa dihang nadangat sa Dimiao Municipal Infirmary.
Nasayran sa taho nga samtang ang biktima nahinanok sa pagkatulog sud sa iyang kwarto uban sa iyang pamilya mga alas 4 sa kabuntagon dihang ang wala mailhing mga suspetsado nikatkat sa bintana gamit ka usa ka 2×6 nga tabla dayong tangtang sa usa ka bildo nga jalousie ug gipusil ang maong biktima.
Si PO2 Aniceto Lacierda sa Dimiao Police Station nibutyag sa Bohol Balita nga ilang gitan-aw nga pulitika ang usa sa mga hinungdan sa pagpusil.
Matud ni Lacierda nga niadtong nakalabay nga semana nagpahigayon ug usa ka rally ang pundok ni mayoralty candidateJimmy Balbon sa Nacionalista Party didto sa maong lugar ug giingon nga gilimitahan sa oras sa biktima ang nahisgutang kalihukan. “Dunay gikasungi ang biktima sa usa sa mga supporter ni Balbon,” asoy pa ni Lacierda.
by boholbalita | Apr 27, 2010 | Local News / Bohol Balita
Dakpan ang gidudahang usa ka suertres coordinator human gironda sa bahan sa kapulisan ang usa ka balay didto sa barangay Campo Oriental, Getafe, Bohol niadtong milabay nga Miyerkulis.
Giila ang suspetsado nga si Felix Degamo, hamtong nag panuigon.
Sigun sa taho nga ang balay nga gitaguan sa suspek gironda sa hiniusang mga sakop sa Criminal Investigation and Detection Team kun CIDT-Bohol ubos sa pagpangulo ni Chief Inspector Germano Mallari ug sa Getafe Police Station mga alas 10 na sa gabie pinasikad sa alias search warrant nga gipirmahan ni Maghuhukom Irmazita Masamayor sa Regional Trial Court Branch 52 nga nakabase didto sa Lungsod sa Talibon.
Nasakmit gikan sa balay nga gipanag-iyahan sa usa ka Ariel Anzano mao ang 55 ka tally sheets sa ilegal nga sugal nga suertres, 11 kabuok nga tip nga penetsahan ug Abril 21, 2010 ug salapi nga P2,300 nga gituhuang taya ug uban pang paraphernalia sa maong sugal. Gidala ang natumbok nga suspek sa CIDT ug gikustodya didto sa Kampo Dagohoy. (Andy Nalzaro)
by boholbalita | Apr 27, 2010 | Local News / Bohol Balita
Usa ka 65-anyos nga lolo kinsa dunay giatunabang nga kasong child abuse sa hukmanan gidakop sa kapolisan didto sa iyang pinuy-anan sa Sitio Suba, barangay Centro Tubigon, Bohol niadtong miaging adlaw..
Ang suspetsado nailhan nga si Sergio Narvasa, minyo, usa ka retiradong revenue collector.
Nasayran sa taho nga ang suspetsado gisikop sa mga sakop sa Tubigon Police Station mga alas 8 sa buntag niadtong Huwebes human nipagula og orden de aresto si Maghuhukom Teofilo Baluma sa Regional Trial Court Branch I nga naka base sa dakbayan sa Tagbilaran. Ang maong warrant penetsahan ug Abril 13, 2010.
Sigun sa taho nga ni -apply ug probation ang maong akusado sa naasoy nga hukmanan apan wala kini tugoti sigun ni SPO3 Ferenando Peroramas sa Tubigon.
Dugang ni Peroramas nga nahukman na usab ang akusado ngadto sa unom ka bulan nga pagkabilanggo ug dunay penalty nga P5,000 nga gipahamtang sa maong korte. (Andy Nalzaro)
by boholbalita | Apr 26, 2010 | Election 2010, Headlines, Local News / Bohol Balita
Kapin sa usa ka libo (1,000) ka tenante nga nagpuyo sa yuta Rodriguez, Rizal nga gipanag-iya sa pamilya ni Liberal Party Vice-Presidentiable bet Sen. Mar Roxas II, nanawagan sa magbabalaud nga ipahangyo ang iyang inahan nga bakwion ang iyang pagsupak sa pag-apod-apod sa yuta ug ipa ilawom sa agrarian reform program.
Sa usa ka press briefing, si Felipe Jalago, spokesman sa farmer-beneficiaries sa Hacienda Araneta sa Barangay Mascap, nihagit ni Roxas nga iyang barugan ang iyang gipamulong nga siya pro-poor ug pro-farmer.
“We already hold certificates of full payment and certificates of land tax payments,” si Jalago nagkanayon.
Hinuon siya nag-ingon nga ang yuta dili maapod apod ngadto kanila tungod kay ang pamilya sa inahan ni Mar Roxas, ang mga Araneta, ni petition alang sa conversion sa yuta ngadtos commercial-residential area.
Kadaghanan sa mga mag-uuma nakahuman na ug bayad sa yuta nga gihata kanila sa tuig 1972 ilawom sa Presidential Decree 27 sa Land Bank of the Philippines.
Ang balaud naghatag ug automatic nga pagbalhin sa kayutaan ngadto sa mga nagtikad nga mga mag-uuma kinsa nibayad ug regular sa ilang mga buwis sa local nga pangagamhanan.
“We appeal to you, (Roxas), your mother and the Aranetas not to pursue the cases anymore so that we can truly own the land,” siya nagkanayon.
Sayo niini, ang mga nagprotestang mga mag-uuma sa hacienda ang gipanag-iya ni Liberal Party Presidentable Benigno “Noynoy” Aquino III, nanawagan sa Suprene Court (SC) nga mu aksyon sa ilang gi-angkon nga 6,453 ka ektaryang plantasyon ug tubo sa dili pa mag eleksyon.
Ang mga miyembro sa United Luisita Workers Union (ULWU), Alyansa ng mga Manggagawang Bukid sa Hasyenda Luisita (Ambala), ug Alyansa ng mga Magbubukid sa Gitnang Luzon (AMGL) nihangyo sa Korte Suprema nga tangtangon ang four-year temporary restraining batok sa pag apo-apod sa plantasyon ngadto sa 10,000 farmer beneficiaries.
