by admin | May 31, 2016 | Headlines, National News
MANILA, May 31 (PIA)–Tungod sa pagsulod sa panahon sa ting-ulan nga natunong sa nagsingabot usab nga pagbukas sa mga klase alang sa School Year 2016-2017, nipasidaan ang Department of Health (DOH) sa publiko, ilabi na sa mga estudyante batok sa nagkalain-laing sakit nga makuha sa panahon sa ting-ulan
Matud pa ni DOH Kalihim Janette Garin, kinahanglang mag-amping sa mga water-borne ug vector-borne diseases.
Pipila niini ang dengue, chikungunya ug malaria.
Mag-amping usab sa ubo, sip-on, ug hilanat nga maoy uso kun ting-ulan.
Gipahinumdoman pa sa kalihim ang mga ginikanan nga pakusgan ang resistensya sa mga bata pinaagi sa paghatag og saktong nutrisyon ug regular nga pag-ehersisyo.
Giingong angay usab nga siguradohon ang igo ug saktong oras sa pagtulog sa mga bata aron makalikay sa mga sakit.
Dugang pa ni Garin, makatabang ang pagbukas og bintana aron dili makagawas ang infectious diseases sa balay aron malikayan nga makatakod sa ubang tawo.
Samtang, gipa-amping usab batok sa pneumonia ang mga senior citizens.
Gipahibalo sa kalihim nga may bag-ong programa nga bakuna batok sa pulmonya ang DOH alang sa mga senior citizens.
Giingong dili na kini alang lamang sa pipila tungod kay tanang motungtong sa edad 60 anyos, mahimong magpa-bakuna og libre sa mga rural health unit o City Health Office, basta i-prisentar lamang ang ilang senior citizen ID. (ecb/PIA7-Bohol)
by admin | May 30, 2016 | Headlines, Local News / Bohol Balita
TAGBILARAN CITY, May 30 (PIA)– Opisyal nang gibuksan karong adlawa ang tinuig nga Brigada Eskwela sa Department of Education (DepEd) diin ang mga estudyante, magtutudlo mga ginikanan ug uban pang volunteers magtinabangay sa paghinlo sa mga tunghaan sa dili pa magsugod ang klase.
Ang Brigada Eskwela 2016 nagdala sa tema nga “Tayo Para sa Paaralang Ligtas, Maayos, at Handa Mula Kindergarten Hanggang Senior High School” ug molanat kini taman sa Hunyo 4, adlaw nga Sabado.
Tumong niini dili lamang aron i-andam ang mga tunghaan sa pagbalik sa mga estudyante, apan aron usab i-andam ang tibuok nga implementasyon sa K to 12 program.
Alas 6 ganinang buntag gisugdan sa DepEd Tagbilaran City Division ang pagpahigayon sa caravan gikan sa Plaza Rizal ning dakbayan paingon sa CPG Avenue, Tamblot Street, B. Inting Street, Calceta Street, Eastern Cogon, Cogon, Booy South, Booy Main, Taloto, Ubujan, Manga, Tiptip, San Isidro, Cabawan, Dao, Dampas, City East, Mansasa, Bool, nibalik sa CPG avenue ug natapos sa Don Cecilio Putong National High School diin didto gipahigayon ang hamubong programa.
Samtang ang DepEd Bohol Division nisugod sa ilang Brigada Eskwela caravan sa may alas 6 sa buntag paingon sa lungsod sa Bien Unido diin gipahigayon ang programa ug opisyal nga pagbukas sa Brigada sa Carlos P. Garcia Technical Vocation School sa maong lungsod.
Sa maong programa, gigantihan ang mga mananaog sa Brigada Eskwela 2015.
Una nang gibutyag sa bag-o lang gipahigayon nga Kapihan sa PIA ni Bohol Division Superintendent Wilfreda Bongalos nga ang Lila National High School (LNHS) ubos sa principal niini nga si Cerlito Romero ang mananaog sa lalawigan sa Bohol isip pinakamaayo nga Balik Eskwela 2015 implementer.
Gawas niini, ang LNHS usab ang rehiyonal nga mananaog ug national awardee isip Best Balik Eskwela 2015 implementer. (ecb/PIA7-Bohol)
by admin | May 30, 2016 | Headlines, Local News / Bohol Balita
TAGBILARAN CITY, May 30 (PIA)–Gi-awhag sa Malakanyang ang tanang Pilipino sa pag-display sa bandila sa Pilipinas sa tanang mga opisina, ahensya, business establishments, tunghaan ug bisan ang mga pribadong balay gikan karong adlawa, Mayo 28 hangtud Hunyo 12.
Kini isip pagtimaan sa National Flag Days nga gi-deklarar kaniadto ni kanhi Presidente Fidel V. Ramos.
Niadtong Mayo 28, 1898 unang gihiklad ang bandila sa Pilipinas sa dihang napildi sa mga sundalong rebolusyonaryo ang pwersa sa mga Kastila sa Battle of Alapan sa Imus Cavite.
Sa maong adlaw usab wala pa pormal nga gipagawas sa publiko ang pag-anunsyo sa nasudnong bandila ug una kining pormal nga gipahibalo sa publiko niadtong Hunyo 12, 1898.
Sukad 1919 hangtud 1940, matag Oktubre kini gitimaan apan sugod niadtong tuig 1941, gihimo na kining Hunyo 12 diin una kining gihiklad sa Kawit.
Apan sa proklamasyon usab ni kanhi Presidente Diosdado Macapagal, gibalik sa Mayo 28 ang National Flag Day.
Niadtong Mayo 23, 1994, nagpagawas og Executive Order si Ramos nga gipatas-an ang pagtimaan sa National Flag Days gikan Mayo 28 hangtud Hunyo 12 nga gisunod pa gihapon hangtud karon. (ecb/PIA7-Bohol)
by admin | May 27, 2016 | Headlines, Local News / Bohol Balita, Major Events
TAGBILARAN CITY, May 27 (PIA)–Sa pagtuon nga gihimo sa Philippine Statistics Authority (PSA), ang job-skill mismatch ang usa sa mga nag-unang hinungdan nganong daghan ang walay trabaho sa Pilipinas ilabi na sa mga kabataan.
Tungod niini, nag-unang tumong sa gimugnang Career Guidance Advocacy Plan nga patas-an ang employment rate sa nasod ug makahatag og trabahong tukma sa kursong natapos o sa katakos sa usa ka aplikante og trabaho.
Kaabag ang Department of Labor and Employment (DOLE) sa pagmugna sa Career Guidance Advocacy Plan ug Working Group o CGAP-WG ang nagkalain-laing ahensya sa gobyerno sama sa Department of Education (DepEd), Department of Science and Technology (DOST), Commission on Higher Education (CHED), Technical Education and Skills Development Authority (TESDA) ug Professional Regulation Commission (PRC).
Target sa Career Guidance Advocacy Program Working Group nga tutokan ang mga kabataang wala natapos sa pagtungha ug naglisod sa pagpangita og trabaho.
Apil sa plano nila ang pagmugna og mga proyektong maghatag og tukma nga trabaho bisan sa mga out of school youth sa nasod.
Matud pa sa PSA, naa sa 101.6 milyon na ang populasyon sa Pilipinas niadtong 2015.
Naa sa 67 milyon niini ang adunay trabaho.
Base usab sa Enero 2016 PSA Labor Force Survey, ang mga unemployed workers sa nasod naa sa 48.3% gikan 15 taman 24 anyos o kapareho sa 1.169 milyon.
47.8% usab niini o 1.157 milyon ang naa sa 25 hangtud 54 ang edad.
Nikabat usab ang youth unemployment rate sa 14.4% samtang naa sa 19. 7 porsyento ang total underemployment rate. (ecb/PIA7-Bohol)
by admin | May 27, 2016 | Headlines, Local News / Bohol Balita
TAGBILARAN CITY, May 27 (PIA)–Priority target area ang lalawigan sa Bohol sa 2016 geohazards assessment and mapping program sa Mines and Geosciences Bureau (MGB) sa Department of Environment and Natural Resources (DENR) gikan Mayo taman Hunyo 2016.
Ang bahan sa MGB-DENR nagpahigayon karon og karst subsidence hazard assessment and mapping sa lalawigan.
Tumong niining ilatid o ipakita ang critical zones sa sinkhole collapse, diin ang resulta niini ihatag sa mga hingtungdang local government units (LGUs) ug mga maapektuhang komunidad.
Ang bahan sa MGB survey team nga gipangunahan sa ilang supervising geologist sa rehiyon 7 nga si Ma. Elena Lupo nakigkita kagahapon kang Gob. Edgar Chatto sa Governor’s Mansion ning syudad.
Ang maong MGB survey team gilangkoban sa mga geologists gikan sa MGB-DENR rehiyon CAR, 1, ug rehiyon 6-12. (ecb/PIA7-Bohol)
by admin | May 27, 2016 | Headlines, National News
The Department of Trade and Industry (DTI) will take its integrated services in Cebu City on June 9-11, 2016 as part of the delivery of the various assistance and services to micro, small and medium enterprises (MSMEs) and consumers in the provinces.
The “Negosyo, Konsyumer ATBP” aims to bring closer to the MSMEs focused and integrated menu of DTI Services and Programs targeted to help MSMEs address the challenges they are currently facing in their business operations and improve their competitiveness. The event also aims to increase the level of awareness of consumers on their rights and responsibilities and the business sector on their compliance to the prescribed laws and policies
Opening day activities will include a trade fair featuring products of DTI beneficiaries and information drive on services. There will also be breakout sessions such as the National Logistics Roadmap, Investment Briefing, Sustainable Business Models and Maker trainings.
Other activities will include Food Safety Seminar, Seminar on Expanding your Business through E-commerce, Consumer and Standard Blitz, Catapulting Business for the Global Market and Capability Building for Women Entrepreneurs and Skills Enhancement of Negosyo Center Counselors on the Effective Utilization of Trade Marks.
A seminar on Branding a Business and innovation talks entitled, Slingshot Cebu, which aim to equip, inspire and invigorate key players of the Philippine startup and innovation ecosystem will also be conducted during the three-day event.
The activity involves the DTI’s bureaus and attached agencies to ensure easy accessibility to stakeholders, academe, MSMEs, potential entrepreneurs, consumer groups, investors, beneficiaries, among others.
For those interested to participate in any of the FREE-OF- CHARGE events/activities, call the following DTI event chairpersons:
Victoria Diaz (e-Commerce Seminar) – Tel no. 4121868/4121989 local 601 & 602
Rose Mae Quinanola (Logistics Roadmap, Consumer Forum & IPR) – Tel No. 4121868/4121989 local 209 & 201
Minerva Yap (Catapulting Businesses for the Global Market & Investment Briefing) – Tel. No. 4121868/4121989local 301 & 302
Esperanza Melgar (Branding your Business, Slingshot Cebu) – Tel. no. 2557082 local 109
Elias Tecson (Food Safety & Mini Trade Fair) – Tel no. 2553926 local 201 or 202
Marivic Aguilar (Maker Trainings) – Tel no. 2557082 local 109
Anita Bennasi (Sustainable Business Models) – Tel No. 2557082 local 109
The DTI expects MSMEs, exporters, existing and potential entrepreneurs, industry associations, stakeholders, government financial institutions and agencies, non-government organizations, LGUs City and Municipal Economic and Investment Promotion Offices and Negosyo Center counselors and members of the academe to take part in the event.
