by aimee | Feb 20, 2014 | Headlines, National News
In the official results of The Heritage Foundation and The Wall Street Journal’s Index of Economic Freedom, the Philippines now ranks 89th out of 178 countries, improving from last year’s 97th out of 177 countries.
The Philippines ranks 16th out of 42 Asia-Pacific countries, with a score of 60.1, 1.6 points higher than the regional average of 58.5.
According to this report, the Philippines improved its ranking because of “notable improvements in investment freedom, business freedom, monetary freedom, and control of government spending,” and is “moderately free.”
Secretary Cesar V. Purisima noted that this report proves the Aquino administration’s principle that good governance is good economics.
“By focusing on deepening the virtuous cycle of good governance, the administration’s efforts in addressing the problems of corruption, fiscal mismanagement, and inefficient regulatory processes are being noticed by international organizations and observers, making the Philippines more attractive to investors,” Purisima said.
Purisima said, “Our challenge now is to continue our improvements and to ensure our recent economic growth and inclusive development remain beyond President Aquino’s term ending in 2016. We are now focusing on legislating these reforms to ensure the dividends of good governance will be here to stay.”
Looking forward, Purisima said, “We hope that Filipinos will demand succeeding administrations to enter into the virtuous cycle of good governance.”
The Index of Economic Freedom is a joint publication of The Wall Street Journal, and The Heritage Foundation. The annual report tracks progress in economic freedom through indicators such as Rule of Law, Limited Government, Regulatory Efficiency, and Open Markets in 186 countries. Economic Freedom as defined by the publication is the fundament right to control one’s labor and property, with government allowing the free movement of labor, capital and goods. (DOF)
by aimee | Feb 20, 2014 | Headlines, National News
MANILA, Feb. 19 (PIA)–Suportado ni Presidente Benigno ‘Noynoy’ Aquino III ang desisyon sa Korte Suprema nga nahiuyon sa Batakang Balaod ang Cyber Libel nga nahisulod sa Cyber Crime Prevention Law.
Atubangan kini sa kahadlok sa pipila ka online journalists, netizens ug bloggers nga hilig magkomento sa Twitter ug Facebook tungod kay giingong pagpanglapas kini sa katungod sa pamamahayag.
Matud pa ni PNoy, dili man tuyo niini nga limitahan ang katungod sa pamamahayag apan regulasyon lamang kini aron malikayan ang pag-abusar.
Dugang pa ni PNoy nga ang matag katungod adunay kalambigit nga responsibilidad sa proteksyon sa katungod sa uban.
Giingong unfair usab sa mga taga-mainstream media nga sakop sa Libel Law apan adunay exempted nga gikan sa panig sa new media o sa online journalism.
Samtang gikatakdang moduso og motion for reconsideration ang mga petitioner sa kaso sa Cyber Law nga gi-deklarar sa Supreme Court (SC) nga constitutional ang ilang probisyon, samtang ang uban usab gi-isip nga pagsupak sa balaod.
Una niini, gi-deklarar sa SC nga “constitutional” o nahiuyon sa Konstitusyon ang kontrobersyal nga online libel provision sa Cybercrime Law o ang Republic Act 101-75 o Cybercrime Prevention Act of 2012. (PIA7-Bohol/ECB)
by aimee | Feb 18, 2014 | Headlines, National News
MANILA, Feb. 18 (PIA)–Nisaka sa 9.56% ang turismo sa Pilipinas sa niaging tuig kun itandi sa 2012.
Kalabot niini ang pagsaka usab sa tubo sa buhis sa nasud nga 15.1% o tukma sa P186.15 bilyon. Kini, atubangan sa mga pagsulay nga dala sa niaging mga kalamidad sa nasud.
Matud pa sa Department of Tourism (DOT) nga sa tuig 2013, natala ang 4,681.307 total foreign visitors ug nalabwan pa niini ang 4,272,811 arrivals niadtong 2012.
Natala usab ang highest growth rates sa mga bulan sa Pebrero (15.8%) Hunyo (14%) ug Agosto (13%).
Matud pa ni Tourism Secretary Ramon Jimenez Jr., nahimong hapsay ang performance sa Pilipinas niadtong Disyembre human ang pagpanghasi sa bagyong Yolanda sa Kabisay-an.
Tungod na usab kini sa pag-abot sa mga tabang gikan sa nagkalain-laing nasud ug organisasyon alang sa pagbangon sa Pilipinas gikan sa mga niaging kalamidad.
Sa mga banyagang turista, nagpabiling pinakadaghan ang mga Koreano nga adunay 1.17 milyon arrivals. Gisundan kini sa mga Amerekano nga adunay 674,564; Japan-433,705; China-426,352; ug Australia-213,023.
Matud pa ni Jimenez, daghan pang oportunidad sa turismo ang mahikyad karong tuig gikan sa mga programang ubos sa National Tourism Development Plan sa gobyerno. (PIA7-Bohol/ECB)
by aimee | Feb 18, 2014 | Headlines, National News
MANILA, Feb. 18 (PIA)–Nagpabiling lig-on ang ekonomiya sa Pilipinas taliwala sa dakung hagit sama sa mga niaging kalamidad ug uban pang matang sa katalagman.
“We are on track with respect to our economic targets as laid out in the Philippine Development Plan 2011-2016. Despite the series of natural disasters that hit the country in the latter part of the year, the Philippine economy still expanded by 7.2 percent, improving from the 6.8 percent achieved in 2012” matud pa ni NEDA Chairman Arsenio Balisacan.
Apan kinahanglan pa gihapon ang mga dagkung lakang aron makunhoran ang kakabus dungan sa paghatag og de kalidad nga trabaho ug oportunidad.
Usa ka updated Philippine Development Plan ang gihikyad sa gobyerno nga mosiguro sa pagkab-ot sa inclusive growth.
Nahisulod dinhi ang pagpakunhod sa kakabus sa kapin 16 porsyento ug 17 porsyento sa underemployment sa 2016.
May gihimo na usab nga uban pang lakang ang gobyerno alang sa pagkab-ot sa inclusive growth.
Apil na niini ang pagpa-ubos sa kategorya sa mga lalawigan base sa ilang panginahanglan ug epekto sa kalamidad ug uban pang matang sa katalagman.
Sa Category 1, hatagan og pagtuon aron magbaton og panginabuhian.
Sa Category 2, sentro ang programang pang agrikultura ug pagpalig-on sa kahapsay ug kalinaw.
Nahisulod dinhi ang 30 ka lalawigan nga angay hatagan og igong tabang batok sa kalamidad ug katalagman.
Ang pagpakunhod sa kakabus agig pagsunod sa gilatid sa millennium development goal.
Ang pag-usob sa updated PDP base na usab sa pagtuon nga nakuha niini sa milabay nga tulo ka tuig, una na niini ang epektibong good governance, macro-economic ug political stability apil na ang angay pangandaman sa epekto sa kalamidad ug katalagman.
Pagsiguro pa sa kalihim sa NEDA, malungtaron ug dili kini usa ka band-aid solution sa gobyerno. (PIA7-Bohol/ECB)
by aimee | Feb 18, 2014 | Headlines, National News
MANILA, Feb. 18 (PIA)–Nagtinguha ang Department of Health (DOH) nga ang tanang kabus nga Pilipino sa nasud makapatambal ug dili na maghuna-huna kun unsaon mabayran ang ilang galastohon sa ospital.
Kini ang matabang sa Universal Health Care nga programa sa maong ahensya.
Matud pa ni DOH Secretary Enrique Ona, dili na kinahanglang mohatag pa og bisan unsang papeles ang pasyente sa dili pa sila tambalan tungod sa tabang niini.
Bisan ang pagbaton og utang sa mga pampublikong ospital, mawala na usab sa tabang sa Universal Health Care.
Dugay na kining programa sa ahensya diin may mga Pilipino pa gihapon nga wala kabalo niini.
Mao nga alang sa mga gustong makakuha sa libreng tambal, magpalista lamang sa ilang local health worker o mga kawani sa Department of Social Welfare and Development (DSWD).
Tungod niini, nangayo og tabang ang kalihim sa DOH sa mga lokal nga kagamhanan aron mapalapad pa ang kampanya niini kabahin sa Universal Health Care nga programa.
Kaabag sa DOH ang PhilHealth mao nga daghang Pilipino ang matabangan niini diin tanang galastohon abagahon sa gobyerno.
Giseguro usab ni Ona nga gipangitaan na nila karon og paagi ang kakulang sa mga nurse, doctor ug bisan ang mga pasilidad sa mga pampublikong ospital. (PIA7-Bohol/ECB)
by aimee | Feb 12, 2014 | Headlines, National News
MANILA, Feb. 12 (PIA)–Karong bulan sa Pebrero, gawas sa pagsaulog sa Valentine’s Day sa tibuok kalibotan, isaulog usab ang National Arts Month sa nasud.
Sa panguna ni National Commission for Culture and the Arts (NCCA), ang Philippine Arts Festival karong tuig adunay tema nga: “Art on the Edge.”
Nagtinguhang i-highlight karong tuig ang kamaayo sa mga Pinoy sa nagkalain-laing larangan sa arte ug kultura sama sa architecture, cinema, dance, literature, music, theater ug visual arts.
Sa pakig-tambayayong sa nagkalain-laing pribadong sektor ug buhatan sa gobyerno, daghang nakaandam nga mga workshops, exhibits, forums, mga pasundayag ug uban pa sama na lamang sa gipaabot nga Second Likha Asya Festival and Conference.
Gikan sa kaulohan, ipasundayag na ang mga programa sa NCCA Philippine Arts Festival sa nagkalain-laing dapit sa Pilipinas.
Gani, gipahigayon ang opening ceremony niini niadtong katapusang adlaw sa Enero sa syudad sa Roxas, sa Capiz.
Gihatagan og pasidungog ang mga Filipino artists nga nakadawat usab og pag-ila sa mga international awards sa gipahigayong Ani ng Dangal awarding ceremony niadtong Pebrero 2.
Alang sa kumpletong detalye ug petsa sa mga pasundayag sa Philippine Arts Festival 2014, mahimong bisitahon lamang ang ilang website sa www.ncca.gov.ph.
Sa pagpakita og pagbaton og maayong abilidad sa mga Pinoy sa arte ug kultura, mahimo kining usa ka dalan aron makab-ot ang tinguhang mapasaka pa ang industriya sa turismo sa atong nasud. (PIA7-Bohol/ECB)
