by aimee | Feb 12, 2014 | Headlines
MANILA, Feb. 12 (PIA)–Nipasidaan ang Philippine Health Insurance Corp. (PhilHealth) nga ilang pamultahon ang mga pampublikong tambalanan nga maningil og professional fee ug bayad sa mga tambal sa indigent patients o kabus nga pasyente.
Sa pagdungog kagahapon sa Senate Committee on Health and Demography kalabot sa Universal Health Care ug sa National Health Insurance Program sa gobyerno, miingon si Atty. Alex Padilla, presidente ug executive chief officer sa PhilHealth nga bawal ang pagpaningil sa mga kabus nga pas¬yente agig pagsunod sa “no balance billing system”.
Miingon si Padilla nga ubos sa “no billing system”, dili angay magbayad bisan usa ka sentimo ang mga kabus nga pasyente kun magpatambal kini.
“Ang ibig sabihin ng no balance billing ay wala ho siya (pasyente) dapat binabayaran ni singko for medicines, professional fees or kaya diagnostic. Wala ho siyang dapat gastos,” pasabot ni Padilla sa pagdungog sa Senate committee on health kagahapon.
Giingong sa mismong adlaw sa admission sa pasyente, wala kini angay nga gastohon.
Kun walay available nga tambal nga magamit ang pasyente, mismong ang ospital ang angay mopalit niini o angay hatagan og kwarta ang pasyente aron ipalit og tambal.
“Ang patakaran ho ang hospital ang bibili ng gamot or magbigay ng pera sa pasyente para magbigay ng gamot. Pero hindi po dapat gumagastos ng sarili ang pasyente,” dugang pa niini.
Apan gitataw ni Padilla nga ang “no billing system” alang lamang sa mga kabus nga pasyente nga nagpatambal sa mga government hospitals ubos sa ward conditions. (PIA7-Bohol/ECB)
by aimee | Feb 11, 2014 | Headlines
TAGBILARAN CITY, Bohol, Feb. 11 (PIA)–Gi-aghat ni Presidente Benigno S. Aquino III ang tanang ahensiya sa gobyerno nga mosalmot ug suportaan ang “KABISIG Philippine Expo and Trade Fair 2014.”
Ang kamanduan gihimo pinaagi sa pagpagawas sa Memorandum Circular No. 62 nga gilagdaan ni Executive Secretary Paquito N. Ochoa, Jr. niadtong Enero 29.
Ang KABISIG People’s Movement Program gimugna pinaagi sa Proclamation No. 650 (S. 1990) aron mapadali, makonektar ug masundan ang pagpatuman sa mga programa ug proyekto sa gobyerno, apil na ang pakiag-alayon sa mga grupo sa pribadong sektor ug mga buhatan sa gobyerno.
Agig pagsunod sa manong mandato, gipahigayon sa KABISIG ang KABISIG Philippine Government Expo and Trade Fair 2014 nga may tema nga “Matuwid na Daan, Susi sa Tagumpay at Kaunlaran.”
Tuyo sa maong proyekto nga tapokon ang tanang buhatan sa gobyerno, apil na ang mga Korporasyong Gitag-iya o Kontrolado sa Gobyerno (GOCCs) ug mga buhatan sa mga Lokal nga Kagamhanan (LGUs) nga ipakita ang ilang mga pasilidad sa serbisyo, mga programa, proyekto, produkto ug mga nahimo.
Usa kini ka kahigayonan aron mapamantala sa gobyerno ang public awareness ug ang pagsalmot sa nasudnong kagamhanan.
“Lahat ng puno ng mga kagawaran, ahensiya at sangay ng pambansang pamahalaan, gayundin ang mga GOCCs at LGUs ay inaatasang tumulong at lumahok sa nasabing Expo and Trade Fair , alinsunod sa mga pondong idaraan sa accounting and auditing rules,” matud pa sa Presidente. (PIA7-Bohol/ECB)
by aimee | Feb 10, 2014 | Headlines
MANILA, Feb. 10 (PIA)–Nipasidaan karon ang Philippine Drug Enforcement Agency (PDEA) batok sa usa ka bag-ong matang sa droga nga gisagol nga ecstasy ug shabu.
Gibutyag ni Derrick Carreon, ang hepe sa PDEA Public Information Office nga “new emerging trend” ang paggamit sa maong droga nga gitawag og “fly high.”
Ang maong bag-ong droga naka-kapsula kini nga may kolor berde o brown.
Matud pa nga usa kini ka matang sa ecstasy (methylenedioxymethamphetamine) nga kasagarang gigamit sa kabataan mao nga gitawag kini sa PDEA isip “point of concern.”
“The shabu-laced ecstasy, often called “fly high” or “party” is said to be gaining headway and in demand among club and party-goers,” matud pa sa PDEA sa lahi nga pahayag.
Giingong mosaka ang libel sa sexual libido sa mga mogamit niini samtang dili makabati og kagutom o duka ang mogamit niini hangtud sa lima ka adlaw.
Matud pa sa PDEA, ang mga kemikal nga sangkap sa paghimo sa “fly high” naggikan pa sa silingang-nasud sa Southeast Asia.
Giingong binolto kining gi-byahe pasulod sa nasud matag-semana.
Gawas sa kaulohan, giingong gibantayan usab ang pagkatap niining maong droga sa nagkalin-laing dapit sa nasud. (PIA7-Bohol/ECB)
by aimee | Feb 10, 2014 | Headlines, Local News / Bohol Balita
TAGBILARAN CITY, Bohol, Feb. 10 (PIA)–Subling nanawagan ang United Nations (UN) sa mga nasud nga miyembro niini sa paggahin pa og dugang tabang alang sa panimalay sa 360,000 ka Bol-anon nga naapektuhan sa magnitude 7.2 nga linog nga nitay-og sa Central Visayas niadtong Oktubre 15, 2013.
Nanawagan ang UN Office for the Coordination of Humanitarian Affairs (OCHA) sa mga donors nga pun-an pa ang $19 milyon o gibana-banang P885 milyon gikan sa $33.8 milyong revised Bohol action plan aron mahatag ang mga panginahanglan hangtud sa Abril alang sa mga apektadong mga lugar.
Nakahatag na ang international community og donasyon nga mikabat sa $15.1 milyon alang sa nahiunang UN recovery programs sa mga naapektuhan sa maong linog.
Giingong prayoridad karon sa UN nga mahatagan og panimalay ang mga nawad-an og puy-anan ug ibutang sa mas luwas nga lugar tungod sa linog nga nitay-og sa lalawigan sa niaging tuig ug gisundan pa gyud sa super typhoon Yolanda niadtong Nobyembre 8.
Atol sa senemanang Kapihan sa PIA niadtong Huwebes, miingon si UN-OCHA Bohol head Jock Paul nga ang mga foreign humanitarian workers wala nihatag sa ilang pondo ngadto sa mga lokal nga kagamhanan kay direkta man nila kining gi-implementar sa mga proyekto.
Apan gi-angkon usab ni Paul nga adunay pipila ka mga foreign donors nga gi-paagi ang ilang pondo ngadto sa gobyerno.
Adunay 367,580 ka residente sa Central Visayas ang gibalhin sa dihang naguba ang may 79,217 nga panimalay ug 4,617 ka eskwelahan ang naguba sa linog. (PIA7-Bohol/ECB)
by aimee | Feb 7, 2014 | Headlines, National News
President Benigno ‘Noynoy’ Aquino III has named Major General Hernando Iriberri to head the 80,000-strong Philippine Army.
Iriberri is currently the commander of the Army’s 7th Infantry Division.
At this morning’s turnover, the new Army chief vowed to continue modernizing the Army’s facilities and giving better benefits for soldiers.
The President also praised Coballes for his contributions in improving the Philippine Army and hopes that the new Army chief will capitalize on this momentum.
A member of the Philippine Military Academy (PMA) “Matikas” Class of 1983, he beat other officers more senior than him.
The other two senior officers in the shortlist were Lieutenant General Gregorio Pio Catapang Jr. of the Northern Luzon Command, a member of PMA Class of 1981 and Major General John Bonafos of Central Command, a member or PMA Class of 1982.
Iriberri succeeds Lt. Gen. Noel Coballes.
by aimee | Feb 7, 2014 | Headlines, National News
MANILA, Feb. 7, 2014 (PIA)–Gitudlo ni Presidente Benigno ‘Noynoy’ Aquino III isip bag-ong Philippine Army Chief si Major General Hernando Delfin Carmelo Iriberri,
Pamunuan ni Irriberi ang may 80,000 ka miyembro sa armadong kusog.
Si Irriberi ang kasangtangang commander sa 7th Infantry Division sa Army.
Miyembro si Iriberri sa Philippine Military Matikas Class of 1983.
Mi-alagad kaniadto si Iribberi isip Senior Military Assistant sa Kalihim karon sa Department of National Defense (DND) nga si Voltaire Gazmin. Siya usab ang tigpamaba ni Gazmin kaniadtong siya pa ang Army chief.
Si Iriberri ang mohulip sa pwesto ni Lt. Gen. Noel Coballes nga mo-retiro na sa serbisyo karong adlawa.
Apil sa gi-pilian sa maong posisyon silang Lt. General Gregorio Pio Catapang Jr. sa NOLCOM ug si Major General John Bonafos sa Central Command. (PIA7-Bohol/ECB)
