by aimee | Apr 24, 2014 | Headlines, Health and Medicine
MANILA, April 24, 2014 (PIA)–Matud pa sa Department of Health (DOH), ang MERS-CoV usa ka klase sa corona virus nga dala usab sa severe acute respiratory syndrome (SARS).
Pipila sa mga sintomas niining maong sakit mao ang hilanat, ubo, lisud sa pagginhawa ug pagkalibang sulod sa duha ka semana.
Gitambagan ang mga nakasinati niining mga sintomas nga magpatan-aw gayud sa tambalanan aron malikayan ang pag-grabe niini.
Gipasabot ni DOH Assistant Sec. Eric Tayag nga kuhaan og sample sa tutonlan ang usa ka gidudahan una pa kini tambagan kun kinahanglang ipasulod sa ospital o i-quarantine.
Giingong bagsik ang MERS-CoV nga paspas makatakod ug mahimong ikamatay sa usa ka pasyente sulod sa 10 ka adlaw.
Bisan wala pay kasigurohan kun unsa ang hinungdan niini, gidudahang sa mga camel nagsugod ang maong sakit.
Sugod Marso 2013 hangtud Abril 13, 2014, may natala nang 228 ka kaso sa MERS-CoV sa tibuok kalibotan diin 92 niini ang namatay apil na ang usa ka Pinoy health worker sa usa ka tambalanan sa UAE.
Aron malikayan ang MERS-CoV, gitambagan sa DOH ang publiko nga kanunay manghugas sa kamot, sap-ungan ang baba kun mo-ubo ug likayan ang mga lugar nga gidugokan sa katawhan.
Samtang padayong gi-monitor karon sa Bureau of Quarantine sa Pilipinas ang tanang pasaherong mo-abot gikan sa Middle East nga adunay hilanat. (PIA7-Bohol/ECB)
by aimee | Apr 7, 2014 | Headlines, Health and Medicine
MANILA, April 07, 2014 (PIA)–Dungan sa pagsaulog sa World Health Day, pormal usab nga gilusad sa Department of Health (DoH) ang ilang “Mosquito Dance.”
Mismong silang Health Secretary Enrique Ona, Assistant Secretary Eric Tayag ug mga tinugyanan sa World Health Organization (WHO) ang nanguna sa pagsayaw kontra sa lamok.
Matud pa sa DoH, makatabang ang Mosquito Dance aron magbaton og mas halapad nga atensyon ang kampanya sa ahensya batok sa mga lamok ug sa dala niining mga sakit sa katawhan sama sa malaria, dengue ug chikungunya.
Base sa datos sa WHO, nakaapekto ang maong mga sakit sa 2.5 bilyong biktima sa 100 ka nasud o halos 40% sa populasyon sa tibuok kalibotan.
Niini lamang niaging semana, daghan ang natalang kaso sa pagdaghan sa lamok sa ubang bahin sa nasud.
Tambag sa DoH, makatabang sa pagbatok sa sakit ang paggamit og screen sa balay, paggamit og insect repellent, pagsuot og long sleeve shirt ug pantalon ug paggamit sa mosketerto.
Mas maayo usab nga pangitaon ug limpyohan ang mga gipuy-an ug gipangitlogan sa mga lamok. (PIA7-Bohol/ECB)
by aimee | Apr 2, 2014 | Health and Medicine
MANILA, April 02, 2014 (PIA)–Gitambagan sa Department of Health (DOH) ang publiko nga mag-amping batok sa rabies ilabi na karong ting-init.
Matud pa sa DOH, ang pagsaka sa kaso sa rabies mahitabo sa panahon sa ting-init tungod kay giingong iritable ang mga iro ug adunay posibilidad nga mamaak kini.
Tambag pa sa DOH, angay siguradohong napabakunahan ang mga binuhing iro ug dili kini angay pasagdan nga maglaroy-laroy.
Bisan ang mga ginikanan, gitambagan usab nga bantayan ang ilang mga anak ug dili pasagdan nga maglaroy-laroy sa kadalanan diin mahimong makasugat og mga layaw nga iro.
Giingong kun mapaakan og iro, angay dalhon dayon ang pasyente sa pinakaduol nga tambalanan aron mapatambalan dayon kini. (PIA7-Bohol/ECB)
by aimee | Mar 25, 2014 | Headlines, Health and Medicine
MANILA, Mar. 25, 2014 (PIA)–Nagpahigayon na ang Department of Health (DoH) og halapad nga kampanya aron batokan ang pagkatap sa sakit nga tuberculosis (TB).
Kini aron padayong makab-ot ang ilang target nga himuong TB-free ang Pilipinas sa mga mosunod nga tuig.
Ang tema sa kampanya sa DoH karong tuig mao ang: “Stop TB: Makialam, Tara Na!” nga ang tumong mao ang pag-aghat sa publiko nga motabang na usab sa mga kampanya batok TB.
Kalabot niini, gikalipay ni DoH Secretary Enrique Ona ang nadawat nga mga suporta gikan sa nagkalin-laing sektor batok sa TB kalabot na usab sa programang KP: Kalusugang Pangkalahatan.
Matud pa ni Ona, gusto nilang makuha ang pakigtambayayong sa publiko aron masiguro nga ang matag Pilipino nga adunay sakit nga TB, mapatambalan ug mamaayo sa maong sakit.
Gitambagan sa DoH ang publiko nga kun makitaan og mga sintomas sa TB, moadto gayud dayon sa pinakaduol nga health center alang sa libreng pagpatambal niini. (PIA7-Bohol/ECB)
Embahada sa Israel sa PH ug sa tibuok kalibotan, kasamtangang ipasarado
MANILA, Mar. 25, 2014 (PIA)–Gipahibalo sa Embahada sa Israel sa Pilipinas ang kasamtangang pagpasarado niini apil na usab sa uban pang Embahada sa Israel sa tibuok kalibotan.
Giingong ang desisyon nga ipasarado ang mga Embahada sa Israel gihimo sa Foreign Ministry’s Employee’s Labour Union.
Kini taliwala sa wala pagkab-ot sa Ministry of Finance sa mga hangyo sa mga mamumuo sama sa igo ug makatarunganong suholan.
Sugod karong adlawa, dili na mag-abli ang mga embahada. Bisan ang mga preparasyon alang sa mga transaksyon sa Israel sa ubang nasud, kasamtangan usab nga ipahunong.
Giingong wala usab una ang mga pagbisita ug bisan unsang “cultural activities” ang ipahigayon samtang ang mga aid o tabang ug development programs, ipahunong usab.
“We, as Israeli diplomats feel a great responsibility to our country and to our profession and because of this we feel that we have no choice but to take this drastic step in order to facilitate the changes that are so much needed at our ministry. We hope that by this course of action we can influence others in insuring that we and our families and our ministry have a more prosperous future”, matud pa sa notice nga gipagawas sa embahada. (PIA7-Bohol/ECB)
by aimee | Mar 12, 2014 | Headlines, Health and Medicine
MANILA, Mar. 12, 2014 (PIA)–Sa tuig 2016, nagtinguha ang Department of Health (DoH) nga papason sa listahan ang sakit nga malaria isip usa sa makamatay nga sakit sa nasud.
Kini ang gipaniguro ni DoH Assistant Secretary Eric Tayag sa gipahigayong tigom sa Asia Pacific Malaria Elimination Network (APMEN) ning bag-o lang.
Ang APMEN gilangkoban sa mga eksperto gikan sa 14 ka nasud nga adunay positibong programa batok sa malaria.
Sa talaan sa DOH, mikabat sa 46,000 ang naigo sa malaria niadtong 2005, apan mikunhod kini og 83 porsiyento niadtong 2013 o tukma sa kapin 7,000 ka kaso.
Sa 53 ka lalawigan nga may natalang kaso sa malaria kaniadto, 27 niini ang gi-deklarar na nga malaria-free. Ang maong mga lalawigan mao ang Cavite, Batangas, Marinduque, Catanduanes, Albay, Masbate, Sorsogon, Camarines Sur, Iloilo, Aklan, Capiz, Guimaras, Bohol, Cebu, Siquijor, Western Samar, Eastern Samar, Northern Samar, Northern Leyte, Southern Leyte, Biliran, Camiguin, Surigao Del Norte, Benguet, Romblon, Batanes ug Dinagat Islands.
Matud pa ni Tayag nga niadtong niaging tuig, 12 ang natala nga namatay sa sakit nga malaria diin napamatud-ang epektibo ang programa sa gobyerno kalabot niini.
Sa kasamtangan, migawas nga ang lalawigan pa gihapon sa Palawan ang gibantayan sa buhatan kalabot sa malaria, apan nikunhod na ang gidaghanon sa mga nasakit niini.
Mao nga karong summer vacation, gitambagan na usab ni Tayag ang mga mobisita sa maong lalawigan nga mag-amping gayud ug mo-inom dayon og mga tambal batok sa malaria.
Giingong angay usab magpahid og mosquito repellant, mogamit og moskiterong adunay insecticide nga gihatag sa DOH ug kun hilantan, ipahibalo dayon sa dokor nga gikan ang pasyente sa lugar nga adunay malaria.
Samtang gidayeg usab sa World Health Organization (WHO) ang administrasyong Aquino sa pagpatuman og mga programa unsaon pagsumpo sa malaria sa nasud.
Ang malaria makuha sa pinaakan sa lamok nga anopheles nga kasagarang naa sa mga kabukiran ug duol sa baybayon. (PIA7-Bohol/ECB)
by aimee | Mar 12, 2014 | Headlines, Health and Medicine
The Philippines is on course of eliminating malaria in the Philippines by 2020. Yesterday at the 2014 Asia Pacific Malaria Elimination Network (APMEN) VI in Makati, the Philippines joins other country partners in the region to share country successes and challenges in malaria elimination and preparation of plans that will focus on regional cooperation, advocacy, knowledge exchange, and capacity-building.
“We are pleased to welcome the Asia-Pacific Malaria Elimination Network [APMEN], a network of 14 Asia-Pacific countries working towards the elimination of malaria as a public health threat in each of our countries, as they hold their 6th annual meeting here,” Secretary of Health Enrique Ona declared.
The Health Chief noted that malaria cases in the country declined since the mid-2000s, and has resulted in an 83% reduction from 2005 to 2013, while there was a 92% reduction in the number of deaths within the same period. The number of cases went down from 46,342 cases in 2005 to 7,720 in 2013. Deaths were 150 in 2005 to 12 to last year. The Philippines has achieved the Millennium Development Goal target for 2015 as early as 2008.
Of 53 known provinces that are endemic for the disease, 27 have already been declared malaria-free. These were Cavite, Batangas, Marinduque, Catanduanes, Albay, Masbate, Sorsogon, Camarines Sur, Iloilo, Aklan, Capiz, Guimaras, Bohol, Cebu, Siquijor, Western Samar, Eastern Samar, Northern Samar, Northern Leyte, Southern Leyte, Biliran, Camiguin, Surigao Del Norte, Benguet, Romblon, Batanes, and Dinagat Islands.
Malaria is a disease caused by parasite called Plasmodium. It is transmitted by the bite of a mosquito vector, Anopheles. The disease usually thrives in the rural and hard-to-reach areas such as in the hills, mountains and coastal areas. Disease transmission is perennial and generally higher during the rainy season.
High-risk groups consist of upland subsistence farmers, forest workers, indigenous people and settlers in frontier areas, including migrant agricultural workers. Children under-five are also considered to be at high risk, including pregnant women.
Secretary Ona looks forward to the success of the meeting and the recommendations of the country partners in galvanizing workable and sustainable solutions that seek to address gaps in accelerating malaria elimination while fostering regional cooperation and promoting scientific breakthroughs. (DoH)
