by aimee | Apr 26, 2013 | Local News / Bohol Balita, National News
TAGBILARAN CITY, Bohol, April 26 (PIA)–Giseguro sa Commission on Elections (Comelec) nga dili makamugna og failure of elections ang mga signal jamming devices sa umaabot nga piniliay sa nasud sa Mayo 13.
Sa gipahigayong press conference sa Camp Crame kagahapon sa Comission on Elections (Comelec), Philippine National Police (PNP), Armed Forces of the Philippines (AFP), Department of Interior and Local Government (DILG) ug National Telecommunication Commission (NTC), miingon si Comelec Chair Sixto Brillantes nga ang signal jamming devices maka-delay lamang sa transmission sa resulta sa botohan sa matag polling precinct.
Matud pa sa poll body chief, hangtud duha ka adlaw nga delay sa pagpagawas sa resulta ang mahimo sa jamming device kun gamiton kini.
Nihangyo sa publiko ang Comelec, PNP, AFP, DILG ug NTC nga tabangan silang mapugngan ang posibleng pagsabotahe sa transmission sa resulta sa eleksyon ug ipahibalo dayon kun may mamatikdan o makitang mga signal jamming devices aron dali kining maaksyunan.
Base sa memorandum order sa NTC, ang pagpalit, pagbaligya ug importasyon sa GSM jamming device may silot nga 2 hangtud 6 ka tuig nga pagkabilanggo nga walay parole. Mag-atubang usab sa paglapas sa election laws kun gamiton kini sa pagsabotahe sa eleksyon nga may silot nga 8 hangtud 12 ka tuig nga pagkabilanggo. (PIA-Bohol/ecb/i-sjp)
Paglagda og kasabotan alang sa malinawon nga piniliay, gitakda sa Mayo 5
TAGBILARAN CITY, Bohol, April 26 (PIA)–Gitakda sa Mayo 5 sa St. Joseph Cathedral ang paglagda og kasabotan sa mga kandidato sa lalawigan sa Bohol alang sa malinawon nga piniliay sa umaabot Mayo 13.
Kini pagatambongan sa tanang mga kandidato sa provincial level gikan sa gobernador, bise gobernador, kongresista ug mga sakop sa sangguniang panlalawigan aron sa pag-apil sa santos nga misa.
Ang maong santos nga misa nga gitakdang ipahigayon sa alas 5 sa hapon pangunahan ni Obispo Leonardo Medroso sa Diocese sa Tagbilaran ug didto himuon sa tanan nga mikandidato sa provincial level ang paglagda sa kasabotan.
Gibutyag ni PSupt. Jeffrey Caballes sa Kampo Dagohoy nga ang maong paglagdaay sa kasabotan nga pagahimuon alang sa gipangandoy nga malinawon nga piniliay sa Mayo 13.
Pagasaksihan kini sa mga kadagkuan sa Commission on Elections (Comelec), Philippine National Police (PNP) ug Armed Forces of the Philippines (AFP) dinhi sa Bohol. (PIA-Bohol/ecb/i-gg)
by aimee | Apr 25, 2013 | Local News / Bohol Balita
TAGBILARAN CITY, Bohol, April 25 (PIA)–Magtigum ang tanang mga election officers dinhi sa Bohol karong Sabado, Abril 27 aron tukion ang mga pagpangandam sa mga sulirang mahimong masinati sa mga presinto atoll sa adlaw sa piniliay karong Mayo 13.
by aimee | Apr 24, 2013 | Local News / Bohol Balita
TAGBILARAN CITY, Bohol, April 24 (PIA)–Tungod sa pagkamalampuson sa Jobs Bridging Program sa Technical Education and Skills Development Authority (TESDA) nga Hanapbuhay Para sa TESDA Especialista didto sa kaulohan, gilusad usab kini sa lalawigan sa Bohol kagahapong adlawa didto sa Bohol Cultural Center.
Gipangunahan ang maong kalihokan nilang TESDA Provincial Director Francisca Opog, Regional Director Rosanna Urdaneta, Gob. Edgar Chatto ug Secretary Joel Villanueva.
Gilusad usab kini dinhi sa Bohol aron pagpakuyanap sa ilang Jobs Bridging Program aron makatabang og ayuda sa mga yanong kabataang Bol-anon nga gustong makalampos sa ilang pagtuon pinaagi sa pagkuha og mga vocational nga kurso.
Gidala sa TESDA dinhi sa Bohol ang ilang programa tungod sa dakung suporta nga nadawat sa ilang buhatan gikan sa kagamhanang probinsiyal ubos sa pagdumala ni Gov. Chatto ug Vice Gob. Conchita Lim.
Gidayeg ni Sec. Villanueva ang lalawigan sa Bohol tungod sa pag-angkon og usa ka gobernador nga kugihan ug hugot ang gihimong paningkamot ug pakiglambigit sa TESDA alang sa kaayohan sa katawhan. Tungod niini, nahimong TESDA Kabalikat Awardee si Gob. Chatto.
Si Gob. Chatto sa iyang bahin nagpasalamat sa TESDA sa padayon nga pagpalambo sa skills development ug padayon nga pakigtambayayong sa kagamhanang probinsiyal.
Atol sa gipahigayong press conference kagahapon, gituki nilang Sec. Villanueva ug Gob. Chatto ang pagkamahinungdanon sa mga technical ug vocational nga kurso nga gitawag og Tech-Voc.
Ilang gipasabot nga kini ang mga alternatibong kurso nga mahimong kuhaon sa mga estudyante aron mapalambo ang ilang panginabuhian sa umaabot nga panahon inabagan sa TESDA ug kagamhanang probinsiyal.
Gipahigayon usab sa maong kalihokan ang Pre-Employment Seminar (PES) nga gipangunahan sa mga buhatan sa Department of Labor and Employment (DOLE) ug Bohol Employment and Placement Office (BEPO).
Ang mga dagkung kumpanya ug magpapatigayon dinhi sa Bohol ug apil na usab sa mga silingang lalawigan nisalmot usab sa maong programa sama sa Alturas Group of Companies, Bohol Quality Corporation, CYDEM, Dumaluan Beach Resort, Du Ek Sam, Bohol Tropics, Save N’ Earn, JJ’s Dimsum, JJ’s Seafood Village, Reynas the Haven Resort and Restaurant, Water Paradise Resort, Dranix, Cebu Mitsumi, Aegis People Support, Teletech Dumaguete, Stream Global Services ug Convergys.
Sa tuig 2012, nakahatag ang TESDA og 2,542 ka scholarship vouchers nga nagkantidad og P15.4 milyon. (PIA-Bohol/ecb/p-hd)
by aimee | Apr 22, 2013 | Local News / Bohol Balita, National News
TAGBILARAN CITY, Bohol, April 22 (PIA)–Ipaubos na usab sa Civil Service Commission (CSC) sa Red Tape Test ang 770 ka buhatan sa gobyerno karong tuiga.
Gawas niini, ipaubos usab og balik ang 150 ka buhatan nga nahagbong o wala kapasar sa niaging tuig sa maong RTT.
Matud pa ni CSC Chairman Francisco Duque III, ang mga dugokon og kliyente nga mga buhatan sa gobyerno ang i-apil sa RTT.
“Sesegundahan namin ang report card survey — 599 noong nakaraang taon at 770 ngayon. Ang pinakamataong ahensya pa rin ang isasailalim sa report card survey,” pahayag ni Duque.
Bisan hagbong ang usa ka buhatan, giingong may mekanismo ang CSC aron matabangan nga mapa-ayo pa ang performance niini. Apan kun may mahagbong pa gihapon sa ipahigayong red tape test bisan sa pagtabang sa CSC, pasakaan na og kaso ang mahagbong nga buhatan.
Samtang gitataw usab ni Duque nga wala nagpasabot nga corrupt ang tibuok ahensya kun mahagbong man kini sa maong test.
Dinhi sa lalawigan sa Bohol, tulo sa lima ka nasudnong buhatan sa gobyerno ang bagsak sa gipahigayong RTT sa niaging tuig ug ang maong mga buhatan mao ang Bureau of Internal Revenue (BIR)-Revenue District Office 84, Government Service Insurance System (GSIS) ug ang Don Emilio del Valle Hospital sa Ubay nga ubos sa pagdumala sa Department of Health (DOH). (PIA-Bohol/ecb/i-gg)
Saudi, nipagawas og requirements alang sa mga undocumented OFWs
TAGBILARAN CITY, Bohol, April 22 (PIA)–Atubangan sa gihimong pagtabang sa gobyerno sa Pilipinas sa mga undocumented Pinoy nga naa sa Riyadh, nagpagawas og requirements ang nasud sa Saudi Arabia.
Sa gipagawas nga abiso sa Philippine Embassy sa Riyadh, legal man o dili, kinahanglang ma-kompleto ang tulo ka requirement usa pa makapaule sa Pilipinas.
Una sa requirement ang pagbaton og balidong Philippine passport o travel document kun walay pasaporte.
Kinahanglan usab nga balido kini sulod sa unom ka buwan.
Ikaduhang requirement ang ticket sa eroplano ug katapusan ang exit visa gikan sa Saudi Ministry of Interior (MOI). (PIA-Bohol/ecb/i-hd)
by aimee | Mar 8, 2013 | Headlines, Local News / Bohol Balita
The Philippine Group of Law Librarians (PGLL) in cooperation with the National Commission for Culture and the Arts (NCCA) – National Committee on Library and Information Services (NCLIS) will hold a three-day Seminar on “Information Power: Building Partnership” on April 3-5, 2013. This will be held at the Bohol Tropics Resort in Graham Avenue, Tagbilaran City.
The objectives of this seminar are for the participants to be able to know the available legal collections and resources, both digital and non-digital; to understand the theories being established and the support for its success; and to understand the current laws and jurisprudence that affect the professional and communities.
Librarians (academic, special school, public, government agencies, information center, lawyers, non-librarians, information managers/personnel, researchers, teachers, LGUs, employees/office staff, barangay officials and students are invited to attend this timely and informative seminar.
Legal information resources are important for all types of Libraries and Information Centers to respond to the needs of people from all walks of life.
Building partnerships for legal information is imperative considering complete Philippine legal resources are not available in print. Electronic or digital resources serve to provide answer to these needs.
Undersecretary Manuel Quezon III of the Presidential Communications & Strategic Management and Planning Committee will give a talk on Building Partnership on Legal Information: An Update on the Nation’s Project during the opening day.
For more details about the seminar, one may contact the Provincial Librarian, Ms. Erlinda Rule at telephone numbers (038) 411-2642 and 501-9106. (PIA-Bohol/ecb)
by aimee | Feb 21, 2013 | Local News / Bohol Balita
TAGBILARAN CITY, Bohol, Feb. 21 (PIA)–IPAHIGAYON sa lungsod sa Trinidad ang ika-15 nga HEAT Bohol Caravan sa umaabot Marso 13, 2013.
Sa coordination meeting nga gipatawag kagahapon sa kagamhanang probinsiyal, nagpasalamat og daku ang first lady sa lungsod sa Trinidad nga si Judith Cajes nga ang ilang lungsod na usab ang usa sa maka benepisyo sa mga serbisyo nga idalit sa HEAT Caravan.
Matud pa ni Cajes, dugay na nila kining gipangandoy apan nagpaulahi lang ang lungsod sa Trinidad tungod kay nag-obserbar pa sila sa ubang lungsod aron kun adto na kini ipahigayon, hipno ug sakto na ang ilang preparasyon.
Ang HEAT kun Health and sanitation o Kasanihan, Edukasyon, Agrikultura ug Turismo, ang nag-unang haligi o programa sa adminstrasyon nilang Gob. Edgar Chatto ug Bise Gob. Concepcion Lim.
Gibutyag ni Liza Flores, ang Chief sa Special Projects Section sa Kapitolyo nga nikabat na sa 105 ka participating agencies ang mosalmot sa HEAT caravan nga kaniadto 39 lamang sa dihang nagsugod kini.
Sama sa naandan, dad-on ang nagkalain-laing serbisyo sa kagamhanan ngadto sa katawhan nga karon masinati sa taga Trinidad ug mga kasikbit nga lungsod sa tresero distrito.
Nakig-tambayayong usab ang mga ahensiya sa kagamhanang nasyonal ug sa lalawigan, ilabi na usab ang mga pribadong sektor o hut-ong aron paghatag sa ilang serbisyo.
Ang HEAT Bohol Caravan gidayeg kaayo sa mga katawhan ug sa mga nasudnong kagamhanan, sama sa Department of Interior and Local Government (DILG) ug Department of Social Welfare and Development (DSWD) nga maoy usa sa hinungdan nga nakadawat ug nagkalain-laing pasidungog ang lalawigan sa Bohol. (PIA-Bohol/ecb/p-hd)
