by admin | Dec 22, 2016 | DTI Updates, Headlines, Local News / Bohol Balita
TAGBILARAN CITY, December 22 (PIA)–Pahamtangan og multa sa Department of Trade and Industry (DTI) ang mga masakpang nagtinda og produktong nilapas sa gitakdang presyo niini o suggested retail price (SRP).
Mokabat taman sa P1,000,000 ang multa sa mga molapas niini.
Matud pa ni DTI Undersecretary Teodoro Pascua, maayo ug igo pa gihapon ang suplay sa mga produktong pang-Noche Buena mao nga walay rason aron pasakaan ang presyo niini.
Apan matud pa ni Pascua, kun may igong hinungdan o rason sa pagbutang og presyo nga nilapas o wala nisunod sa SRP, dili na pahamtangan og multa ang tag-iya. (ecb/PIA7-Bohol)
by admin | Dec 22, 2016 | Business, DTI Updates, Headlines, Health and Medicine, Local News / Bohol Balita, Price Updates
TAGBILARAN CITY, December 22 (PIA)–Sugdan na sa Food and Drug Administration (FDA) sa sunod tuig ang paghugot sa mga manufacturer nga dili gihapon tigbutang og “expiration” o “expiry date” sa mga de lata ug uban pang produkto.
Kini tungod kay kadaghanan pa gihapon sa mga produktong mapalit ilabi na sa mga supermarket mga “best before o consume before” lamang ang nakabutang nga marka imbes nga expiration date.
Tuig 2014 pa gipagawas ang patakaran nga angay “expiration date” ang ibutang nga marka sa mga processed food ug dili “best before” lang.
Bisan wala dayon gipatuman ang bag-ong patakaran, gihatagan sa FDA ang mga manufacturer og panahon aron mosunod sa maong patakaran.
Gitataw sa FDA nga mahimo pa gihapong magbutang og “best before” apan angay adunay kaubang expiration date ang mga produkto. (ecb/PIA7-Bohol)
by admin | Dec 21, 2016 | Headlines, Local News / Bohol Balita
TAGBILARAN CITY, December 21 (PIA)–Sa dili pa moabot ang Pasko, mapahimoslan na sa mga persons with disability ang ilang exemption sa value added tax (VAT).
Matud pa ni Department of Social Welfare and Development (DSWD) Kalihim Judy Taguiwalo, namantala na sa mga pahayagan ang implementing rules and regulations sa Republic Act 10754 nga maghatag og exemption sa mga PWDs sa VAT.
Ubos sa RA 10754, exempted ang mga PWDs sa 12-porsiyentong VAT sa land transportation, domestic air ug sea travel, mga bayronon sa medical ug dental services apil na ang diagnostic ug laboratory fees, ug professional fees sa mga doktor.
Dakong tabang usab kini sa galastohon sa mga PWDs sa mga gipalit nga tambal.
Magamit usab sa mga adunay kakulian sa panglawas ang VAT exemption sa funeral ug burial services, sa serbisyo ug produkto sa mga hotel, rastaurants, sinehan, concert halls ug uban pa.
Ang maong balaod gawas pa sa 20-porsiyentong diskuwento nga gipahimoslan na karon sa mga adunay kakulian sa panglawas nga nakalatid sa “Magna Carta for Persons with Disability”.
Samtang gipahinomdoman usab sa DSWD ang tanang mga establisimyento nga magbutang og mga karatula nga maghatag og kasayoran niining pribilehiyo sa mga PWDs. (ecb/PIA7-Bohol)
by admin | Dec 21, 2016 | DOH Updates, Headlines, Holiday Updates, Local News / Bohol Balita
TAGBILARAN CITY, December 21 (PIA)—Ang mga provincial ug district hospitals ning lalawigan sa Bohol nangandam na alang sa posibleng pagdaghan sa mga kaso sa firecracker-related injuries sa kasaulogan sa Pasko ug pagsugat sa Bag-ongTuig.
Apan gi-awhag ni Provincial Health Officer, Dr. Reymoses Cabagnot ang mga Bol-anon sa paglikay na lamang sa pagpaboto sa panghinaot nga makonhoran, o dili kaha mawagtang na gayud ang aksidente nga may kalabotan sa pagpaboto.
Sa niaging tuig, usa lamang ang reported nga kaso sa firecracker-related injury sa Bohol.
Ganinang tunga’ng gabii, gipaubos ang tanang government hospitals sa Code White alert diin molanat kini gikan Disyembre21 hangtud Enero 5 sunod tuig, base sa deklarasyon ni Department of Health (DOH) Kalihim Paulyn Jean Ubial kagahapon.
Ang maong alert nagpasabot nga tanang government hospitals kinahanglang andam 24 oras ug pitoka adlaw sa semana hangtud sa Enero 5.
Tungod niini, gipahinomdoman ni Dr. Cabagnot ang tanang opisyal sa mga provincial ug district hospitals sa Bohol nga tanang medical personnel anaa lamang gayud sa mga tambalanan aron moatiman sa mga emergencies.
Samtang gitugotan man ang pag-file og leave of absence, gipasabot ni Dr. Cabagnot nga giingnan man ang mga personnel sa pag-adjust sa ilang shifts aron pagseguro nga may maka-atiman sa mga pasyente, ilabina kadtong maaksidente tungod sa paboto.(ecb/PIA7-Bohol)
by admin | Dec 21, 2016 | Headlines, Local News / Bohol Balita
A day after key National Grid Corporation of the Philippines (NGCP) officials met with the governor to reassure Bohol of the government transmission service, tensions calmed down.
Weeks earlier, darkness blanketed Bohol and in the occasion of the blinking series lights season, Bohol had its share of the on-off disappointments.
Consumers started to complain of broken appliances, businesses raised a howl over lost potentials and losing commerce, while politicians who capitalized on vote recall cried the loudest.
It is along this taut situation that the NGCP meeting came at the proper time: before everything could explode into a bleak scenario.
By now, Bohol is using about 80 megawatts of power just to get by. A local source of power, three hydro power plants: Loboc, Ewon in Sevilla and Hanopol in Balilihan plus the Dampas Diesel Power Plant can produce less than 20 megawatts.
Unfortunately, these have been sent to a pool tapped into the Visayas Grid.
In return, Bohol largely gets its supply from the Tongonan Geothermal Plant in Leyte.
A 138 Kilovolt line is now straddling the mountains of Leyte, Southern Leyte and then down to Maasin where a submarine cable brings the power to Tugas Point in Carlos P Garcia where it resumes into overhead transmission across Popoo to Imelda in Ubay where a substation boosts the power for Bohol distribution. From there, two lines string overhead in steel towers: to complete the Bohol circuits to Corella.
The Haiyan experience of the 138 KV line which got compromised when steel towers in Leyte toppled, Bohol saw the sad plight.
Until that single line from Leyte is made redundant, that is practically a situation Bohol is held hostage. Of course, a similar line that crosses Leyte to Bohol is a logical given.
Or an independent island based power supply in Bohol enough to get us the 100MW of power we would need when Panglao Airport would start operating.
The airport plan has long been set, but the plan to put in the power to energize the main tourism service hub, we heard of none.
When then Governor Rene Relampagos (start of the 69KV upgraded to 138KV in Gov Erico Aumentado’s time), they moved heaven and earth to get the tap.
The hydro power in Ewon Sevilla stood and a plan to build the Bien Unido Solar field blossomed as they explored other sources of energy, Then there was a move to eke out power from the Cantakoy Falls. Whatever happened to these, none came out in the news later.
Governor Edgar Chatto, in his term, has put up the Bohol Energy Development Advisory Group after the Yolanda black-out.
To date, three years after, not one of the 10 interested power investors which Capitol has trumpeted after the two Power Congresses have put in their power facilities.
And we hear of the Capitol lambasting NGCP for a clear technical problem.
by admin | Dec 20, 2016 | DOH Updates, Headlines, Health and Medicine, Local News / Bohol Balita
TAGBILARAN CITY, December 20 (PIA)—Nagdeklara rnaog code white alert ang Department of Health (DOH) sa tanang pampublikong ospital sa tibuok nasod.
Kini isip parte sa pagpangandam sa DOH sa nagsingabot nga Pasko ug pagsugat sa Bag-ong Tuig.
Ang deklarasyon sa code white alert s aDOH maoy senyales sa pagsugod og pag-ihap sa mga mabiktima sa pabotoo mga disgrasya nga dunay kalambigitan sa paboto.
Ubos sa code white alert sa DOH, dili tugotang mag-leave ang mga empleyado sa mga ospital sa gobyerno.
Kinahanglan usab nga kumpleto ang mga kawani sa mga kritikal nga dibisyon sa usa ka ospital bisan unsang oras nga adunay moabot nga pasyente.
Dungan niini, miingon si DOH Kalihim Paulyn Ubial nga iduso niya ang pagbaton og community fireworks display aron malikayan na ang gidaghanon sa mga maangol tungod sa pagpaboto matag pagsugat sa Bag-ongTuig.(ecb/PIA7-Bohol)
