by admin | Sep 30, 2016 | Headlines, Local News / Bohol Balita
TAGBILARAN CITY, September 30 (PIA)–Nagplano karon ang presidente sa League of Municipalities (LMP) sa Bohol sa pagpaubos sa drug test sa tanang mayor ning lalawigan.
Si Clarin Mayor Allen Piezas, ang LMP President sa Bohol atol sa pakighinabi sa usa ka lokal nga estasyon sa radyo dinhi miingon nga iya unang konsultahon ang ubang miyembro sa organisasyon kalabot sa gitanyag nga lakang sa sunod nga panagtapok nila sa Oktubre.
Matud pa ni Piezas, kining lakang agi og pagpakita sa mga local chief executives sa ilang suporta sa kampanya sa administrasyon ni Presidente Rodrigo Duterte sa pagbatok niini sa ilegal nga droga.
Niadtong Hulyo 27, 2016, human gipangulohan ang labing una niyang National Security Council meeting, si Presidente Duterte nanawagan sa mga local government officials sa pagsuporta sa iyang kampanya batok sa ilegal nga droga.
Ang pagpaubos usab sa drug testing sa mga mayor sa kalungsoran ug syudad, maghatag og maayong ehemplo alang sa ilang mga konstituwente.
Sukad gilusad ang gihingosgang kampanya sa nasodnong kagamhanan batok sa ilegal nga droga, ang mga mayor sa Balilihan, Dauis ug Panglao boluntaryong mipaubos sa drug testing ug namapatud-ang negatibo sa bisan unsang drug traces.
Ang mga mayor sa probinsiya ang mga nangulo sa Municipal Peace and Order Council ug Municipal Anti-Drug Abuse Council sa ilang mga nagkadaiyang lungsod.
Ang maong mga organisasyon ang nag-atiman sa kahusay ug kalinaw sa matag lungsod ug kampanya sa mga munisipalidad batok sa krimen ug mga aktibidad sa ilegal nga droga. (ecb/PIA7-Bohol)
by admin | Sep 29, 2016 | Headlines, Local News / Bohol Balita
TAGBILARAN CITY, September 29 (PIA)–Ang Maritime Industry Authority (MARINA) mopahigayon og mobile registration alang sa mga dili rehistradong mga bangkang demotor karong umaabot Oktubre 12 taman 14 sa barangay Danao, lunsod sa Panglao.
Atol sa Kapihan sa PIA kagahapon, gi-aghat ni Norma Enriquez sa MARINA-Bohol nga mga tag-iyahag bangka nga gigamit alang sa island-hopping lakip na sa dolphin watching sa pagparehistro sa ilang mga sakyanan sa dagat aron mahimong legal ang ilang operasyon.
Gidasig usab ni Enriquez ang mga local government units ilabi na sa lungsod sa Panglao sa pagtabang sa pagpakatap niining kasayoran aron mapa-rehistro na ang mga dili pa rehistradong mga bangka sa ilang lugar.
Gihingosgan karon sa Philippine Coast Guard (PCG) ang pagdakop sa mga dili rehistradong bangkang demotor human sa nahitabong aksidente sa Panglao diin usa ka turista ang namatay tungod kay naigo kini sa speedboat.
Nanawagan si PCG Tagbilaran Station Commander Benjie Quinisio sa publiko nga dili gayud mosakay sa mga kulurom nga mga bangkang demotor alang sa ilang kaluwasan.
Matud pa nga ang mga tag-iyahan usab sa mga bangkang demotor kinahanglang mokuha og insurance alang sa ilang mga pasahero sa dili pa tugotang mo-operate.
Pipila sa mga rekisitos nga gipangayo sa balaod nga subayon sa MARINA aron makahatag sa rehistro sa mga sakyanan sa dagat mao ang mga kagamitan sa pagluwas sa kinabuhi: life jackets o salbabida nga ingon kadaghan sa pasahero nga luwan sa sakayan, labing menos duha ka life rings, nabansay ug kwalipekadong kapitan ug rehistradong mga tripulante, ug ang labing lisud mao ang pagbaton og two-way radio alang sa komunikasyon.
Matud pa ni Quinisio, ang two way radio nga rekisitos, pagseguro nga mamonitor sa kapitan sa bangka ang bisan kinsang sakayan sa dagat nga anaa sa iyang duol.
Kon rehistrado ang bangka, mas sayon ang paghimo og pagluwan niini kon may kadaut nga mahitabo, samtang masulod usab sa insurance ang bangka, mga trabahante niini ug mga pasahero, butang nga mahimong dili kayahon sa tag-iya sa bangka kon pasagdan na lamang. (ecb/PIA7-Bohol)
by admin | Sep 27, 2016 | Headlines, Local News / Bohol Balita
“There is a need to balance in the capacity of Bohol as a destination vis-a-vis the capabilities of its people and the use of social media in more productive endeavors for the tourism industry.”
Governor Edgar Chatto said before tourism and hospitality students during the Netizen’s Convention.
According to Gov. Chatto, part of current initiatives for tourism are three major directives on the regulatory role of the tourism office, events management, and the involvement of MICE in upcoming big events for Bohol. Among them is the launching of Digital Bohol in October, the holding of World Economic Forum – Open Collaboration with East Asia New Champions 2016 in November and the ASEAN 2017 meetings in April of next year.
In its development agenda, tourism is an industry for growth and development in Bohol along with agriculture and complementing these is ICT.
In Congress, Chatto authored the Tourism Act of 2009 with Sen. Dick Gordon, which whole concept of tourism includes marketing, incentives, structures, security, tourism, and, public private partnership.
The event, with its theme; “Building Successful Relationship Between Tourism and Social Media” is organized by the Bohol Tourism Office in partnership with meetings, incentives, conventions, exhibitions (MICE) students of Holy Name University with the support of DOT, Provincial Tourism Council and private sector partners.
For her part, Ms. Ma. Fe Dominise, Head of the Bohol Investment Promotion Center, stressed that social media as a platform now has wider marketing influence than TV due to access, magnitude, and speed, reducing the world into a global village.
There is then, she said, a greater responsibility to be accountable to the truth and the challenge is to build attitude and competencies and to optimize use of technology in order to become winners in terms of creating relationships, creating wealth, and building better communities.
The convention also featured talks from resource persons on social media as a powerful tool for the tourism industry.
During the program, Gov. Chatto inducted the Officers of the Bohol Association of Tourism and Hospitality Educators led by president Paolo Rigotti.
The whole day event coincides with the celebration of World Tourism Day and was attended bu students from HNU, Cristal E College, Bohol Northern Star Colleges, Mater Dei College, BISU Main Campus and Clarin Campus, and the University of Bohol..
by admin | Sep 27, 2016 | Headlines, Local News / Bohol Balita
TAGBILARAN CITY, September 27 (PIA)–Gi-awhag sa Department of Interior and Local Government (DILG) ang kapin sa 42,000 ka barangay sa tibuok nasod sa pagpahigayon sa Barangay Assembly karong Oktubre 9, 2016.
Ubos sa Proclamation No. 260 nga gipagawas niadtong Setyembre 30, 2011, gi-deklarar ang katapusang Sabado sa Marso ug ikaduhang Domingo sa Oktubre 2011 ug sa mga mosunod nga tuig isip barangay assembly days.
Nagdala sa tema nga “Para sa Isang Tunay na Pagbabago, Mag-MASID, Makisali at Makiisa sa Isang Maka-MASAng Asembleya.”
Matud pa ni DILG Kalihim Ismael Sueno, ang ikaduhang barangay assembly ning tuig kinahanglang maglakip sa mga hisgotang naka-apekto sa barangay sama sa problema sa ilegal nga droga, kahimtang sa kahapsay ug kalinaw, disaster preparedness ug solid waste management, ug uban pa.
Sa usa ka direktiba, si Sueno nimando sa mga opisyal sa barangay sa pagtuki sa ilang compliance o pagsunod sa ubang DILG circulars sama sa programa sa DILG nga MASA-MASID o Mamamayang Ayaw Sa Anomalya, Mamamayang Ayaw Sa Ilegal na Droga, paggahin sa parte sa annual budget alang sa programa ug kalihokan alang sa anti-illegal drugs, ug pagpakusog sa Barangay Anti-Drug Abuse Councils.
Gipaabot usab gikan sa mga punong barangays ug sanggunian nga mohatag sa ilang State of the Barangay Addresses (SOBAs) nga maglakip sa pag-presentar sa ilang mga nahimo ug financial reports gikan sa unang semester sa 2016.
Gimanduan usab ni Sueno ang mga opisyal sa barangay sa pag-imbitar sa mga miyembro sa faith-based groups nga anaa lamang sa barangay sama sa Ugnayang Barangay at Simbahan (UBAS), civil society ug ubang community organizations sa pagtambong sa maong asembliya ug mohatag sa ilang suporta ug pakiglambigit sa project monitoring ug evaluation ug pag-adbokar sa good local governance.
Ang DILG, pinaagi sa ilang National Barangay Operations Office (NBOO) ang manguna sa preparasyon alang sa national barangay assembly ikaduha matag tuig.
Ang adlaw sa barangay assembly ipahigayon sa Oktubre 9 isip parte sa ika-25 nga anibersaryo sa Local Government Code nga selebrasyon ning tuig. (ecb/PIA7-Bohol)
by admin | Sep 27, 2016 | Headlines, Local News / Bohol Balita
TAGBILARAN CITY, September 27 (PIA)–Gi-awhag sa Department of Interior and Local Government (DILG) ang kapin sa 42,000 ka barangay sa tibuok nasod sa pagpahigayon sa Barangay Assembly karong Oktubre 9, 2016.
Ubos sa Proclamation No. 260 nga gipagawas niadtong Setyembre 30, 2011, gi-deklarar ang katapusang Sabado sa Marso ug ikaduhang Domingo sa Oktubre 2011 ug sa mga mosunod nga tuig isip barangay assembly days.
Nagdala sa tema nga “Para sa Isang Tunay na Pagbabago, Mag-MASID, Makisali at Makiisa sa Isang Maka-MASAng Asembleya.”
Matud pa ni DILG Kalihim Ismael Sueno, ang ikaduhang barangay assembly ning tuig kinahanglang maglakip sa mga hisgotang naka-apekto sa barangay sama sa problema sa ilegal nga droga, kahimtang sa kahapsay ug kalinaw, disaster preparedness ug solid waste management, ug uban pa.
Sa usa ka direktiba, si Sueno nimando sa mga opisyal sa barangay sa pagtuki sa ilang compliance o pagsunod sa ubang DILG circulars sama sa programa sa DILG nga MASA-MASID o Mamamayang Ayaw Sa Anomalya, Mamamayang Ayaw Sa Ilegal na Droga, paggahin sa parte sa annual budget alang sa programa ug kalihokan alang sa anti-illegal drugs, ug pagpakusog sa Barangay Anti-Drug Abuse Councils.
Gipaabot usab gikan sa mga punong barangays ug sanggunian nga mohatag sa ilang State of the Barangay Addresses (SOBAs) nga maglakip sa pag-presentar sa ilang mga nahimo ug financial reports gikan sa unang semester sa 2016.
Gimanduan usab ni Sueno ang mga opisyal sa barangay sa pag-imbitar sa mga miyembro sa faith-based groups nga anaa lamang sa barangay sama sa Ugnayang Barangay at Simbahan (UBAS), civil society ug ubang community organizations sa pagtambong sa maong asembliya ug mohatag sa ilang suporta ug pakiglambigit sa project monitoring ug evaluation ug pag-adbokar sa good local governance.
Ang DILG, pinaagi sa ilang National Barangay Operations Office (NBOO) ang manguna sa preparasyon alang sa national barangay assembly ikaduha matag tuig.
Ang adlaw sa barangay assembly ipahigayon sa Oktubre 9 isip parte sa ika-25 nga anibersaryo sa Local Government Code nga selebrasyon ning tuig. (ecb/PIA7-Bohol)
by admin | Sep 27, 2016 | Headlines, Local News / Bohol Balita
TAGBILARAN CITY, September 27 (PIA)–Nipasidaan ang Department of Labor and Employment (DOLE) sa publiko batok sa mga bogus o pekeng gihanyag nga trabaho nga gipakatap sa mga social media accounts sama sa email ug Facebook.
Gipagawas ni DOLE Kalihim Silvestre Bello ang pasidaan human gipahayag sa Philippine Overseas Employment Administration (POEA) ang licensed recruitment agencies apil na ang mga job applicants sa mga gitanyag nga trabaho sa ubang nasod pinaagi sa e-mail foreign manpower agencies.
Matud pa ni Bello, nakadawat sila og kasayoran gikan ni POEA Administrator Hans Leo Cacdac nga usa ka Omegal Manpo¬wer Services Limited, nga matud pa naka-base sa nasod sa Ireland ang nagtanyag og komisyon sa mga interesadong manpower brokers o indibidwal nga maka-suplay og trabahante alang sa nagkalain-laing job openings sa Canada, Mexico ug Europe.
Tungod niini, gipasidan-an ni Bello ang publiko nga magbantay gayud sa maong tanyag.
Matud pa sa POEA, ang Omegal misaad sa mga local recruiters nga makadawat og kapareho sa usa ka buwang suholan ang matag usa ka overseas Filipino workers (OFWs) nga maka-recruit alang niini isip komisyon.
Gipangita sa POEA ang online presence sa maong manpower company nga giingong naka-base sa Ireland apan napamatud-ang negatibo kini. Giingong wala’y ahensiya nga gihinganlan og Omegal Manpower Services Limited.
Tungod niini, gitambagan ang mga nangita og trabaho nga siguradohong lehitimo ang job offers pinaagi sa verification system sa POEA ug sa website nga poea.gov.ph, mobile phone application, o pagtawag sa telepono (02) 722-1144 ug 722-1155. (ecb/PIA7-Bohol)
