by admin | Oct 7, 2016 | Headlines, National News
MANILA, October 7 (PIA)–Gikonsiderar sa Duterte administration ang ilang kampanya batok sa ilegal nga droga ang pinakadakong nahimo ni Presidente Rodrigo Duterte sa una niyang 100 ka adlaw sa pangatungdanan.
Matud pa ni Presidential Spokesman Ernesto Abella, nagbaton og “dramatic and historic” nga progreso sa kampanya diin natala ang kapin sa 700,000 ang nitahan nga mga drug addicts sa nasod.
Dugang pa ni Abella, sa giingong unang tulo ka buwan, natumbok ang kalapad ug kalalom sa problema sa ilegal nga droga diin nasayran nga 97 porsiyento sa mga barangay sa tibuok nasod ang infiltrated o nasudlan na niini.
Giingong apil sa dakong nakab-ot sa hugot nga programa ni Presidente Duterte mao ang “awareness” o kaamgohan sa publiko aron masayran ang kaaway ug unsaon kini pagsumpo.
Base sa pinakaulahing datos sa Philippine National Police (PNP), naa na sa 1,377 drug suspects ang napatay; 732,698 ang nitahan nga mga drug dependents; 22,503 ang nitahan nga mga drug pushers ug kinatibuk-ang 1,634,111 ka panimalay na ang nabisita kalabot sa pagpatuman sa Oplan Tokhang.
Gawas niini, gihinganlan usab ni Presidente Duterte ang mga nalambigit nga polis ug mga opisyal sa gobyerno sa operasyon ug pagpanalipod sa operasyon sa ilegal nga droga.
Sa pagkakaron, nagpadayon pa ang pagdungog sa House Justice Committee kalabot sa Bilibid illegal drugs trade diin niatubang isip testigo ang pipila ka convicted drug lords ug mga kriminal nga naglambigit kang kanhi Department of Justice (DOJ) Kalihim ug karon Senador Leila De Lima. (ecb/PIA7-Bohol)
by admin | Oct 7, 2016 | Headlines, National News
MANILA, October 7 (PIA)–Akoon na sa gobyerno ang pagpahimo sa drivers’ license ug mga plaka sa sakyanan.
Matud pa ni Presidential Communications Office (PCO) Kalihim Martin Andanar nga sa pagkakaron, gipaabot na lamang nila ang ‘go signal’ gikan sa Department of Transportation (DOTr).
Naglaom si Andanar nga masulbad na sa gobyerno ang problema sa backlog sa driver’s license ug plaka sa mga sakyanan.
Gipasabot ni Andanar nga mahimong government-to-government na ang transaksiyon ug dili na kinahanglan ang pribadong kompanya aron mohimo sa mga plaka ug lisensiya.
Dugang pa sa Kalihim, kayang himuon sa National Printing Office (NPO) ug APO Production Unit Services ang tulo ka milyong backlog sa driver’s license ug lima ka milyong plaka ug gipaabot na lamang ang ilang technical requirements aron masugdan na ang paghimo niini.
Matag adlaw, gidagsa og mga reklamo ug naglagot nga publiko ang LTO tungod kay giabtan na og tuig nga wala pa nahatag nga mga lisensiya ug plaka sa mga nag-renew ug nagpa-rehistro sa ilang mga sakyanan. (ecb/PIA7-Bohol)
by admin | Oct 7, 2016 | Headlines, National News
MANILA, October 7 (PIA)–Target sa Duterte administration nga mahatagan og serbisyo sa elektrisidad ang tibuok nasod sa paghidangat sa tuig 2020.
Kini ang gipahayag ni Department of Energy (DOE) Kalihim Alfonso Cusi sa iyang pag-atubang sa mga negosyanteng gikan sa Europa sa gipahigayong EU Summit ning bag-o lang.
Gawas sa target nga 100% electrification, giingong tinguha usab sa kasamtangang administrasyon nga hiusahon ang power grid sa Luzon, Visayas ug Mindanao sa paghidangat sa 2022.
Gipasabot ni Cusi nga prayoridad nila nga masiguro nga ayuhon ang serbisyo sa kuryente sa matag panimalay sa tibuok nasod ug pagpakusog sa suplay niini.
Aron mapatuman ang mga proyektong may kalabotan sa enerhiya, giingong dalion usab nila ang proseso sa pagkuha og mga permit ug mga gikinahanglang dokumento.
Giingong angay usab nga mahatagan og mga tukmang insentibo ang mga musolod sa energy sector projects sama sa exemption sa real property tax ug uban pa aron mang-engganyo og mas daghan pang tigpamuhunan. (ecb/PIA7-Bohol)
by admin | Oct 6, 2016 | Headlines, National News
The Department of Trade and Industry is eyeing small and medium enterprises (SMEs) as well as large corporations in Calabarzon to join its two quality programs: Philippine Quality Challenge (PQC) and Philippine Quality Award (PQA) in a bid to promote organizational competitiveness in the local businesses.
The DTI- Competitiveness Bureau (CB) recently conducted its PQA/PQC Roadshow at Lucena, Quezon Ptrovince to orient local businesses and organizations about the two performance excellence programs.
CB Executive Director Virgilio Fulgencio stated that SMEs will benefit in joining Philippine Quality Challenge since they can improve their organizations and become comparable with world-class firms.
“As we push our SMEs to become globally competitive, we are putting them at the center of our efforts to improve and attain performance excellence. In this way, they could compete with other firms within and outside the ASEAN region.” Fulgencio explained.
To be able to join both programs, organizations should first undergo Applicants’ Training and comply with the Eligibility Requirements before they enter the assessment phase. After completing the requirements, the team of assessors will do an independent review and present their findings to the Board of Judges. The whole assessment cycle usually takes a year, from application to awarding rites.
PQA is the highest level of recognition given to organizations based on a global standard. It was established to assist local companies/organizations achieve world-class performance excellence. It is the Philippine version of the US Baldrige National Quality Award (MBNQA) and National Quality Awards abroad.
PQC,on the other hand is the simplified version of the PQA criteria, focusing on companies interested to start their quality initiatives towards organizational excellence. Both the PQA and PQC serves as framework for competitiveness based on the principles of Total Quality Management (TQM).
To date, there are 14 PQA recipients from CALABARZON which include Yazaki-Torres Manufacturing Incorporated (1998), Sutherland Global Services (2008), First Philippine Industrial Corp. (2008), RCM Manufacturing Inc. (2010), Mariwasa Siam Ceramics Inc. (2010), Sunpower Philippines Manufacturing Ltd. (2010), Automotive Air-conditioning Technology Phils. Inc. (2011), Optodev, Inc. (2012), Lyceum of the Philippines University Batangas, Inc. (2012), Lyceum of the Philippines – Laguna (2014), San Miguel Yamamura Asia Corporation (2012), STMicroelectronics, Inc. (2014), SMC Yamamura Fuso Molds Corporation (2014) and ROHM Electronics Philippines, Inc. (2014).
***
Reden M. Miranda
DTI – OSEC, Public Relations Unit
4/F Industry and Investments Building, 385 Gil Puyat Avenue, Makati City 1200, Philippines
Tel. No.: (+632) 895.3994 |895.3995 | Fax No.: (+632) 890.4517 | Mobile No.: (+63) 916.742.7430
E-mail: RedenMiranda@dti.gov.ph
www.dti.gov.ph
Enabling Business, Empowering Consumers
by admin | Oct 5, 2016 | Headlines, National News
MANILA, October 5 (PIA)–Gitakda nang ipagawas sa ulohang buhatan sa Land Transportation Office (LTO) ang bag-ong mga driver’s license nga may 5 years validity agi og pagsunod sa mando ni Presidente Rodrigo Duterte.
Matud pa ni LTO Chief Asec. Edgar Galvante, ang mga lisensyang may 5-year validity alang una sa mga kliyente sa Metro Manila nga sugdan sa Oktubre 10 sa LTO Central Office ug 3 ka LTO licensing office sa syudad sa Quezon.
Sa Oktubre 14 usab gipaabot nga tanang mga buhatan sa LTO sa tibuok Metro Manila ang makahatag na sa maong lisensya ug sa dili pa matapos ang tuig, mahatag na usab kini sa tibuok nasod.
Samtang gitataw ni Galvante nga sa pagkakaron, hinimo una sa papel ang mahatag nga mga bag-ong lisensya ug ang mga reserbang plastic card usab sa LTO ang mahimong ihatag sa mga overseas Filipino workers (OFW).
Kalabot niini, giingong nakig-alayon na usab ang LTO sa Presidential Communications Office (PCO) aron mag-produce og mga plaka nga gitinguhang mahatag sa ikaduhang kwarter sa sunod tuig.
Giingong magdugang usab og analytics sa mga plaka sama na lang sa Radio-frequency Identification (RFID) sa tabang sa National Printing Office. (ecb/PIA7-Bohol)
by admin | Oct 5, 2016 | Headlines, National News
MANILA, October 5 (PIA)–Napuno na usab ang Malakanyang sa hinay nga internet mao nga gi-plano na sa National Telecommunications (NTC) nga magbaton og kaugalingong national broadband.
Matud pa ni Presidential Communications Office (PCO) Kalihim Martin Andanar, ang kaugalingong national broadband sa gobyerno ang nakitang solusyon ni Department of Information and Communications Technology (DICT) Kalihim Rodolfo Salalima sa hinay nga internet sa nasod atol sa gipahigayong cabinet meeting niadtong Lunes sa gabii.
Ang planong magkinaugalingon og national broadband ang gobyerno tungod usab sa kakulang sa serbisyong ginahatag sa mga telecommunication company kun telcos, dugang pa ni Andanar.
Ang sistemang gustong mahitabo sa DICT mao ang ipatuman ang duha ka paagi—“…either you create at yourself, or the other one is to provide for the ¬areas na wala pa iyong pribado , lalagyan ito ng mga fiber optic, lalagyan mo ng mga cell sites,” dugang pa sa Kalihim. (ecb/PIA7-Bohol)
