by admin | Jan 4, 2016 | National News
BOHOL, Jan. 04 (PIA)–Gigahin ang kantidad nga P6.5 bilyon sa 2016 General Appropriations Act (GAA) alang sa rehabilitasyon ug upgrading sa mga kadalanan sa probinsiya sa 73 ka lalawigan. Ang alokasyon sa pondo gi-base sa performance sa napiling mga lalawigan nga nisubay sa good governance standards.
Gawas sa good governance standards, miingon si Kalihim Florencio ‘Butch’ Abad sa Department of Budget and Management (DBM) nga ang mga kuwalipikadong lalawigan nakakuha usab sa social development benchmarks ug nakamugna og monitoring ug evaluation mechanisms.
Gitawag nga KALSADA (Konkreto at Ayos na Lansangan at Daan Tungo sa Pangkalahatang Kaunlaran), usa kini ka giingong “innovative devolution program” nga nagtinguha sa pag-institutionalize sa good governance pinaagi sa pagpahimo ug pag-pastol sa local government units sa Local Road Management.
Kining programa mo-rehabilitate ug upgrade sa kadalanan sa mga lalawigan ug ibalhin kining mga kabtangan’g kalsada permanente na ngadto sa provincial government nga mao nay mo-mintinar niini. Paga-ugmaron usab niini ang Provincial Road Network Development Plan alang sa matag probinsiya ug ang pagdasig sa paggamit sa online open data portal isip mekanismo alang sa monitoring ug evaluation sa mga kadalanan sa probinsiya.
Ang maong programa adunay monitoring ug evaluation system aron pagseguro nga ang upgrading ug rehabilitasyon sa mga kadalanan makumpleto gayud. Sa pakig-kolaborasyon sa World Bank ug sa Australian Department of Foreign Affairs and Trade, ang gobyerno nagmugna og sistema nga naggamit sa geo-tagging alang sa reporting sa status sa mga proyekto. Pinaagi usab sa Open Roads Portal, ang publiko makasusi online kun unsang mga dalan ang napili alang sa rehabilitasyon o upgrading ug sundan ang progrero sa road project gikan sa pagsugod ngadto na sa kahumanan niini.
Matud pa ni Bohol Gob. Edgar Chatto, Secretary-General sa League of Provinces of the Philippines ug kampeyon sa KALSADA program, kining maong programa tubag sa General Assembly Resolution sa niaging tuig sa League of the Provinces of the Philippines nga nag-awhag sa DBM ug Department of Interior and Local Government (DILG) sa pagmugna og sumbanan alang sa Provincial Road Network Development Program, gikan sa nakuhang pagtulun-an sa DILG, DFAT ug pakig-kolaborasyon sa pilot LGUs sa Provincial Road Management Facility. (ecb/PIA7-Bohol)
by admin | Jan 4, 2016 | National News
MANILA, Jan. 04 (PIA)–Sugod karong adlawa, Enero 4, milingkod na isip ad interim secretary sa Department of Trade and Industry (DTI) si kanhi Trade Usec. Adrian Cristobal, Jr.
Siya na ang gitudlo ni Presidente Benigno “Noynoy” Aquino III isip hulip ni Trade Sec. Gregory Domingo.
Kanhing mialagad si Cristobal isip undersecretary for industrial development group ug managing head sa Board of Investment.
Kahinumdoman nga niadtong Setyembre pa nipahayag si Domingo nga mokanaug sa puwesto apan gihangyo siya sa Presidente nga magpabilin una hangtud mahuman ang APEC leaders summit niadtong buwan sa Nobyembre. (ecb/PIA7-Bohol)
by admin | Jan 4, 2016 | National News
MANILA, Jan. 04 (PIA)–Sugod karong adlawa, Enero 4, 2016, bag-o na ang hepe sa Land Transportation Office (LTO).
Alisdan si LTO Chief Alfonso Tan, Jr. ni Land Transportation Franchising and Regulatory Board (LTFRB) Executive Director Robert Cabrera.
Si Tan miluwat sa pangatungdanan tunga-tunga sa Disyembre tungod sa giingong “job pressure”.
Target sa bag-ong hepe sa LTO ang zero backlog sa car plates.
Gipasabot niini nga mahimong masugdan sa LTO ang pagpagawas sa mga bag-ong plaka ug lisensiya sa Mayo.
Apan dili pa niini masiguro kun kanus-a gayud masulbad ang maong backlog.
“Katulad nga po ng sabi ko, sana hopefully, bago mag-Mayo, mai-deliver na. Dahil ‘yung backlog po na ibang naririnig ko, even if mai-release po natin ‘yan, ilang district offices po kasi ‘yung pagdadalhan niyan,” matud pa ni Cabrera. (ecb/PIA7-Bohol)
by admin | Jan 4, 2016 | National News
The Department of Trade and Industry (DTI) works to incorporate the micro, small, and medium enterprises (MSMEs) agenda in its trade and investment promotion efforts through its various commercial posts overseas.
“We should not lose the opportunity of joining the bandwagon in pushing for MSMEs development,” DTI says.
DTI underscores the agency’s support in the internationalization of MSMEs, particularly on how to bring MSMEs to be active participant, not just as direct exporters but eventually to be part of the global value chains (GVCs).
DTI emphasizes the importance of inclusive growth, globalizing MSMEs, and addressing barriers to trade and investment, including tariffs and non-tariff barriers to promote the internationalization of MSMEs and integrating them into global value chains (GVCs).
DTI is advancing policy frameworks to promote MSME participation in GVCs and international trade through the APEC MSME Marketplace through facilitating business networking and matching involving MSMEs, enhancing MSME awareness and feedback on trade regulations, and improving mechanism for knowledge sharing on trade facilitation, business support, partnerships, and capacity building activities for MSMEs.
For more information on the services of the DTI visit http://www.dti.gov.ph
by admin | Dec 29, 2015 | National News
MANILA, Dec. 29 (PIA)–Sa labing unang higayon sukad niadtong 2007, wala na karon ang Pilipinas sa listahan sa “World’s Most Deadly Countries for Journalists”.
Matud pa sa Committee to Protect Journalists (CPJ), usa ka press freedom watchdog nga naka-base sa New York, base sa ilang year-end analysis wala sila’y nadokumentong kaso sa pagpatay sa usa ka mamamahayag nga adunay direktang kalabotan sa trabaho niini.
Bisan adunay giingong 7 ka mamamahayag nga gipatay, apan dili pa klaro kun work-related o may kalabotan sa trabaho kini o kun unsa ang motibo sa krimen tungod kay nagpadayon pa ang imbestigasyon niini.
Kahinumdoman nga pipila ka higayon nga nabutang ang Pilipinas sa talaan sa “World’s Most Dangerous Countries for Journalists” kauban ang Syria ug Iraq.
Ang pinaka-grabeng nahitabong pagpatay sa mga mamamahayag dinhi sa nasud mao ang Maguindanao Massacre niadtong 2009 diin kapin 30 ka mamamahayag ang namatay. (ecb/PIA7-Bohol)
by admin | Dec 29, 2015 | National News
MANILA, Dec. 29 (PIA)–Nipasidaan ang Department of Health (DOH) sa publko batok sa paggamit og mga improvised nga paboto ilabi na ang ‘boga’.
Matud pa sa tigpamaba sa DOH nga si Dr. Lyndon Lee Suy, apil ang ‘boga’ sa kasagarang hinungdan sa aksidente matag Bag-ong Tuig.
Kasagarang hinimo ang boga gikan sa PVC pipes, gisumpay-sumpay nga lata o di kaha hinimo sa kawayan nga giila kaniadto sa tawag nga kanyon.
Duslitan kini gamit ang denatured alcohol nga moresulta sa pagmugna og kusog nga boto.
Gawas sa boga, gipahinumdoman usab ni Dr. Lee Suy ang publiko sa peligro nga mahimong resulta sa uban pang mga improvised nga paboto. (ecb/PIA7-Bohol)
