by aimee | Aug 14, 2013 | Headlines
TAGBILARAN CITY, Bohol, Aug. 14 (PIA)–Ipagawas na sa Land Transportation Office (LTO) ang mga plakang adunay mga bag-ong security features karong Setyembre.
Matud pa sa tigpamaba sa LTO nga si Jason Salvador, nipahibalo na ang Department of Transportation and Communication (DOTC) sa pagpagawas sa mas modernong mga plaka nga adunay mga bag-ong security features ug alpha numeric design.
Alang sa mga motor vehicles, mahimong tulo ka letra ug upat ka numero na ang kombinasyon sa plaka sugod sa Setyembre.
Samtang kombinasyon usab sa duha ka letra ug lima ka numero ang plakang ipagawas alang sa mga motorsiklo.
Mahimong kolor itom ug puti na ang desenyo sa mga plaka alang sa mga pangpribadong sakyanan.
Aduna usab naka-laser nga bar code nga hinimo sa reflective shading materials ang mga bag-ong plaka.
May vault head screw ug knots nga adunay serial numbers usab ang mga bag-ong plaka aron dili ma-tamper ug matangtang gikan sa mga sasakyan.
Una nang gihatag ang lima ka tuig nga kontrata sa joint venture nga JKG ug Power Plates Development Concepts Inc. alang sa suplay sa motor vehicle ug motorcycle license plate sa kantidad nga P1.989 bilyon ug P1.986 bilyon. (PIA-Bohol/ecb)
Gobyerno sa Taiwan, nagpagawas og bag-ong sumbanan
alang sa mga Pinoy nga gustong mo-apply sa ilang nasud
TAGBILARAN CITY, Bohol, Aug. 14 (PIA)–Nagpagawas og bag-ong hiring guidelines ug requirements ang gobyerno sa Taiwan alang sa mga Pinoy workers nga gustong mo-trabaho sa ilang nasud.
Alang sa visa application, kinahanglan ang unified multi-purpose ID nga i-isyo sa gobyerno sa Pilipinas, NSO-certified copy sa birth certificate ug clearance gikan sa National Bureau of Investigation (NBI).
Matud pa sa Taipei Economic and Cultural Office (TECO), sakop usab niining sumbanan ang mga work permit-applications alang sa mga blue-collar workers, first time applications, substitutes ug re-hiring.
Gipaabot nga mokabat lamang og unom ka adlaw ang kinatibuk-ang pag-proseso sa maong mga dokumento. (PIA-Bohol/ecb)
by aimee | Aug 14, 2013 | National News
TAGBILARAN CITY, Bohol, Aug. 14 (PIA)–Gibutyag ni Presidente Benigno ‘Noynoy’ Aquino III ang kinatibuk-ang budget nga P9 bilyon nga igahin alang sa programang pangreporma sa Philippine National Police karong tuig.
Gipahayag kini sa Presidente atol sa pagsaulog sa ika-112 anibersaryo sa police service human gi-anunsyo sa Department of Budget and Management (DBM) ang pag-release sa kapin P2.8 bilyon alang sa PNP.
“Bahagi ng PNP transformational plan ang pagpapatatag sa unipormadong hanay. Kung umaasa ang mamamayan sa makatarungang serbisyo ng mga pulis, hindi ba makatarungan lang na tutukan din natin ang kanilang hanay,” matud pa sa Presidente.
Dungan niini, subling gipasidan-an sa Presidente ang mga badlongong miyembro sa PNP.
Matud pa sa Presidente, dili niya tugotang idiskaril ang mga gi-pundar sa nitaliwan nga DILG Secretary Jesse Robredo nga gipadayon ni Secretary Mar. Roxas karon.
“Hindi natin hinahayaang madiskaril ang mga repormang ipinunla ni Sec. Jesse Robredo. Mulat tayo na mayroon pa ring mga scalawags na kailangang purgahin sa inyong hanay” matud pa sa Presidente.
Gi-awhag usab ni Presidente Aquino ang publiko nga makighiusa sa gobyerno sa pagpalambo sa serbisyo sa PNP.
Sa maong kasaulogan, gihatagan og pasidunggog ang pipila ka pulis ug pipila ka units sa PNP.
Lakip na niini ang paghatag og Plaque of Recognition for Outstanding Achievement in the field of Police Operations kang Chief Supt. Marcelo Garbo, Jr. sa pagtukod niini og 40 ka tourist assistance centers sa Rehiyon 7. (PIA-Bohol/ecb)
by aimee | Aug 12, 2013 | National News
THE Department of Budget and Management (DBM) released P2.86 billion to the Department of Interior and Local Government (DILG) for the Philippine National Police (PNP) Operational Transformation Plan for FY 2013, aimed at enhancing the capability of the country’s police force and improving crime prevention and security nationwide.
Budget Secretary Florencio “Butch” Abad reported that the release will cover the repair and maintenance of police supplies and the procurement of mission-essential equipment for mobility, firepower, communication, and investigation.
“Ensuring sustained and inclusive development will also depend on the government’s ability to facilitate peace and order in the country. We still have a lot of work to do toward bringing greater security to our communities, especially in areas where crime and violence are a systemic problem. This latest release will support and better capacitate our police force, allowing us to safeguard our people and make our crime prevention efforts more strategic and efficient,” Abad said.
Of the total amount, P2.5 billion will support the procurement of 1,000 patrol jeeps, 13,597 long firearms, and 4,997 mobile radios. It will also fund the improvement of the Firearms Identification System (FIS), which was designed to enhance police investigative capabilities on firearms-related cases.
In addition, P344 million will cover minor repairs and the repainting of 810 of the most dilapidated police stations, as well as fund the procurement of M4 magazines and kits for PNP maneuver units.
The budget chief also noted that an allocation worth P655 million is also set to be released for the creation of positions and hiring of 7,439 Non-Uniformed Personnel (NUPs), who will be assigned to regional offices to accomplish mostly administrative work.
“By increasing the number of staff in our regional offices, our policemen won’t have to preoccupy themselves with administrative matters. Instead, they can focus on mobilizing their forces more effectively so they can respond more quickly to emergencies and improve their visibility in their assigned areas,” Abad added. (DBM)
by aimee | Aug 12, 2013 | Headlines, Health and Medicine
TAGBILARAN CITY, Bohol, Aug. 12 (PIA)–Giseguro ni Senate President Pro-Tempore Ralph Recto nga dakung porsyento sa gigahin sa gobyerno nga P81.7 bilyon budget sa Department of Health for the National Health Insurance Program o NHIP ma-adto sa kapin upat ka milyong kabus nga pamilya sa atong nasud.
Matud pa ni Recto, P35.3 bilyon ang gigahin aron malista sa mga programang maayong panglawas ang 14,700,000 ka “poor and near-poor families”.
Tungod niini, tanang kabus o indigenous natong mga kababayan ang masakop ug maapil na sa health insurance.
Dugang pa ni Recto, apil sa gigahinan sa pondong health program sa gobyerno ang P2.8 bilyon alang sa Family Health and Responsible Parenting, Rotavirus Vaccination sa 2,400,00 masuso, P10.2 bilyon alang sa mga tambal ug vaccines nga nagkantidad og P2.8 bilyon alang sa 2,700,000 kabataan nga mopaubos sa programang “Expanded Program on Immunization”.
Gawas sa mga benepisyong makuha sa mga kabus natong kababayan sa DOH, mahatagan usab og trabaho ang 131 ka mga doctor ug 22,500 contractual nurses apil na sa 3,000 midwives nga ipakatap sa mga baryo o health centers sa nagkalain-laing dapit sa Pilipinas.
Matud pa ni Recto, P3 bilyon usab ang gigahin alang sa maong mga health workers.
Samtang P13.3 bilyon ang gigahin alang sa rehabilitation and construction sa 2,871 health facilities ug mga bag-ong equipment nga gikinahanglan niini diin ang 9 leading specialty hospitals, hatagan og P2.3 bilyon alang sa pagpatukod og mga bag-ong building ug medical equipment samtang gitun-an pa pag-ayo ang P4.3 blyon nga kantidad sa mga gamit o apparatus nga makatabang sa kapasidad sa mga centers nga maghatag og maayong pagsusi ug pagtambal sa mga nanginahanglan.
Tuyo sa pondong pang health program nga gigahin sa gobyerno nga matubag ang panginahanglan sa 962 barangay health stations, 1,265 health centers sa probinsiya, 561 hospital nga gidumala sa local nga kagamhanan ug 60 hospital nga ubos sa pagdumala sa DOH. (PIA-Bohol/ecb)
by aimee | Aug 12, 2013 | Headlines, National News
TAGBILARAN CITY, Bohol, Aug. 12 (PIA)–Gitun-an na sa gobyerno ang hangyo sa pipila ka grupo ug indibidwal nga umento sa suholan alang sa mga kawani sa gobyerno sa tuig 2014.
Matud pa ni Deputy Presidential Spokesperson Abigail Valte, ang desisyon kabahin niini maggikan sa rekomindasyon sa Department of Budget and Management (DBM) kun angayan na ba ang paghatag og bag-ong salary adjustment sa mga kawani sa gobyerno.
Si Valte nagkanayon nga napatuman na sa gobyerno ang katapusang lakang sa salary standardization nga nagsaka sa suholan sa kapin sa usa ka milyong empleyado sa gobyerno.
Usa sa mga niduso sa dugang suholan sa mga kawani sa gobyerno si Alliance of Concerned Teachers Representative Antonio Tinio nga nag-inggong angay umentohan ang suholan sa mga kawani sa gobyerno imbes nga mogasto og P25 bilyon alang sa pork barrel fund sa sunod tuig.
Si Tinio nihatag sa maong pahayag human angkuna niadtong niaging semana ni Budget Secretary Florencio Abad sa pagdungog sa House Committee on Appropriations alang sa proposed 2014 National Budget nga taliwala sa padayon nga paglambo sa ekonomiya sa nasud, walay mapaabot nga umento sa suholan ang kapin sa usa ka milyong kawani sa gobyerno sa sunod tuig. (PIA-Bohol/ecb)
