by aimee | Mar 20, 2013 | Headlines, National News
TAGBILARAN CITY, Bohol, Mar. 20 (PIA)–Dili pa gihapon mapatuman sa gobyerno ang kontrobersiyal nga Reproductive Health law human nagpagawas ang Korte Suprema kagahapon og “status quo ante” order nga molanat og 120 ka adlaw.
Matud pa ni SC Public Information Office chief Theodore Te, sa boto nga 10-5 sa mga mahistrado, nauyonan nga ipagawas ang maong kamanduan aron pugngan ang pagpatuman sa RH law o Republic Act 10354, nga gihimong balaod ni Presidente Benigno ‘Noynoy’ Aquino III niadtong Disyembre 2012.
“SC en banc issued a 120-day Status quo Ante order in the consolidated cases involving the RH law. Vote was 10-5,” matud pa ni Te.
Ang lima ka mahistrado nga mibabag aron pugngan ang pagpatuman sa RA 10354 mao sila Chief Justice Maria Lourdes Sereno, Associate Justices Antonio Carpio, Mariano del Castillo, Estela Perlas-Bernabe ug Marvic Leonen.
Gitakda ang oral arguments sa Hunyo 18, 2013, alas-2:00 sa hapon alang sa mga gitapo-tapo nga reklamo batok sa RH laws.
Samtang miingon ang Malakanyang nga mosunod sila sa kamanduan sa Korte Suprema.
Matud pa ni Presidential Spokesperson Edwin Lacierda, masaligon sila nga madepensaan sa gobyerno ang mga merito sa RH Law.
“We will observe the SQA resolution issued by the Supreme Court and we are confident that government will be able to defend the merits of the Responsible Parenthood Law,” matud pa ni Lacierda.
Sugdan unta ang implementasyon sa RH Law sa umaabot nga Marso 31 o Domingo sa Pagkabanhaw human nahipno ang Implementing Rules and Regulations niini. (PIA-Bohol/ecb/i-sjp)
by aimee | Mar 20, 2013 | National News
TAGBILARAN CITY, Bohol, Mar. 20 (PIA)–Gitun-an pa sa Malakanyang ang pagkuha og serbisyo sa international law firm kalabot sa pag-angkon sa Sabah.
Matud pa ni Presidential Spokesperson Edwin Lacierda, una nang gitahasan silang Executive Secretary Paquito “Jojo” Ochoa Jr., Justice Sec. Leila De Lima ug Foreign Affairs Sec. Albert Del Rosario nga tutokan ang maong isyu.
Kun mahuman na ang pagsusi sa isyu sa tulo ka opisyal, desisyunan nila kun kinahanglan pang mokuha og serbisyo sa international law firm.
Gibutyag ni Lacierda nga dugay na sila nikuha og international lawyers alang sa gi-angkon sa Pilipinas sa West Philippine Sea o South China Sea.
Samtang dili uyon ang Malakanyang sa planong pagduol sa Association of Southeast Asian Nations (ASEAN) kalabot sa giingong pag-abuso sa mga Pinoy sa Sabah tungod kay giingong wala pa nahuman ang pagtuon niini sa Department of Social Welfare and Development (DSWD). (PIA-Bohol/ecb/i-gg)
2012 Infra spending, nisaka sa 58%
TAGBILARAN CITY, Bohol, Mar. 20 (PIA)–Gikumpirmar karon sa Department of Budget and Management (DBM) nga misaka sa 57.7 porsiyento ang infrastructure ug capital spending sa administrasyon.
Niadtong 2012, nakagasto ang gobyerno og taman P250.8 bilyon gikan sa kanhi expenditures nga P91.7 bilyon niadtong 2011.
Matud pa ni Budget and Management Sec. Florencio Abad, gipakita sa maong mga figures ang pagpursige sa administrasyon aron pondohan ang mga gikinahanglang imprastruktura nga angay suporta sa gitawag nga long-term growth strategy.
Sigun pa kang Abad, gilauman nilang mas modaghan pa ang mga mosulod nga investments sa nasud tungod sa maong pasilidad.
“Last year’s spending levels will buoy our growth strategy this year as we look forward to pouring more investments into infrastructure and capital outlay in 2013. The development of roads and bridges, for example—as well as ongoing initiatives to increase access to tourism hotspots and improve irrigation facilities—will help generate jobs and create thriving markets for local industries,” matud pa ni Abad.
Gawas sa infrastructure spending, kauban usab sa highlight sa paggastos niadtong 2012 ang gigahin sa Personnel Services (PS) nga tnisaka sa P42.2 bilyon o 8.4 ug Interest Payments (IP) nga naa sa P312.8 bilyon. (PIA-Bohol/ecb/ied)
by aimee | Mar 18, 2013 | National News
TAGBILARAN CITY, Bohol, Sept. 18 (PIA)–Gilagdaan na ni Presidente Benigno ‘Noynoy’ Aquino III isip balaod ang balaodnong nagbawal sa bullying sa mga elementary ug high school sa tibuok nasud.
Ang Republic Act 10627 o Anti-Bullying Act of 2013 gilagdaan sa Presidente niadtong Setyembre 12.
Ubos sa maong balaod, tanang mga tunghaan sa elementary ug high school gimanduan sa paghimo og polisiya aron masumpo ang bullying diin tanang mga ginikanan, mga magtutudlo ug guardians hatagan og kopya niini.
Nakabutang sa maong balaod ang pagbawal sa bisan unsang matang sa pag-bully sulod sa mga school-related functions ug bisan pinaagi sa internet.
Ang mapamatud-ang molapas niini pahamtangan sa tukmang silot samtang ang mosumbong sa nahitabong pagpang-bully magpabiling confidential.
Gisiguro usab sa balaod ang proteksyon aron dili manimalos ang nang-bully sa nisumbong ug sa biktima.
Matud pa sa balaod, ang bullying usa ka matang sa buhat sa usa o daghang estudyante batok sa isig ka estudyante pinaagi sa makadaot nga pagsulat, sakit nga polong o pagpangdaot gamit ang internet.
“Any severe or repeated use by one or more students of a written, verbal or electronic expression, or a physical act or gesture, or any combination thereof, directed at another student that has the effect of actually causing or placing the latter in reasonable fear of physical or emotional harm or damage to his property; creating hostile environment at school for the other student; infringing on the rights of the other student at school or materially and substantially disrupting the education process or the orderly operation of a school,” matud pa sa parte sa depinisyon sa balaod sa bullying. (PIA-Bohol/ecb)
by aimee | Mar 14, 2013 | National News
TAGBILARAN CITY, Bohol, Mar. 14 (PIA)–Gipadangat na sa Malakanyang ang ilang pagtimbaya sa pagkapili ni Pope Francis nga maoy magdala sa mga kabag-ohan sa Simbahang Katolika.
Sa usa ka official statement nga gipagawas ni Presidential Spokesperson Edwin Lacierda, nakalatid nga nakig-hiusa sa mga Katoliko sa tibuok kalibotan si Presidente Benigno ‘Noynoy’ Aquino III sa pagsugat sa bag-ong Santo Papa.
“The President, along with the Filipino people, joins all the Catholic faithful as they receive their new leader and meet his proclamation with a sense of boundless promise.”
Nanghinaut ang Malakanyang nga may mga kabag-ohan sa Simbahang Katolika ug matuman niini ang misyon ilabi na nga sa labing unang higayon napili ang usa ka Santo Papa nga gikan sa gawas sa Europa.
“As the first pope from outside Europe in a millennium-the first pope from the Society of Jesus, and the first from Latin America-the election of Pope Francis brings with it the promise of renewal in the Catholic Church, as it strives to fulfill its mission here on earth.”
Gi-ampo sa palasyo nga mahimong dalan ang pagkapili og bag-ong Santo Papa, dili lamang sa pagpakatap sa Ebanghelyo apan mahimo usab nga tingog alang sa kalinaw, hustisya ug mga buhat sa gugma ug kaluoy.
Si Cardinal Jorge Mario Bergoglio kun Pope Francis nga gikan sa Argentina napili human ang lima ka round nga botohan sa 115 cardinals nga apil sa conclave. (PIA-Bohol/ecb/i-gg)
DSWD, nipasidaan sa mga politiko nga gamiton ang CCT
TAGBILARAN CITY, Bohol, Mar. 14 (PIA)–Nanawagan ang Department of Social Welfare and Development (DSWD) sa publiko nga isumbong ang mga politikong gamiton ang Conditional Cash Transfer (CCT) program aron makakuha og boto sa eleksyon.
Matud pa ni Department of Social Welfare and Development (DSWD) Secretary Dinky Soliman, dili mahimong hulgaon sa mga pulitiko ang mga botante nga tangtangon sila sa talaan sa mga benepisyaryo sa CCT kun dili sila ibotar.
“Ang usapan namin sa Department of the Interior and Local Government (DILG), kung incumbent at nananakot na aalisin sila sa listahan, pwedeng mag-file ng administrative case against the incumbent for abuse of authority… Kung meron namang hindi incumbent na ginagawa po ‘yung pananakot o kaya pagsabi ng, ‘Isasama ko kayo sa Pantawid kung ako’y iboboto niyo,’ sa Comelec (Commission on Elections) naman po ang complaint.”
Gi-aghat ang publiko nga kun may nahibaw-an sila kalabot niini, mahimo nila kining i-text o itawag sa 0918-9122-813 pinaagi sa pagbutang sa pangalan sa nalambigit nga pulitiko, lugar ug petsa sa insidente. (PIA-Bohol/ecb/i-gg)
by aimee | Mar 14, 2013 | Headlines, National News
PRESIDENT Benigno S. Aquino III, along with the Filipino people, joined all the Catholic faithful in welcoming the new pope Jorge Mario Bergoglio of Argentina, and prayed that the holy pontiff will serve as a voice for peace, justice, and charity in a world threatened by tension and armed conflict, poverty, uncertainty, and loss of confidence in institutions.
Presidential Spokesperson Edwin Lacierda issued the statement on Thursday following the election of Bergoglio as the new leader of the Roman Catholic Church. The new pope has taken the name Francis and is the first non-European pontiff in nearly 1,300 years.
“The President, along with the Filipino people, joins all the Catholic faithful as they receive their new leader and meet his proclamation with a sense of boundless promise,”
“As the first pope from outside Europe in a millennium—the first pope from the Society of Jesus, and the first from Latin America—the election of Pope Francis brings with it the promise of renewal in the Catholic Church, as it strives to fulfill its mission here on earth,” Lacierda said.
The 76-year-old Pope Francis appeared on the central balcony of St. Peter’s Basilica just over an hour after white smoke poured from a chimney on the roof of the Sistine Chapel to signal that 115 cardinal electors had chosen him to lead the world’s 1.2 billion Roman Catholics.
“We hope and pray that this will inaugurate a pontificate that will bear witness not only to the basic tenets of the Gospel, but will also serve as a voice for peace, justice, and charity in a world threatened by tension and armed conflict, poverty, uncertainty, and loss of confidence in institutions,” Lacierda noted.
“This is not merely a time for all Catholics to come together. This is a call for unity across nations—across ethnicities—to work with the new Catholic leadership towards shaping a world in which each and every human being is allowed to live a life of peace, joy, and dignity. Our administration is eager to work with the new Catholic leadership to achieve that end,” he stressed.
In congratulating Pope Francis, Lacierda said: “May God continue to grant you strength and wisdom as you lead the Catholic Church into its next chapter.” (PCOO)
