by boholbalita | Jun 3, 2010 | Headlines
Nailhan na sa kapulisan ang drayber sa usa ka Mitsubishi Lancer nga nibangga sa usa ka motorsiklo nga dunay sakay nga tulo ka mga batan-on sa nasudnong dalan sa Barangay Alegria Sur, Loay, Bohol niadtong Sabado sa kaadlawon.
Si Inspector Ricardo Tero, hepe sa Loay Police Station niila sa suspetsado si Lyn Taguro, hamtong nga panuigon, usa ka dalaga ug nagpuyo sa Graham Avenue, dakbayan sa Tagbilaran.
Mautd ni Tero nga ang abogado sa maong suspek nga si Manlalaban Hermilo Butron niduaw sa ilang buhatan aron pag bayad sa piyansa sa iyang kliyente apan wala kini nahimo kay wala pa mapasaka ang sumbong didto sa piskalya.
Sa laing bahin, gibutyag ni Tero nga usa sa mga biktima nga nailhan nga si Mark John Detallan, 17- anyos, ulitawo, taga Barangay Tinago, Dauis, Bohol giputlan sa wala niining paa sud sa Gov. Celestino Gallares Hospital human naka angkon kini ug bali atol sa maong aksidente. Niingon si Tero nga nabilin pa ang ubang unod sa biktima sa kotse nga may plaka numero GCT-860 atol sa ilang pagrikober sa maong sakyanan didto sa compound Palo Beach Resort sa samang lungsod. Laing mga biktima nga sila si Dexter John Guirigay, 22-anyos ug John Emil Guirigay, 30-anyos, nagpuyo gihapon sa barangay Tinago nadala usab sa samang tambalanan.
by boholbalita | Jun 2, 2010 | Local News / Bohol Balita
Kanhi masa sa rebeldeng New People’s Army kun NPA ang usa ka sakop sa barangay tanod nga gipatay sa upat ka wala mailhing armadong lalaki didto sa Barangay Puting Bato, Buenavista, Bohol niadtong nakalabay nga adlaw.
Kini maoy gitug-an ni PO3 Emiliano Luga, imbestigador sa Buenavista Police Station dihang gihinabi sa Bohol Balita kagahapon.
Matud ni Luga nga dunay magsak-anan nga sakop sa NPA sa pinuy-anan sa biktima nga si Atenesio Manzo dihang aktibo pang naglihok and maong grupo.
Apan niingon si Luga nga wala pa nila mahibaw-i kun unsa gayud ang nagpaluyo sa pagpatay sa maong biktima gumikan kay padayon pa ang ilang gihimo nga imbestigasyon.
Sayo niini, si Manzo, 48-anyos,minyo, sakop sa barangay tanod sa maong dapit gipusil sa upat ka mga wala mailhing suspetsado samtang ang biktima padung na untang mopauli sa ilang balay mga alas 7 sa buntag niadtong Dominggo gikan naligo sa usa ka suba kuyog sa iyang pamilya.
Naigo ang biktima sa luyong bahin sa iyang ulo diin ang bala nilapos sa iyang agtang, wala ug tuo sa iyang abaga ug sa likod sa iyang lawas nga maoy hinungdan sa iyang kamatayon.
by boholbalita | Jun 1, 2010 | Headlines, Local News / Bohol Balita
Si Commission on Elections Commissioner Nicodemo Ferrer nagkanayong nga siya nagplano sa pagpasaka og kaso nga may kalabot sa kalapasan sa Anti-Graft law batok ni Commission on Human Rights Chair Leila de Lima tungod sa pagamit sa iyang posisyon aron pagpanghadlok sa ubang tao.
Kinit tungod sa imbestigasyon sa CHR tungod sa alegasyon sa dili ensaktong tratamentong batok sa duha ka whistleblowers sa niaging semana.
Matod pa ni Commissioner Ferrer, “If you use your office, your official function, to harrass persons, that’s a violation of the anti-graft law.”
Ang Comelec nidapit sa niaging semana ka Arwin Serrano usa ka miyembro sa Parish Pastoral Council for Responsible Voting ug Melchor Magdamo, kanhi election lawyer kinsa nag expose sa alegasyon sa irregularidad sa planong pagpamalit ug P700 milyones nga kantidad ug ballot secrecy folders gikan sa QTC Paper Supply nga nag kantidad ug P380 ang matag buok. Panahon sa tigum, usa ka sininggitay tali ang nahitabo ni Serrano ug ni Ferrer.
Matud pa, si Ferrer nitudlo ngadto kang Serrano ug nitawag niining bakakon. Si Ferrer usab nibawos pag alegar nga matod pa siya gipatiran sa lingkoranan nga iyang gipanghimaka. Siya ang nag ingon nga iyang plano nga mopasaka ug libel cases batok ni Serrano ug posibleng apil niini si de Lima.
Iyang gihagit si de Lima nga mopasakag kaso batok kaniya.
by boholbalita | May 21, 2010 | Local News / Bohol Balita
Mokabat ngadto sa napulo ka mga stalls sa Batuan Public Market ang nasunog gumikan lamang sa faulty electrical wiring niadtong nakalabay nga gabii. Nasayran sa taho nga nagsugod mga alas 11:55 sa gabii niadtong Martes didto sa usa ka Baguio Electrical Supplies nga gipanag-iyahan sa usa ka Dodong Baguio.
Si SPO2 Eduardo Ramara sa Batuan Police Station nibutyag nga dali ra ningkatap ang kalayo sa kasikbit nga mga stalls sa atubangan sa merkado nga naglinya padulong sa direksyon sa lungsod sa Bilar. Samtang ang direksyon sa lungsod sa Carmen wala malakip.
Matud ni Ramara nga ningkabat pa ngadto sa 20 ka minutos nga nakaabot ang firetruck gikan sa lungsod sa Carmen ug nisunod ang kabomberohan gikan sa Lungsod sa Balilihan, Loay, Trinidad, Ubay, Talibon, Valencia ug Dimiao.
Gibana banaang moabot ngadto sa P700mil ang inisyal nga danyos apan gilantaw kini nga modako pa kun matapos ang gihimo nga imbestigasyon. Dugang ni Ramara nga ilang gidudahan nga electrical short-circuit ang hinungdan sa maong sunog. (Andy Nalzaro with reports from Amado-Carmen correspondent)
by boholbalita | May 21, 2010 | Local News / Bohol Balita
Namatay ang usa ka drayber sa motorsiklo samtang grabeng naangol ang iyang backrider human aksidenteng nibangga ang ilang gisakyang motorsiklo sa usa ka van for hire didto sa national highway sa barangay Upper dela Paz, Cortes, Bohol niadtong nakalabay nga gabii.
Biktima nailhan nga si Gerald Rempis, hamtong ang panuigon kinsa gikatahong lumad sa kaulohan ug temporaryong nagpuyo sa Capitol Site, Dakbayan sa Tagbilaran.
Nakaangkon ang biktima ug grabeng samad sa ulo ug ubang parte sa kalawasan ug namatay human nadangat sa Gov. Celestino Gallares Memorial Hospital sa siyudad.
Samtang ang kauban sa biktima nailhan lamang nga usa ka Tata kinsa lumad sa dakbayan sa Sugbo gidala usab sa samang tambalanan ug anaa sa malisud nga kahimtang.
Nasayran sa taho nga samtang ang mga biktima sakay sa usa ka asul nga Yamaha STX nga motorsiklo na may plaka IJ 5310 nga gimanehuan ni Rempis nagdagan sa nasudnong dalan alas 7 sa gabii sa Dominggo dihang pag-abot sa nahisgutang dapit, ni overtake kini ug osa ka multicab ug nibangga sa usa ka GT Express Van for Hire Adian Topic Van nga may plaka GWM 873 nga gimanehuan ni Reynaldo Chavez, 49, taga – Lag-itan, Doljo, Panglao, Bohol.
Gumikan sa kakusog sa bangga, nangalagpot ug nabunal ang mga ulo sa biktima sa maong sakyanan ug nalabay sa kalsada.
Nahibaw-an sa mga imbestigador sa Cortes Police Station nga lango sa alak ang duha ka biktima ug walay gisul-ob nga crash helmet atol sa naasoy nga insidente. (Andy Nalzaro)
