by aimee | Feb 7, 2014 | Headlines, National News
MANILA, Feb. 7, 2014 (PIA)–Gikuha na gikan sa poder sa Admin, Records, Investigation Division ug uban pang staff offices sa Philippine National Police (PNP) ang pagkuha sa blotter.
Ang direktiba naggikan mismo kang PNP Chief Gen. Alan Purisima human sa kwestiyonableng paggunit sa kaso sa giingong attempted rape kang Denise Cornejo ug pagkulata sa aktor nga si Vhong Navarro sa Police Investigation Division sa Southern Police District.
Nakalatid sa direktiba nga sa mga presinto o operational units ug offices lamang ang mahimong modawat og mga reklamo.
May mga gihatag nga pahinomdom usab ang PNP sa mga magpa-blotter.
Una, dili mahimong balibaran ug kinahanglang dawaton sa mga pulis sa presinto ang reklamo sa usa ka indibidwal o grupo.
Ikaduha, may katungod ang nagreklamo nga isulti sa pulis ang tanang detalye sa panghitabo kun unsa, dis-a, kanus-a ug kun unsa ang hinungdan sa reklamo.
Ikatulo, kinahanglang may diha-dihang aksiyon ilabi na kun adunay panginahanglan nga dakpon ang usa ka gi-reklamo sama sa pagpangulata.
Ika-upat, kun ang usa ka suspek nadakpan tungod sa citizen’s arrest ug nakulatahan na kini, obligado ang otoridad nga ipa-medical exam kini.
Labaw sa tanan, kun magpa-blotter, giingong angay kini himuon sa pinakaduol nga presinto. (PIA7-Bohol/ECB)
by aimee | Feb 6, 2014 | Headlines, National News
Malacañang assured the public Thursday the government is taking steps to ensure continued power supply during the hot summer months, when demand for electricity is expected to go up.
Presidential Communications Operations Office Secretary Herminio “Sonny” Coloma Jr. said Energy Secretary Carlos Jericho Petilla had assured government is ready to run the Malaya thermal plant up to 70 days.
“Government is taking necessary steps to ensure continuity of power supply during the summer season. According to Secretary Petilla, the government is prepared to run the Malaya thermal power plant up to 70 days to boost supply during the summer months, when demand is expected to rise especially in Luzon,” Coloma said at a media briefing.
But he also said the Department of Energy has advised power plants to conduct preventive and regular maintenance of their facilities so they will operate during the months when demand for power peaks.
Demand for electricity is expected to rise during the hot summer months as households and establishments operate appliances to beat the heat. (PND)
by aimee | Feb 6, 2014 | Headlines, National News
MANILA, Feb. 6, 2014 (PIA)–Nipasidaan ang Philippine National Police (PNP) sa publiko batok sa mga gibaligya nga baratong broadband sa internet.
Matud pa sa PNP-Anti-Cybercrime Group, daku ang posibilidad nga mga na-hack na ang maong mga wireless broadband nga gibaligya online.
Giingong kun ikonektar kini sa computer, mahimong makuha ang mga mahinungdanong impormasyon sa naggamit sa maong computer.
Tambag sa PNP, magbinantayon gayud ug adto lamang mopalit sa mga otorisadong wireless broadband provider aron makalikay niining bag-ong cam. (PIA7-Bohol/ECB)
by aimee | Feb 6, 2014 | Headlines, National News
MANILA, Feb. 6, 2014 (PIA)–Sulod sa umaabot duha ka tuig, kinahanglan og dugang 4,000 ka bag-ong rekrut ang Philippine Navy, matud pa ni Flag-Officer-in-Command Vice Admiral Luis Alano kagahapon.
“Sa kasamtangan, angay unta nga adunay 100 ka rekrut alang sa Naval Officer Candidate Course (NOCC) ug 900 usab alang sa Basic Seaman Course (BSC). Sa 2015, angay ingon niini usab ang ma-rekrut nga gidaghanon sa mga mosunod nga tuig pa alang sa dugang nga kawani sa Philippine Navy,” matud pa ni Alano.
Giingong ang mga ka¬bataan nga gustong mo-alagad sa Navy mahimong mo-apply sa mga operational command sama sa Naval Forces Northern Luzon sa La Union, Naval Forces Southern Luzon sa Legaspi, Naval Forces Central sa Cebu, Naval Forces West sa Palawan, Naval Forces Eastern Mindanao sa Davao ug Naval Forces Western Mindanao sa Zamboanga.
Sa mga interesadong mo-apply sa Navy, kinahanglan lamang magdala sa ilang transcript of records, NSO (National Statistics Office) authenticated birth certificate, diploma, NBI (National Bureau of Investigation) clearance, ug 2×2 picture.
Kinahanglan Pinoy nga may edad 21-28, walay asawa, nakalampos og 4 ka tuig nga kurso sa kolehiyo, adunay gitas-on nga 5’0”, walay kaso sa korte o bisan asang buhatan sa gobyerno, adunay maayong panglawas, walay problema sa pangisip ug angay makapasar sa eksaminasyon. (PIA7-Bohol/ECB)
by aimee | Feb 4, 2014 | Headlines, National News
MANILA, Feb. 4, 2014 (PIA)–Nakumpleto na ang 66,813 nga kakulang sa lawak-tunghaan sa tibuok nasud human gitugyan kang Presidente Benigno ‘Noynoy’ Aquino III kagahapon ang bag-ong 16 ka lawak-tunghaan didto sa Carmona National High School sa Carmona Cavite sa pagtinabangay sa Department of Education (DepEd) ug Department of Public Works and Highways (DPWH).
Gipangunahan ni Presidente Aquino ang ceremonial turn-over sa mga lawak-tunghaan sa mga tinun-an sa Grade 7, 8 ug 9.
Matud pa ni Presidente Aquino, ang pagkumpleto sa kakulang sa mga lawak-tunghaan sa nasud nahimo tungod na usab sa pagtinabangay sa pribadong sektor ug gobyerno aron mahatagan og dalan ang pasalig sa administrasyong Aquino nga dekalidad nga edukasyon alang sa mga estudyante.
Giingong ang mga lawak-tunghaan gikan sa one story structure ngadto na sa multi-floor buildings nga gitukod gamit ang nasudnon ug lokal nga budget ug donasyon.
Matud pa nga 35,000 ka lawak-tunghaan ang naggikan sa nasudnong budget, 13,189 usab ang gikan sa pondo sa LGUs ug 14,886 ang gikan sa mga lokal nga donasyon ug 1,215 ang gikan sa foreign donations.
Kapin sa duha ka libo usab ang naggikan sa PPP for school infrastructure project.
Apan matud pa sa Presidente, dili dinhi matapos ang pasalig alang sa dekalidad nga edukasyon. Giingong padayong maningkamot ang gobyerno aron makab-ot ang hayag nga kaugmaon.
Mao nga human makumpleto ang kakulang sa lawak-tunghaan, textbooks ug mga lingkoranan, target na usab sa gobyerno nga tubagon ang 4,000 nga kakulang sa mga magtutudlo sa nasud.
Samtang gipasalig ni DepEd Secretary Armin Luistro nga magpatukod pa gihapon sila og mga bag-ong lawak-tunghaan isip pagpangandam na usab sa implementasyon sa senior high school nga Grades 11 ug 12 sa tuig 2016. (PIA7-Bohol/ECB)
by aimee | Feb 4, 2014 | Headlines
MANILA, Feb. 4, 2014 (PIA)–Aron makab-ot ang target nga P1.46 trilyon nga tax collection, gilusad kagahapon sa Bureau of Internal Revenue (BIR) ang ilang bag-ong kampanya pinaagi sa music video alang sa saktong pagbayad sa buhis.
Gamit ang bag-ong logo nga “Register, File and Pay” (RFP), tuyo sa ahensya nga makab-ot ang target tax collection pinaagi sa pagpagawas sa maong music video sa telebisyon ug sa online media.
“I Love Philippines, I pay my taxes right, its easy as Register, File and Pay”, ang bag-ong campaign logo sa BIR nga adunay kolor nga red, yellow ug blue nga nag-simbolo sa kolor sa bandila sa Pilipinas.
Matud pa ni BIR Commissioner Kim Henares nga sa paglusad sa 2014 national tax campaign, gilauman nila ang kooperasyon sa publiko ug sa mga regional offices sa ahensya alang sa unified campaign program.
Sa Abril 15 ang deadline sa pagsumiter sa income tax returns.
Kaabag sa BIR ang pipila ka pribadong sektor sa ilang kampanya. Giingong mahinungdanon ang pagbayad sa buhis ilabi na sa pagpalambo sa ekonomiya ug alang sa mga proyektong ipatuman sa gobyerno.
Giseguro ni Henares nga magpadayon ang implementasyon nila sa mga reform projects aron maka-kolekta og dugang buhis.
Gitumbok usab sa BIR ang kamahinungdanon sa public awareness program mao nga sa mga mosunod nga semana, makita na sa telebisyon ug bisan sa online media ang ilang campaign advertisement. (PIA7-Bohol/ECB)
