by aimee | Oct 24, 2013 | Headlines
SAGBAYAN, Bohol, Oct. 24 (PIA)–Giseguro karon ni Presidente Benigno ‘Noynoy’ Aquino III sa mga Bol-anon nga ang gobyerno adunay igong pondo alang sa relief operations sa mga biktima sa magnitude 7.2 linog nga niigo sa Bohol niadtong Oktubre 15.
Ang Presidente nanguna sa pagpanghatag og relief goods sa 800 ka pamilyang kasamtangang nagpuyo sa mga tolda atubangan sa nagubang munisipyo ning lungsod, Huwebes sa buntag.
Dinhi, gibutyag sa Presidente nga nahatagan na sa nasudnon ug lokal nga kagamhanan og 163,000 ka food packs ang 60,000 ka pamilyang apektado sa maong linog .
Matud pa usab sa Presidente, ang lokal nga kagamhanan sa Sagbayan nakahimo na sa ika-limang higayon sa pagpangapud-apod og tabang sa mga biktima.
Ang Department of Social Welfare and Development (DSWD) nakahatag na usab sa ika-tulong higayon og mga food packs sulod sa duha hangtud sa tulo ka adlaw.
Kini gawas pa sa tabang nga gihatag sa mga nagkalain-laing pribadong hugpong sama sa World Food Progamme, Shelter Box, Red Cross ug uban pang foundations.
Dugang pa sa Presidente, daghang apil sa pribadong sektor nga dili man matawag nga NGOs ang nitabang usab.
Nihangyo ang Presidente sa mga relief organizations ug sa mga lokal nga kagamhanan nga magtambayayong gayud aron makaabot sa mga nanginahanglan ang tabang.
Giingong gipaningkamotan sa gobyerno nga matarong ang mga nagubang mga imprastraktura apan madugay-dugay pa gayud kini.
Gipaspasan na usab karon sa Department of Public Works and Highways (DPWH) ang pag-ayo sa mga nangagubang dalan.
Matud pa sa Presidente, giseguro sa DPWH nga maayo na nila ang mga nagubang upat ka taytayan sa Nobyembre 20 o mas sayo pa.
Gawas sa munisipyo sa lungsod sa Sagbayan, gibisita usab sa Presidente ang simbahan sa San Agustin ug ang merkado.
Sa wala pa nibisita sa Sagbayan, gibisita usab niya ang munisipyo sa lungsod sa Tubigon, ang Simbahan sa San Isidro, ang merkado ug pantalan sa Tubigon aron makita ang kadaot nga gibilin sa linog sa maong lungsod. (ECB/PIA7-Bohol)
by aimee | Oct 21, 2013 | Headlines, Local News / Bohol Balita
TAGBILARAN CITY, Bohol, Oct. 20 (PIA)–Gitay-og na usab sa tulo ka aftershocks ang lalawigan sa Bohol.
Matud pa ni Philippine Institute of Volcanology and Seismology (Phivolcs) Dir. Renato Solidum sa usa ka radio interview, mas kusog kini kun itandi sa mga natala sa mga niaging adlaw.
Unang nasinati sa mga Bol-anon ang magnitude 5.4 mga alas 7:03, gisundan sa magnitude 4.9 mga alas 7:34 ug ang ikatulo ang magnitude 5.2 ganinang alas 9:12 sa buntag.
Sa pagkakaron, mikabat na sa 2,193 aftershocks ang natala sukad nitay-og ang linog niadtong Oktubre 15, 2013.
Kalabot niini, gipasabot usab ni Solidum ang kalabot sa nagkadaghang buho nga gisaypan isip sinkhole nga gimugna sa linog, samtang ang uban gikasaypan nga adunay mitubong bulkan.
Gitataw ni Solidum nga walay namugnang bulkan ang 7.2 magnitude nga linog apan giingong nangita lamang og maagian ang tubig human mabag-o ang porma sa mga bato.
Gihimakak usab sa Phivolcs ang mga nikatap nga balita pinaagi sa text ug sa social media kalabot sa giingong magnitude 8 nga linog nga motay-og na usab sa Bohol.
Matud pa, dili matagna ang linog ug ang mga nasinati karon, mga aftershocks lamang nga dili na mokusog pa sa 7.2 magnitude nga linog niadtong Oktubre 15. (PIA-Bohol/ecb)
by aimee | Oct 19, 2013 | Headlines, National News
TAGBILARAN CITY, Bohol, Oct. 19 (PIA)–President Benigno Aquino III in his recent visit to Bohol urged Boholanos to report immediately to authorities if they see and notice cracks on structures in their areas after the October 15 earthquake that shook not only the entire province but Central Visayas as well.
“Ipaalam agad ninyo sa inyong LGU at patingnan kung may duda kayo o kung may mapansin kayong cracks. Ituro ninyo sa ating mga imbestigador,” Aquino said during his speech and meeting with the local government and other agencies recently.
Aquino pointed out that it is necessary to report to the experts any cracks or any discrepancies on buildings and structures so the concerned government agency can attend to these problems.
The President instructed the Department of Public Work and Highways (DPWH) to coordinate with the Provincial Engineering Office to ensure that all structures and are checked and monitored because strong aftershocks are still felt in areas that the quake hit.
The latest Building Code is series 2010 that details the rules and guidelines in putting up buildings and other structures that will withstand a 7.2 magnitude earthquake, Aquino said.
He added that the old structures are the problem. (PIA-Bohol/ecb)
by aimee | Oct 19, 2013 | Headlines, Local News / Bohol Balita
TAGBILARAN CITY, Bohol, Oct. 18 (PIA)–Gikumpirmar karon ni Department of Interior and Local Government (DILG) Sec. Mar Roxas nga nabalik na sa normal ang halos tanang suplay sa koryente sa daghang lungsod sa Bohol nga grabeng naapektuhan sa magnitude 7.2 nga linog nga nitay-og sa lalawigan niadtong Oktubre 15.
Matud pa ni Roxas, tulo na lamang ka lungsod karon ang wala pa gihapo’y suplay sa kuryente nga naglangkob sa Maribojoc, Loon ug Sagbayan.
Dugang pa sa kalihim, ang police station ug munisipyo lamang sa lungsod sa Loon ang adunay suplay sa koryente karon.
Giingong gihimuan na kini og paagi sa Department of Energy (DoE) ug lokal nga electic cooperative dinhi nga mabalik na sa normal ang suplay sa koryente sa tibuok lalawigan.
Samtang gipahibalo ni Director Asteria Caberte sa Department of Trade and Industry (DTI) sa Rehiyon 7 nga susihon na sa DOE ang giingong over pricing sa pagbaligya og gasolina dinhi sa lalawigan sa Bohol nga grabeng naapektuhan sa linog.
Matud pa ni Caberte, dili apil sa price freeze ang gasolina ug wala may kakulang sa suplay dinhi sa lalawigan apan nadugay lamang ang pag-abot tungod sa mga nagubang dalan.
Una nang nipagawas og prize freeze ang DTI sa mga nag-unang panaliton sa Bohol ug Cebu apan wala naapil niini ang presyo sa gasolina.
Una niini, gireklamo sa pipila ka mga residente dinhi ang P100 matag litro nga presyo sa gasolina tungod kay nagdugang lamang kini sa kalisod sa mga motorista.
Gireklamo usab sa ubang tricycle driver dinhi ang giingong pag-limit sa pagbaligya og gasolina sa ubang gasoline station og usa ka litro lamang sa matag sakyanan nga magpagasolina. (ECB/PIA7-Bohol)
by aimee | Oct 18, 2013 | Headlines
TAGBILARAN CITY, Bohol, Oct. 18 (PIA) – Bohol governor Edgar Chatto issued a flash appeal to all that water, ready-to-eat meals, transportation are the immediate needs of Boholanos, especially in areas that sustained massive damages from the 7.2 earthquake.
“The source and supply of water in the province had already been affected,” the governor said.
This is in addition to the urgent call of people from the towns of Maribojoc, Loon and Loboc that needed water, food and other assistance, Chatto added.
The governor assured Boholanos that the local government is on top of the situation and that rescue teams are working continuously to open up routes, links to reach those towns and areas that are left isolated because of the earthquake.
Chato also said that aside from Loboc, Loon and Maribojoc other towns such as Antequera, Calape, Tubigon, Sagbayan, San Isidro, Clarin, Inabanga and others had been badly damaged by the quake.
These are the areas that need registered most casualties, the governor said.
Aside from relief operations, Chatto added, rescue and retrieval operations continue in Loon and Maribojoc because there are reports of people that are under the rubbles that are still alive and needed to be rescued.
Bohol local officials profusely thanked the Metro Manila Development Authority (MMDA) for its immediate response to assist in the province’s search, rescue and retrieval (SAR) operations. MMDA also brought K9 dogs for fast and easy SAR operations.
Presently, the Bohol Cultural Center in Tagbilaran City is being used as the receiving area for the collection of relief goods and other concerns.
According to Police officer 3 Carl John Legazpi, operations clerk of Bohol Provincial Office, as of October 17 deaths due to earthquake reached 145 while those injured registered at 374 and 22 missing. (PIA7-Bohol/ECBongosia)
by aimee | Oct 18, 2013 | Headlines
TAGBILARAN CITY, Bohol, Oct. 18 (PIA)–Gimanduan ni Presidente Benigno ‘Noynoy’ Aquino III ang iyang gabinete nga dili gayud talikdan ang mga Bol-anon niining labing kritikal nga panahon human sa 7.2 magnitude nga linog nga nitay-og sa lalawigan niadtong Oktubre 15.
Ang mando sa Presidente nga ‘walang iwanan’ gipadangat ni Department of Interior and Local Government (DILG) Sec. Mar Roxas atol sa iyang pagtambong sa senimanang programa nga “Kita Og Ang Gobernador” ganinang buntag didto sa People’s Mansion.
Gipadangat usab ni Roxas, ang mando sa Presidente nga magpadala og upat ka helicopter dinhi sa lalawigan sa Bohol aron magamit aron daling mapaabot ang mga tabang sa mga dapit nga dili pa masulod og sakyanan tungod sa mga guba nga dalan.
Si Roxas nagkanayon nga nia na usab sila karon dinhi sa Bohol aron suportahan ang kahago sa mga Bol-anon pinaagi sa Kagamhanang Probinsiyal, Kagamhanan sa syudad sa Tagbilaran ug mga local government units.
Gipangunahan ni Bohol Gob. Edgar Chatto, nitambong usab sa maong programa sila Sec. Dinky Soliman sa Department of Social Welfare and Development (DSWD) ug Executive Secretary Edwin Lacierda, kinsa midasig sa mga Bol-anon nga magpakapalig-on taliwala sa dakung kalamidad.
Nanawagan si Gob. Chatto nga hugtan pa sa mga lider ug katawhan sa tibuok lalawigan ang paghiusa ug pagtinabangany ilabi na sa mga nabiktima sa linog.
Masaligon ang gobernador nga mobalik pagbarug ang Bohol gikan sa pagkahugno bisan pa sa mga daghang pagsuway
Gipasalamatan ni Gob. Chatto ang administrasyong Aquino sa padayong pagtubag sa panawagan sa labing dinaliang ayuda ug tabang nga molanat pa og igong panahon sama sa pagpabarug sa mga nangahagsa nga imprastraktura.
Gibutyag ni Gob. Chatto nga mikabat na sa 160 ang patay, 186 ang naangol ug 20 ang gipangita pa sa lalawigan sa Bohol sa may 6:38 ning buntag. (PIA7-Bohol/ECB)
