by aimee | Apr 10, 2013 | Headlines
TAGBILARAN CITY, Bohol, April 10 (PIA)–Gipasidunggan ni Presidente Benigno “Noynoy” Aquino III ang mga beterano sa giyera pinaagi sa pagpadayag sa mga dugang benepisyo sa pagsaulog sa ika-71 nga anibersaryo sa Araw ng Kagitingan.
“Ngayong Araw ng Kagitingan, isang bansa muli tayong nagtitipon sa makasaysayang pook na ito upang magbaliktanaw at bigyang pugay ang kabayanihan ng mga beteranong Pilipino at Amerikano ng ikalawang digmaang pandaigdig,” pahayag ni PNoy.
Nagtuo ang Presidente nga dili igo ang mga paghalad lamang og bulak ug ang paghatag og magarbong selebrasyon isip pagdayeg sa mga beterano sa World War II.
Gawas sa padayon nga pagtutok sa Philippine Veterans Affairs Office (PVAO), apil sa dugang benepisyo alang sa mga beterano ang total administrative disability pensions diin gawas sa uban pang benepisyo, makadawat og P1,700 matag buwan ang beteranong may edad 70 anyos pasaka.
Nakatutok na usab sa pagpatuman sa Filipino Veterans Equity Compensation Law nga maoy nagsiguro sa pagdawat sa kompensasyon sa mga non-US citizen nga giingong mokabat sa $9,000 ug $15,000 alang sa US citizens.
Mikabat na sa $224-milyon ang nahatag nga kompensasyon sa 18,700 ka aplikasyong naaprubahan ubos niini.
Sa serbisyong medikal, giingong padayon ang serbisyo sa mga PVAO-accredited hospitals sa tibuok nasud.
Niadtong Enero, epektibo na usab ang P1,200 nga gikan sa kanhi P800 ang daily confinement package sa mga beterano.
Karong tuiga, giingong paningkamotan usab nga mabayran ang P300 bilyon nga utang sa gobyerno sa mga benepisyo sa mga beterano. (PIA-Bohol/ecb/i-gg)
by aimee | Apr 8, 2013 | Headlines, National News
TAGBILARAN CITY, Bohol, April 08 (PIA)–Gi-aghat sa Department of Labor and Employment (DOLE) ang mga ilegal ug dili dokumentadong overseas Filipino workers (OFWs) sa Saudi Arabia nga tarongon na ang ilang mga dokumento karong gihunong ang crackdown operations sa illegal migrants didto.
Matud pa ni DOLE Secretary Rosalinda Baldoz, maayong higayon ang gi-anunsyong tulo ka buwan nga lugway sa hari sa Saudi sa paggukod sa mga illegal workers aron tarungon sa mga Pinoy ang ilang mga papeles.
Gitambagan usab ni Baldoz ang mga overstaying na sa Saudi nga posibleng nagkaproblema na sa papeles nga lihukon na usab ang ilang mga dokumento.
Kini human sa pasidaan nga sikopon ug ipa-deport ang mga ilegal nga trabahante sa Saudi ubos sa Saudization program niini nga nagtinguhang dugangan ang gidaghanon sa Saudi nationals nga maapil sa workforce niini partikular sa pribadong sector.
Sa pagkakaron, 10-porsyento lamang sa workforce sa nasud ang Saudi nationals diin mogawas nga sa matag 10 ka Saudis nga nagtrabaho, siyam niini ang naa sa public sector.
Gipahayag ni Baldoz nga sa pagkakaron, dili pa siya sigurado sa eksaktong gidaghanon sa mga dili dokumentadong Pinoy sa Saudi ug giingong ang Department of Foreign Affairs (DFA) ang posibleng may gigunitang rekord niini. (PIA-Bohol/ecb/i-hd)
by aimee | Apr 6, 2013 | Headlines, National News
THE Department of Budget and Management (DBM) today announced that disbursements topped at P124.1 billion for February—14.3 percent higher than expenditure levels posted in the same period in 2012—exceeding the 11-percent year-on-year spending jump posted earlier in January.
The DBM also reported that cumulative disbursements for the first two months of the year amounted to P282 billion, P31.2 billion or 12.4 percent higher than the P250.8 billion posted in January to February 2012. This is the highest growth recorded since 2007.
Notable growth was also seen in infrastructure and capital outlay (CO) spending, which rose year-on-year by 40.8 percent to P32.3 billion as of end-February. Disbursements for Maintenance and Other Operating Expenditures (MOOE) also jumped by 40.5 percent to P47 billion for January to February, besting the P33.5 billion tracked in the same period last year.
“We expect to see further improvements in budget implementation, given the expenditure reforms we’ve advanced over the last two years. As we continue to fine-tune the budget process and make it even more efficient, we urge departments and agencies to optimize their allocations and ensure that these translate to the quick delivery of high-impact services to the public,” Budget and Management Secretary Florencio B. Abad said in a statement.
He added that the country’s recent investment grade rating from Fitch will help buoy the Aquino administration’s expenditure strategy, particularly for investments in infrastructure, agri-fishery industries, business process outsourcing, and other strong-performing sectors.
“The country’s strong fiscal performance will allow the Administration to devote more resources to programs and projects aligned with President Aquino’s Social Contract with the Filipino People. Meanwhile, it’s critical for us to sustain our spending performance, so that departments and agencies can continue implementing their projects, and ultimately, meet their set targets for the year,” Abad added. (DBM)
by aimee | Apr 4, 2013 | Headlines, Health and Medicine
TAGBILARAN CITY, Bohol, April 04 (PIA)–Walay angay ikabalaka ang publiko sa bag-ong bird flu virus nga H7N9 tungod kay wala pay dokumentadong kaso og human-to-human transmission.
Mao kini ang gipahayag ni Dr. Lyndon Lee Suy, hepe sa Emerging and Re-emerging diseases sa Department of Health (DOH).
Ning bag-o lang, makapatala og tulo ka kumpirmadong kaso sa maong sakit sa China diin duha niini ang unang namatay. Gawas pa sa bag-ong upat nga na-igo sa maong virus nga puro naa sa kritikal ang kondisyon.
“Ito pong H7N9 ay kakadiskubre lamang na virus sa China na sanhi ng pagkamatay ng ilang tao. As of now wala po tayong dapat ikabahala dito, although dapat naka-standby tayo anuman posibleng mangyari. Ang imbestigasyon po ay kasalukuyang isinasagawa sa China para malaamn po ang extent ng problema,” matud pa ni Suy.
Tungod niini, gipasalig sa DOH nga dili angay mag panic ang publiko kalabot sa maong bag-ong sakit tungod kay wala pay dokumentong kaso nga makatakod kini sa mga tawo.
Giingong gitino pa kun gikan ba kini sa langam, baboy o sa mga tawo. Dili pa usab klaro sa pagkakaron kun mutation ba o bag-ong matang sa mikrobyo ang maong virus. (PIA-Bohol/ecb/i-hd)
Overseas voting sa South Korea, dili apektado
TAGBILARAN CITY, Bohol, April 04 (PIA)–Giseguro sa Commission on Elections (Comelec) nga dili maapektuhan ang Overseas Absentee Voting (OAV) sa South Korea taliwala sa nagpabiling tensyon tungod sa gi-deklarang giyera sa North Korea.
Matud pa ni Comelec Chairman Sixto Brillantes, nakig-alayon man ang ilang gimugna nga Committee on Overseas Absentee Voting (COAV) sa mga opisyal sa Philippine Embassy to South Korea.
Base sa report sa buhatan ni Ambassador Luis Cruz, all set na ang kickoff sa OAV sa ilang lugar sa Abril 13 hangtud Mayo 13, 2013, ug wala man silay na-monitor nga mga problema.
Kalabot niini, nagpagawas na og abiso ang embahada alang sa mga Pinoy nga gustong mosalmot sa eleksiyon nga mahimong makita kun kinsa ang mga kuwalipikadong mo-botor, samtang ang mga wala kabotar sa niaging eleksiyon may higayon pang magpa-reactivate sa ilang record. (PIA-Bohol/ecb/i-gg)
by aimee | Apr 3, 2013 | Headlines
TAGBILARAN CITY, Bohol, April 04 (PIA)—Gipahinumdoman ni Bureau of Internal Revenue (BIR) Commissioner Kim Henares ang mga negosyante ug mga indibidwal kalabot sa pag-file og income tax returns (ITR) sa saktong oras.
Kini tungod kay nagkaduol naman ang gitakdang deadline sa filing nga sa Abril 15, 2013.
Gitataw ni Henares nga walay ihatag nga extension ang BIR sa gitakdang petsa sa filing sa ITR.
Ang dili maka-file sa tukmang oras magbayad og 25 percent nga surcharge ug 40 percent per annum nga interest.
Kinahanglang mo-file og ITR ang mga individual ug corporate tax payers. (PIA-Bohol/ecb/p-gg)
Retailers og mga produktong petrolyo, gipasidan-an sa BIR
TAGBILARAN CITY, Bohol, April 04 (PIA)–Gipasidan-an sa Bureau of Internal Revenue (BIR) ang retailers og mga pinayuhot o smuggled petroleum product.
Sa usa ka press conference sa Department of Justice (DOJ) karong adlawa, miingon si BIR Commissioner Kim Henares nga angay siguradohon sa mga retailer nga dili smuggled ang ilang mga gibaligyang produktong petrolyo.
Pasidaan pa ni Henares, kasagarang mga retailers og smuggled oil products ang mapiit sa bilangguan tungod kay maka-ikyas man ang mga smuggler.
Apan daling gi-klaro ni Henares nga wala kini nagpasabot nga makalingkawas na sa ilang paggukod ang mga smuggler og mga produktong petrolyo.
Gibanabanang bilyon ka pesos ang nawala sa tax collection sa gobyerno tungod sa smuggling og gasoline products.
Una nang nipahayag ang Department of Finance (DOF) nga hugtan pa sa gobyerno ang importasyon ilabi na sa puthaw ug mga produktong lana sa mga dungguanan o port areas sa nasud.
Gibutyag usab ni DOF Sec. Cesar Purisima nga magpatuman ang iyang buhatan og port accreditation system aron dili sayon makapasulod og mga produktong kasagarang gipayuhot. (PIA-Bohol/ecb/i-gg)
by aimee | Apr 3, 2013 | Headlines
TAGBILARAN CITY, Bohol, April 03 (PIA)–Gilusad sa Department of Environment and Natural Resources (DENR) ang programang “Basura-Free Election 2013” nga nagtinguha sa pag-aghat sa publiko nga dili maglabay bisan asa og mga campaign paraphernalia ug motabang sa paghinlo human sa eleksiyon.
Ang DENR nakighiusa sa Commission on Elections (Comelec) ug sa Department of the Interior and Local Government (DILG) aron mas mahimong epektibo ang maong kampanya nga may temang “Kalat Ko, Sisinupin Ko”.
Usa ka joint memorandum circular (JMC) ang gilagdaan kagahapon sa mga tinugyanan sa tulo ka ahensiya sa gobyerno aron masiguro nga ang mga lokal opisyal, political parties, party-list organizations, mga kandidato ug mga tig-suporta nila motamud sa probisyon sa Republic Act (RA) No. 9003, o ang Ecological Solid Waste Management Act of 2000 sa panahon sa pangampanya.
Ang RA 9003 naghatag og systematic, comprehensive ug ecological solid waste management system aron pagsiguro sa pag-protihir sa maayong panglawas sa publiko ug sa kalikopan pinaagi sa pagsagop og environmentally sound methods sama sa waste avoidance ug volume reduction.
Nilagda sa maong JMC sila DENR Undersecretary ug Chief of Staff lawyer Analiza Rebuelta-Teh, DENR Secretary Ramon J. P. Paje; DILG Assistant Secretary Rolando M. Acosta; ug Comelec Commisioner Lucenito N. Tagle.
Matud pa ni Comelec Commissioner Lucenito Tagle, panahon na aron mosanong ang pulitiko aron mahimong hinlo ang eleksiyon.
Samtang gipahinomdoman og balik ang mga kandidato nga gi-dili ang pagbutang og mga campaign materials sa mga ponuan sa kahoy. (PIA-Bohol/ecb/i-gg)
