by aimee | Aug 6, 2012 | Headlines, National News
TAGBILARAN CITY, Bohol, Aug. 06 (PIA)–Modawat na karon og mga aplikante ang Philippine Overseas Employment Administration (POEA) alang sa recruitment sa ika-limang batch sa mga nars ug caregiver para sa Japan.
Matud pa ni POEA Administrator Hans Cacdac, target nilang makakuha og 130 ka kwalipikadong aplikante nga ipaubos una sa pre-employment orientation sa ahensya sa dili pa ipa-ubos sa interview sa mga hiring officer sa Japan International Corporation of Welfare Services (JICWELS) ug mga tinugyanan sa ilang health institution sa Japan nga nangita og mga nars ug care workers.
Adunay unom ka buwang preparatory Japanese language training nga abagahon sa Japanese government ang ipahigayon sa Technical Education and Skills Development Authority (TESDA) sa mga mopasar ug dugang unom ka buwang languange training nga ipahigayon usab sa Japan.
Ang mga kwalipikadong aplikante nga may pangedaron 20 hangtud 35 kinahanglang magparehistro online sa www.eregister.poea.gov.ph ug personal nga isumite ang mga dokumento sa Manpower Registry Division sa POEA sa mismong buhatan niini sa EDSA-Ortigas hangtud Agosto17, 2012.
Sa naunang upat ka batch, mokabat na sa 237 nurses ug 433 caregivers ang nagtrabaho na sa nagkalain-laing health institutions sa Japan. (PIA-Bohol/ecb)
PWDs, gi-aghat sa Comelec sa pagparehistro sa Agosto 11
TAGBILARAN CITY, Bohol, Aug. 06 (PIA)–Gi-aghat sa Commission on Elections (Comelec) ang mga adunay kakulian sa panglawas o persons with disabilities (PWD) nga pahimoslan ang special registration nga gitakda sa ahensya sa Agosto 11, Sabado.
Matud pa sa tigpamaba sa Comelec nga si Atty. James Jimenez, hatagan og prayoridad sa maong petsa ang mga PWD ug makadawat sila sa gikinahanglang tabang gikan sa poll agency.
Kadtong mga dili makahimo sa Agosto 11, mahimo pang magparehistro sa Comelec ug makadawat ra gihapon sa gikinahanglang nilang assistance.
Gitataw ni Jimenez nga dili lang kining maong adlaw ang gitakda nga mahatagan gayud ang mga PWDs sa gikinahanglan nilang assistance apan usa ra kini ka espesyal nga adlaw diin mahatagan gayud sila sa gikinahanglang tabang ug mahatagan og prayoridad. Apan sa regular day, naa gihapon motabang nila sa ilang pagparehistro.
Giingong kinahanglan lang sa mga PWD nga magdala og valid ID ug ilang mahimong assistor sa mismong adlaw sa eleksyon. (PIA-Bohol/ecb)
by aimee | Aug 2, 2012 | Headlines, National News
PRESIDENTS in the far flung regions of the Philippines will soon join the ranks of those enjoying the benefits of having electricity in their homes after President Bengino S. Aquino III assured that 6,007 more sitios in the remotest barangays of the country would be provided with electricity by the end of 2012.
The President gave the assurance in his speech keynoting the 33rd Annual General Membership Meeting of the Philippine Rural Electric Cooperatives Association, Inc. (PHILRECA) held at the Philippine Trade Training Center in Pasay City on Thursday.
He said that after two years in office, his administration, with the help of the Department of Energy, National Electrification Administration and stakeholders like PHILRECA, have been slowly but surely bringing the benefits of electrification to more and more Filipinos.
He added that from October 2011 up to July of this year, 2,400 sitios (a territorial enclave that forms part of a barangay, the location of which may be distant from the center of the barangay itself) have already been electrified.
The President pointed out that this feat was made possible through good governance and the will of the Filipino people.
The President acknowledged that while there are more needs to be done in order to bring the benefits of electricity to all, with the help of the energy sector, its stakeholders and the Filipino people, this gargantuan task can be done. (PCOO)
by aimee | Aug 2, 2012 | Headlines, National News
TAGBILARAN CITY, Bohol, Aug. 02 (PIA)–Giseguro ni Presidente Benigno “Noynoy” Aquino III nga mapasug-an na ang tibuok 36,000 ka sitio sa nasud nga walay kuryente sa dili pa matapos ang iyang termino sa 2016.
Sa pagtambong niya sa ika-33 nga Annual Assembly sa Philippine Rural Electric Cooperatives Association, Inc. (PHILRECA) sa Philippine Trade Training Center sa syudad sa Pasay, gipasigarbo ni PNoy nga sulod sa iyang duha ka tuig nga pangatungdanan, napasug-an na niya ang 2,400 ka sitio sa tibuok nasud.
Giingong target niyang mapasug-an ang 6,700 ka sitio sa dili pa matapos ang 2012.
Sa iyang pahayag, gipasalamatan sa Presidente si Energy Secretary Rene Almendras ug ang mga electric cooperative sa mga lakang niini aron mapahatud ang kuryente sa pinakasuok nga dapit sa nasud.
Naglaum usab ang Presidente nga mapalabang na ang National Electrification Administration Reform Bill nga nagtinguhang hingusgan pa ang National Electrification Administration (NEA) charter ug malikayan ang pulitika sa mga electric cooperative. (PIA-Bohol/ecb)
Interest rate sa calamity loan, gikunhoran sa Pag-ibig
TAGBILARAN CITY, Bohol, Aug. 02 (PIA)–Gikunhoran sa Pag-IBIG Fund ang interest rate sa calamity loans sa mga miyembro niini aron matabangan ang mga pamilyang naapektuhan sa bagyo ug uban pang kalamidad.
Matud pa ni Vice President Jejomar Binay, gikunhoran sa 5.95% na lamang ang interes sa calamity loan sa Pag-IBIG gikan sa kanhi 10.75%.
“We intend to help ease the burdens of our kababayans living in typhoon-prone areas and those hit by other natural calamities,” pahayag ni Binay, chairman of the board sa Pag-IBIG.
Gawas pa niini, nagtanyag usab ang Pag-IBIG og tulo ka buwang moratorium sa pagbayad sa housing loan payments alang sa mga miyembrong apektado sa kalamidad. (PIA-Bohol/ecb)
by aimee | Jul 25, 2012 | Headlines, National News
TAGBILARAN CITY, Bohol, July 25 (PIA)–Dili babagan ni Presidente Benigno “Noynoy” Aquino III ang Kongreso sa tinguha niining amyendahan ang Konstitusyon.
Matud pa ni Deputy presidential spokesperson Abigail Valte, buwag nga sangay sa gobyerno ang Kongreso mao nga dili kini mahimong babagan sa Presidente.
“Independent po ‘yan. They can move as they will,” ingon ni Valte.
Gipasabot og balik sa Palasyo nga andam ang Presidente nga paminawon silang Senate President Juan Ponce Enrile ug House Speaker Sonny Belmonte sa giduso niining mabag-o ang posisyon niini batok sa pag-amyenda sa Batakang Balaod.
Gitataw usab ni Valte nga dili na kinahanglang sertipikahan isip urgent ang ilang balaodnon sama sa Reproductive Health (RH) Bill, Armed Forces of the Philippines (AFP) Modernization Bill, Sin Tax Bill ug Anti-Money Laundering Act (AMLA) tungod kay una na kining gihimong priority measure human ang Legislative, Executive Development Advisory Council (LEDAC) meeting ning bag-o lang.
Giingong wala usab gipugos sa Presidente ang Kongreso nga ipasar ang RH Bill ug gentle reminder lamang ang giingon niini sa mga magbabalaod.
Dugang pa ni Valte, wala gi-balewala sa administrasyon ang Freedom of Information Bill (FOI) tungod kay mismong bersyon sa Palasyo ang gikuha sa Kongreso ug gipaabot nga mapalabang na kini sa committee level sa Kamara sa sunod buwan. (PIA-Bohol/ecb)
Nag-unang pantalan sa nasud, pagapondohan sa DOTC
TAGBILARAN CITY, Bohol, July 25 (PIA)–Pagapondohan sa Department of Transportation and Communications (DOTC) og halos P600 milyon ang mga rehibilitasyon sa mga nag-unang pantalan sa nasud.
Matud pa ni DOTC Secretary Mar Roxas, pangunahan sa Philippine Ports Authority (PPA) ang proyektong nagkantidad og P556 milyon.
Apil sa mga pantalan nga ipaubos sa rehabilitasyon ang Iloilo Commercial Port Complex, Albay Tabaco Port , Ormoc Port sa Leyte, Dumaguete Port sa Iloilo, Lucena City Port, Dumangas Port ug Pio Duran Port sa Albay.
Dugang pa sa kalihim, tinguha usab sa maong proyekto nga mapanindot pa ang serbisyo tungod sa pagdaghan sa mga pasahero ug kargamentong ipagawas ug ikanaug sa mga nag-unang pantalan sa nasud. (PIA-Bohol/ecb)
Plano sa China sa pagtukod og military post sa Spratlys, gi-protesta sa PH
TAGBILARAN CITY, Bohol, July 25 (PIA)–Gipatawag sa Department of Foreign Affairs (DFA) si Chinese Ambassador Ma Keqing aron ipaabot ang bag-ong reklamo sa Pilipinas batok sa desisyon sa China nga magtukod og garrison o military post sa Spratlys.
Gi-anunsyo sa defense ministry sa China ang planong operasyon sa ilang tropa sa Woody Reef.
Una nang niduso og reklamo ang Pilipinas sa pagtukod sa China og Sansha City sa gi-ilogang Spratly Islands nga nabalita na niining semanaha nga adunay kaugalingong mayor ug mga lokal nga opisyal na.
Bisan pa niini, miingon ang tigpamaba sa DFA nga si Raul Hernandez nga ipabilin sa gobyerno ang diplomatikong paagi aron magbaton og malinawon nga resolusyon sa isyu.
Kining duha ka bulag nga protesta ang ika-13 ug ika-14 na nga diplomatic protest nga gisang-at sa China sukad miulbo ang tensyon sa Spratlys sa milabay nga buwan sa Abril. (PIA-Bohol/ecb)
Rojas, bag-ong NBI director
TAGBILARAN CITY, Bohol, July 25 (PIA)–Gitudlo na ni Presidente Benigno “Noynoy” Aquino III isip permanenteng National Bureau of Investigation (NBI) director si officer in charge Nonnatus Caesar Rojas.
Si Rojas ang napili sa Presidente isip NBI chief gikan sa 6 ka pangalan nga naa sa listahang giduso ni Justice Sec. Leila de Lima.
Epektibo ang permanent appointment ni Rojas isip NBI director sugod niadtong Hulyo 20, matud pa sa gilagdaang appointment niini ni Presidente Aquino.
Unom ka buwan usa ni desisyon si Aquino nga itudlo si Rojas nga unang gibutang isip OIC.
Sa wala pa gibutang sa NBI, acting director si Rojas nga nagsilbi kining state prosecutor sa Region 1.
Gihulipan niini ang gipalagpot nga NBI director nga si Magtanggol Gatdula nga gi-akusahan og kidnapping ug extortion sa usa ka Japanese national.
Apil sa mga gipilian ni PNoy sa posisyon silang CIDG director Samuel Pagdilao ug kanhi PNP chief Raul Bacalzo. (PIA-Bohol/ecb)
by aimee | Jul 24, 2012 | Headlines, Health and Medicine
TAGBILARAN CITY, Bohol, July 24 (PIA)–Nanawagan ang Department of Health (DOH) sa mga persons with disabilities (PWD) nga magpa-rehistro sa ilang mga lungsod aron makakuha sa mga diskwento sa mga paliton nga tambal ug uban pang medical services.
Matud pa ni DOH Center for Health Development – National Capital Region (NCR) Director Eduardo Janairo, mahimong magpalista ang mga PWD sa Persons with Disabilities Affairs Office (PDAO) sa ilang mga lungsod o munisipalidad aron mahatagan sila og mga gikinahanglang dokumento nga magamit sa pagkuha og diskwento.
Gibutyag ni Janairo nga makakuha og taman 20% nga diskwento sa tambal ug serbisyong medikal ang mga magparehistrong PWD.
Sa Kapihan sa PIA niadtong Hulyo 12 agig pagsaulog sa National Disability Prevention and Rehabilitation Week gikan Hulyo 17-23, ang presidente sa Bohol Federation of Disabled Persons Incorporated (BFDPI) nga si Mateo Quilas, miaghat na sa mga nahikawan sa abilidad sa pagpasakop sa mga kapunongan sa mga disabled sa ilang mga lungsod.
Kini, matud pa aron maatiman ug kahatagag igo nga suporta aron kapahimuslan sa katilingban.
Segun sa butyag ni Quilas, ang BFDPI nagtanyag og mga pamaagi aron ang sakop makapailawom sa mga bansay alang sa kapanginabuhian. (PIA-Bohol/ecb)
Wala nay bayad ang helmet ICC stickers
TAGBILARAN CITY, Bohol, July 24 (PIA)–Ang mga protesta sa mga tigpanakayan og motorsiklo nakapugos sa Department of Trade and Industry (DTI) sa pagtangtang sa koleksyon sa bayad alang sa processing ug sticker alang sa accreditation sa motorcycle helmets.
Si DTI Regional Director for Central Visayas Asteria Caberte sa pakighinabi sa radyo nipahibalo nga dili na mobayad ang mga tigpanakayan og motorsiko sa gitakdang P100 nga processing fee ug P1.25 nga sticker fee sa ilang buhatan sa pagbalik ug isyo sa International Commodity Clearance (ICC) ug Product Standard (PS) stickers karong adlawa, Hulyo 24 (Martes).
Kadtong mga nakabayad na sa ilang processing ug sticker fee sa buhatan sa DTI sa pagkuha sa ilang ICC/PS stickers, mahimong mokuha sa ilang refund nga P101.25 sa maong buhatan.
Kining maong kalambuan niabot human nipalanog ang mga tigpanakayan og motorsiklo sa DTI sa ilang reklamo sa bayronon nga P101.25 nga processing ug sticker fees.
Ang DTI-Bohol modawat pa sa mga helmet alang sa inspection ug accreditation hangtud Disyembre 31, 2012. (PIA-Bohol/ecb)
by aimee | Jul 24, 2012 | Headlines, National News
OLD-AGE and disability pensioners have something to look forward to next year as President Benigno S. Aquino III has pegged their retirement benefits at P5,000 a month.
The President said in his third State of the Nation Address before the Joint Session of the 15th Congress at the Batasang Pambansa in Quezon City on Monday that this was the State’s way of saying thank you for the long years of dedicated service of government retirees.
“From the womb, to school, to work, change has touched the Filipinos. And should a life of government service be chosen, our people can expect the same level of care from the state, until retirement,” the President said.
“Our administration will recognize their contributions to our society as public servants, and will not withhold from them the pensions they themselves contributed to,” he added.
The President said he was shocked to discover that some retirees receive less than P500 a month in pension benefits, barely enough to cover the daily expenses of water, power and food.
“Our response — when the New Year comes our resolution would be that all old-age and disability pensioners will receive no less than five thousand pesos monthly,” the President said.
He added the prudent government spending together with fiscal reforms have allowed the government to use sources to fund priority programs such as the retirement benefits.
“We are heartened that we can meet their needs now, without jeopardizing their future benefits,” the President said. (PCOO)
