by admin | Jul 20, 2016 | Headlines, Major Events, National News
MANILA, July 20 (PIA)–Gitahasan na ni Presidente Rodrigo Duterte ang Bureau of Internal Revenue (BIR) ug Bureau of Customs (BoC) nga unahon og gukod ang mga dato o oligarkong naglikay ug wala nagbayad og buhis.
Matud pa mismo sa Presidente, sila ang mga nagpahimos sa mga prebilihiyong gihatag kanila sa mga korap nga kawani ug opisyal sa gobyerno.
Gusto ni Duterte nga tangtangon ang tax exemptions sa pipila ka mga negosyante partikular na sa mga mahilig magpalusot sa ilang mga kargamentong mosulod ug mogawas sa nasod.
Kini base sa nadawat nga kasayoran sa Presidente nga P300 milyon matag adlaw ang alkansi sa gobyerno sa mga mosulod nga kargamento tungod sa pagpakigkunsabo sa pipila ka korap nga opisyal sa mga pantalan.
Gipasabot ni Duterte nga mapondohan ang panginahanglan sa katawhan sa mga nag-unang serbisyo kun maayo lamang ang pangolekta sa buhis. (ecb/PIA7-Bohol)
by admin | Jul 20, 2016 | Headlines, Local News / Bohol Balita, Major Events
TAGBILARAN CITY, July 20 (PIA)–Isaulog sa lalawigan sa Bohol ang ika-162 nga Foundation Day niini karong Hulyo 22, Biyernes.
Ubos sa Republic Act No. 7683, matag 22 sa Hulyo, gi-deklarar nga non-working special public holiday sa tibuok lalawigan sa Bohol, apil na ang syudad sa Tagbilaran agi og pagsaulog sa Bohol Day.
Nagdala sa tema nga “A Celebration of Bohol Cultural Identity and Creative Talent,” ang kasaulogan pagabuksan pinaagi sa Misa Pasalamt sa may alas 7:15 sa buntag sa St. Joseph Cathedral ning dakbayan.
Isunod dayon ang usa ka commemorative program nga ipahigayon sa Bohol Cultural Center.
Pinasidunggang dinapit sa maong kasaulogan si Atty. Julito Vitorillo, ang Executive Director sa Commission on Higher Education (CHED).
Sa maong adlaw usab ilusad ang Tigum-Bol-anon Tibuok Pilipinas (TBTP).
Gitakdang pasidunggan sa lalawigan sa Bohol sa pagpanguna ni Gob. Edgar Chatto ang 5 ka mga outstanding outstanding Bol-anon atol sa maong selebrasyon.
Gitawag nga Governor’s Award, kining espesyal nga pasidunggog ihatag sa mga Bol-anon nga nakakulit na sa ilang pangalan sa nagkalain-laing natad sa ilang paninguha.
Apil sa hatagan sa Governor’s Award mao si Engr. Arnold Labunog, Dr. Wilson Du ug Engr. Fortunato Lim sa natad sa Business.
Samtang si Rainerio Balbin pasidunggan sa natad sa Musika ug si Paul Jumamil sa natad sa Sports. (ecb/PIA7-Bohol)
by admin | Jul 18, 2016 | Headlines, Major Events, National News
MANILA, July 18 (PIA)–Bawal na karon ang pagsuroy-suroy, taas nga lunch break ug siesta sa tanang buhatan sa gobyerno, matud pa ni Presidente Rodrigo Duterte.
Sa iyang pahayag nga gipagawas sa Malakanyang, miingon si Duterte nga bayad na ang unang walo ka oras sa mga empleyado sa gobyerno mao nga wala sila’y katungod nga dili kini hutdon sa trabaho.
“Bayad tayo. So pag inindian mo ang tao, wala sa opisina mo…after lunch break nasa mga mall, nagpapasyal-pasyal, pag nangyari yan uli, dismissed ka”, matud pa sa Presidente.
Matud pa nga angay huna-hunaon kanunay sa mga nasudnon ug lokal nga kawani ug opisyal sa gobyerno nga gibayran sila sa katawhan aron motrabaho og walo ka oras.
Gawas sa pagkatangtang sa puwesto, giinong mahimong pasakaan og kaso ang mga kawani ug opisyal nga hilig muole og sayo o dili tiwason ang oras sa trabaho.
Giingong makonsiderar nga estafa o swindling ang ingon niining buhat nga nahisulod sa Article 8 sa Revised Penal Code.
Gimanduan na sa Presidente si Civil Service Commission (CSC) Chairperson Alicia Dela Rosa Bala nga tun-an og maayo ang polisiya sa gobyerno kalabot sa lunch break ug uban pang isyu nga may kalabotan sa oras sa trabaho sa mga kawani ug opisyal sa gobyerno. (ecb/PIA7-Bohol)
by admin | Jul 16, 2016 | Headlines, Local News / Bohol Balita, Major Events
TAGBILARAN CITY, July 16 (PIA)–On his first official meeting with Bohol mayors, Governor Edgar Chatto rallies everyone to be inspired even as he stresses for unity for Bohol and its entire development.
At the Provincial Government Development Framework Consultation held at the Bohol Tropics Resort last week, Chatto who has just touched grown immediately after getting a fresh mandate, intends to orient mayors of the development direction Bohol is taking, in a bid to engage local governments to dovetail their respective development frameworks into the province’s agenda.
“During this first meeting at the start of a new term, I thought it would be best to gather, to look into the development plans so everyone dovetails to it,” Chatto said.
Although the governor still waves the HEAT IT Bohol as his development guide, a recent participatory strategic planning with Bohol’s Management Executive Board along with Bohol representatives and the University of the Philippines Advisory Council has enhanced the development guide.
Now enhanced, HEAT IT Bohol picks infrastructure, social services, peace and order, interconnectivity, reforms, economic environment and disaster and risk reduction, explains Planning and Development Officer Atty. John Titus Vistal.
HEAT IT Bohol means Health, Education and Environment, Agriculture, Tourism and Information Technology as the primary sectors that could jumpstart Bohol’s sustainable development.
In the last 6 years, Bohol has continued in its surge even with the earthquake recovery it has to do.
He said he has seen the development, but has to ask where the development gains has gone?
Gunning for a better equitable distribution of wealth and resources, Chatto intimated what he thinks: equitable distribution is essentially what inclusive growth is.
“We could not have reached this far without you helping and supporting us in the last 6 years, but now, we know we are in for new challenges with the mew leadership to account for new goals,” he said.
“And wanting to start it right with everyone stepping on the right feet,” Chatto added, “we deem it is just natural proper and appropriate before we go first base,” at the consultation.
The move was just right, this came right before the local government executives put up their own executive and legislative agenda (ELA), Department of Interior and Local Government Provincial Director Ma Loisella Lucino pointed out.
The DILG is also set to capacitate newly elected officials of their responsibilities within the first 100 days of their terms, and that would also be perfect of the orientation of the development framework, a municipal local government operations officer added.
“It is important that we share the same vision, to steer towards development and row the boat together,” Chatto aired.
Picking on the ongoing reforms which the President Rodrigo Duterte has implemented, Chatto admits he has felt the impacts, especially in the fight against drug abuse and in peace and order.
Beyond this, and looking at Bohol, he said he hopes to see in his last term equitable distribution of wealth just as Vice Governor Dionisio Balite picks up Chatto’s call stressing that whatever is the province’s plans, municipal governments and even national agencies can help enhance this by dovetailing in each other’s programs and projects. (rac/PIA-7/Bohol)
by admin | Jul 15, 2016 | Headlines, Local News / Bohol Balita, Major Events
TAGBILARAN CITY, July 15 (PIA)–Mahimo nang magparehistro sugod karong adlawa ang mga mobotar alang sa Sangguniang Kabataan (SK) ug barangay eleksyon.
Molanat ang pagparehistro hangtud sa Hulyo 30, adlaw nga Sabado.
Alang sa mga magparehistro sa SK, apil sa mga requirement mao nga kinahanglang Filipino citizen, may edad 15 taman 30 anyos ug residente sa barangay diin didto siya mobotar nga dili moubos sa unom ka buwan sa Oktubre 31 ning kasamtangang tuig.
Samtang alang sa magparehistro sa barangay eleksyon, kinahanglang Filipino citizen, 18-anyos sa adlaw sa eleksyon, residente sa Pilipinas sulod sa usa ka tuig ug residente sa barangay diin siya planong mobotar nga dili moubos sa unom ka buwan sa adlaw sa piniliay.
Gi-awhag sa Commission on Elections (Comelec) ang mga botante ilabi na kadtong wala pa naka-parehistro sa niaging nasodnong piniliay nga pahimoslan kining higayon aron makapatala sa voters’ list. (ecb/PIA7-Bohol)
by admin | Jul 15, 2016 | Headlines, Major Events, National News
MANILA, July 15 (PIA)–Planong ipatuman sa Department of Budget and Management (DBM) ang non-stop o 24-oras construction sa mga urban projects.
Mao kini ang gipahayag ni DBM Kalihim Benjamin Diokno human usab sa gilatag nga mga programa sa administrasyon ni Presidente Rodrigo Duterte.
Matud pa ni Diokno, base sa pagtuon sa Japan International Cooperation Agency (JICA), mokabat sa P2.4 bilyon ang nawala sa ekonomiya sa nasod matag adlaw tungod sa trapiko.
Apil sa kinaingnan sa huot nga dagan sa trapiko mao ang mga gipang-ayo nga kalsada ug mga bilding nga gitukod duol sa mga kadalanan.
Dugang pa ni Diokno, kini ang hinungdan mao nga kinahanglang dalion ang mga programa sa gobyerno sa kaulohan ug sa uban pang dapit sa nasod.
Sa proposed 2017 national budget, kapin sa 5 porsiyento sa gross domestic product (GDP) ang gigahin sa imprastruktura nga gilauman nga magpasipa sa ekonomiya. (ecb/PIA7-Bohol)
