by admin | Apr 17, 2015 | Headlines, National News
MANILA, April 16 (PIA)–Gihagit ni Presidente Benigno ‘Noynoy’ Aquino III ang tanang lider sa lokal nga kagamhanan nga himuong permanente ang maayong bunga sa reporma tungod sa tul-id nga sistema sa pagdumala sa nasud.
Matud pa ni PNoy, dungan sa pagpalapad sa mga institusyon sa gobyerno, ang mga lokal liders ang pultahan sa nasudnong liderato aron ipahatud ang gikinahanglang tabang sa katawhan.
Mao kini ang hagit sa Presidente atubangan sa kapin sa usa ka libong mayor ug uban pang lokal nga lider sa gipahigayong League of Municipalities of the Philippines (LMP).
Gitumbok ni PNoy nga tungod sa maayong pagdumala, midaku og halos doble ang internal revenue allotment o IRA sa LGUs tungod sa epektibong koleksiyon sa buhis sulod sa lima ka tuig.
Tungod niini, gi-aghat sa Presidente ang LGUs nga ipatuman ang panaghiusa sa pagkab-ot sa kauswagan nga naka-base sa integridad ug kumpiyansa.
Giingong dili angay masayang ang gitarong nga sistema alang sa nasudnong kaayohan.
Pagsiguro pa ni PNoy, wala naka-base sa politika ang pagpatuman sa mga mahinungdanong programa sa gobyerno.
Gitumbok usab niya ang mga tulay ug imprastraktura nga natapos lamang ubos sa iyang pagdumala human sa duha hangtud tulo ka dekada.
Apil na niini ang proyekto sa Iloilo, Alluling ug Lullutan Bridge sa Ilocos ug Isabela Provinces.
Giseguro usab ni PNoy ang tabang sa LGUs taliwala sa pagsulbad sa mga nasudnong problema apil na ang kalabot sa benepisyo sa mga unipormado.
Nagdala sa tema nga “Empowerment of LGUs towards all inclusive growth”, gipadangat usab sa pangulo sa LMP nga si Mayor Leonardo Sandy Javier ang padayong suporta sa gidusong mga programa sa administrasyong Aquino. (ecb/PIA7-Bohol)
by admin | Apr 17, 2015 | Headlines, National News
MANILA, April 16 (PIA)–Mag-abli ang 100,000 ka trabaho sa aviation industry sugod karong tuig.
Bunga kini sa pag-arangkada sa paghiusa sa Association of Southeast Asian Nations (ASEAN) diin apil ang Pilipinas.
Target sa maong lakang nga mapalambo ang ekonomiya sa tibuok rehiyon pinaagi sa pagpaluag sa mga patakaran tali sa 10 ka nasud nga sakop sa ASEAN.
Tungod niini, maapil sa mga trabahong nag-unang kinahanglan ang mga piloto ug aircraft technicians.
“S’yempre, ‘pag maraming flights e ‘di maraming kailangang crew” (Kun daghang flights, kinahanglan gayud og daghang crew), pasabot pa ni Civil Aviation Authority of the Philippines (CAAP) Dir. Gen. Rodante Joya.
Sa talaan sa World Travel and Tourism Council (WTTC), padayon pa gihapong nisaka ang gidaghanon sa mga turista sa ASEAN Region.
Gani, halos gi-triple na kini sa 90.2 milyong turista niadtong 2013 kun itandi sa 38 milyon niadtong 2000 mao nga nisaka apil ang gidaghanon sa mga mi-biyahe sakay sa eroplano.
Sa pagbanabana sa AirAsia Zest, manginahanglan ang ASEAN og halos 50,000 ka piloto ug 50,300 ka technicians sa aviation industry taman tuig 2032.
Gidali na karon ang bidding alang sa nagkalain-laing airport projects sa Department of Transportation and Communications (DOTC).
Pipila na niini ang nakumpleto na sama sa Ninoy Aquino International Airport (NAIA) Terminal 1 rehabilitation. (ecb/PIA7-Bohol)
by admin | Apr 10, 2015 | Headlines, National News
President Benigno S. Aquino III has signed Proclamation No. 991, declaring 2015 as ‘Visit the Philippines Year’, as the country gears up for the hosting of this year’s Asia-Pacific Economic Cooperation (APEC) Forum.
The proclamation, which was signed by the President last March 30, stated that the APEC Forum and the Association of Southeast Asian Nations Tourism Forum in 2016 will both promote the country as a host for meetings, conventions and exhibitions in the Asia-Pacific.
Proclamation No. 991 also recognizes the need to consolidate the activities of the public and private sectors into one Calendar of Events to showcase the outstanding work of Filipinos in music and arts, lifestyle and entertainment, sports and adventure, business, and history and culture, as well as unveil the many historic treasures, natural wonders and unforgettable adventures of the country.
The proclamation acknowledges that tourism can be used to mobilize resources to enhance infrastructure and product development, generate employment and suitable investments; and serve as a platform for closer collaboration between the public and private sectors, and the international community in hosting events that attract international visitors and showcase local talents and skills.
To support the celebration of the Visit the Philippines Year (VPY) 2015, all government agencies are directed to submit to the Department of Tourism (DOT), through the Tourism Promotions Board, their lists of international and local events and activities for inclusion in the VPY 2015 Calendar of Events; and use the VPY 2015 logo in all their promotional materials.
All Philippine embassies and consular offices, as well as the Department of Trade and Industry and DOT foreign offices are instructed to ensure the publicity and dissemination of information regarding VPY 2015, while the Postmaster General shall design, print and issue a special stamp.
The private sector, especially companies involved in hotel and lodging, travel and tours, transportation, retail and souvenirs, and restaurants are encouraged to support VPY 2015 by developing relevant tour programs and packages for both foreign and local tourists; and all public and private schools and universities are encouraged to initiate projects and events related to the theme of VPY 2015.
Under the proclamation, all other government departments, bureaus, and offices, as well as all local government units are also enjoined to support and cooperate with the Department of Tourism.
With regards to funding, all concerned agencies are authorized to charge against their current appropriations all amounts necessary to implement Proclamation No. 991, subject to existing budgetary, accounting, and auditing rules and regulations. (PCOO/PIA)
by admin | Apr 10, 2015 | Headlines, National News
MANILA, April 10 (PIA)–Gilagdaan na ni Presidente Benigno ‘Noynoy’ Aquino III ang Proclamation No. 991 nga nag-deklarar sa tuig 2015 isip ‘Visit the Philippines Year’ agi usab og pagpangandam sa Asia-Pacific Economic Cooperation (APEC) Forum diin ipahigayon kini dinhi sa nasud karong tuiga.
Gitahasan ni PNoy ang tanang ahensiya sa gobyerno nga magtinabangay ug suportaan ang pagpalambo pa sa turismo sa nasud karong tuig 2015.
Nakalatid sa maong proklamasyon nga hiusahon ang mga aktibidad sa pribado ug pampublikong sektor sa usa ka “Calendar of Events” diin ipasigarbo ang ang mga hinimo sa mga Pinoy sa larangan sa musika ug arte, lifestyle ug entertainment, sports ug adventure, negosyo ug history ug culture.
Sa maong proklamasyon, gitahasan sa Presidente ang mga hingtungdan nga nasudnong ahensiya ug lokal nga kagamhanan nga suportaan ang mga gihimong lakang sa Department of Tourism (DOT) aron mapalambo pa ang turismo sa nasud.
Gi-ila sa moang proklamasyon ang katakos sa ahensya sa turismo nga i -mobilize ang mga-resources niini aron magbukas og oportunidad alang sa imprastraktura ug product development, makamugna og trabaho ug pamuhonan ug mapalig-on ang public and private partnership.
Apil usab sa gitahasan ang mga embahada ug konsulado sa Pilipinas sa nagkalain-laing dapit sa kalibotan sa pagtabang sa pagpakatap sa impormasyon aron iduso ang turismo sa nasud.
Gitahasan usab ang Postmaster General nga magpagawas og special stamp alang sa Visit the Philippines 2015 campaign.
Gi-aghat usab sa proklamasyon ang mga pribadong kompanya sama sa hotels, tour companies, restaurants ug souvenir shops nga suportahan ang kampanya sa DOT ug magmugna usab og mga programa ug packages alang sa mga lokal ug langyaw nga turista.
Gawas sa APEC Forum nga ipahigayon dinhi karong tuig, ipahigayon usab dinhi sa atong nasud sa 2016 ang Association of Southeast Asian Nations (ASEAN) Tourism Forum diin nakita sa gobyerno nga magamit ang maong mga panagtapok aron mapalambo pa ang turismo sa Pilipinas. (ecb/PIA7-Bohol)
by admin | Apr 10, 2015 | Headlines, National News
MANILA, April 10 (PIA)–May mga trabaho pa gihapong nagpaabot sa mga Pilipinong nibakwit gikan sa mga nasud nga Libya ug Yemen sa uban pang nasud.
Kini ang giseguro sa Philippine Overseas Employment Agency (POEA) human mipahayag og pagmagahi ang mga Pinoy nga naa sa mga nahisgotang nasud taliwala sa gi-isa nga alert level 4 didto.
Matud pa ni POEA Administrator Hans Cacdac, adunay mga oportunidad pa sa ubang nasud sama sa Saudi Arabia, Qatar, UAE, Papua New Guinea, Singapore, Iran, Algeria ug uban pa.
Giingong bukas ang mga nahisgotang nasud alang sa mga professionals, skilled ug semi skilled workers ug kinahanglan lamang bisitahon sa mga OFW ang website sa POEA alang sa dugang pang mga detalye. (ecb/PIA7-Bohol)
by admin | Apr 10, 2015 | Headlines, National News
MANILA, April 10 (PIA)–Dili na i-uswag pa sa Bureau of Internal Revenue (BIR) ang gitakdang deadline sa pagduso og income tax return (ITR) taliwala sa mga reklamo kalabot sa e-filing.
Matud pa ni BIR Commissioner Kim Henares, wala`y tsansang i-uswag pa ang Abril 15 nga deadline ug giingong sa tuig 2000 paman adunay e-filing ug payment schemes.
“The e-form policy was not last minute. In fact, we have the e-filing for a long time… so what we’re doing now is strictly enforcing it,” pasabot ni Henares.
Una nang gi-uwan og reklamo ang polisiya sa BIR tungod sa giingong “under construction” o “not available” ang ilang website.
Bisan nihatag na og alternatibong links ang ahensya, nanawagan gihapon ang grupong Tax Management Association of the Philippines nga i-uswag na lang ang full implementation sa e-filing policy. (ecb/PIA7-Bohol)
