by admin | May 16, 2015 | Headlines, National News
MANILA, May 15 (PIA)–Nipasidaan ang gobyerno sa publiko nga mag-amping sa pagpalit ug paggamit sa siyam ka cosmetic products nga nadiskubrehang adunay taas nga sangkap sa makahilong kemikal nga lead ug mercury.
Base sa gipagawas nga Advisory 2015-025 sa Food and Drugs Administration (FDA), nasayran nga apil sa maong mga produkto ang Qianyan Daily Night Special Anti-Speckle Beauty Cream, Monaliza Series Lipstick #5, Miss Merry Lipstick #03, Miss Merry Lipstick #05, Meiya Lipstick #02 (pink container), Meiya Lipstick #02 (pink/gold container), Meiya Lipstick #06 (pink container), Meiya Lipstick #02 (silver/red container) ug Ashley UV Resitance BB Whitening Spray.
Nasayran nga ang mga nahisgotang produkto giingong adunay sagol nga lead ug mercury nga nilapas sa gitakda sa Association of Southeast Asian Nations Cosmetic Directives.
Kalabot niini, miingon ang FDA nga gimanduan na nila ang ilang field regulatory officers nga kumpiskahon ang maong mga produkto nga walay FDA certificate of product notification.
Nihangyo usab ang FDA sa mga lokal nga kagamhanan nga siguradohong dili mabaligya ang maong mga produkto sa publiko. (ecb/PIA7-Bohol)
by admin | Apr 24, 2015 | Headlines, National News
President Benigno S. Aquino III has approved the release of P2.259 billion in financial assistance to national government employees who were affected by Typhoon Yolanda and the Bohol earthquake, Communication Secretary Herminio Coloma, Jr. said on Wednesday.
The financial aid is for the first batch of 48,995 employees of national government agencies based in the Mindoro-Marinduque,-Romblon-Palawan region, the Bicol region, Western Visayas, Central Visayas, and Eastern Visayas, whose houses were totally, heavily, or partially damaged by the two natural disasters that struck the country in 2013, he said.
Secretary Coloma noted that President Aquino has also directed all concerned Cabinet secretaries to fast-track the implementation of all programs, activities and projects pertaining to the rehabilitation and recovery of all areas hit by Typhoon Yolanda.
“He reiterated the importance of building back better and more resilient communities,” he added.
A special cabinet meeting was convened on Wednesday to discuss the ‘Yolanda’ Comprehensive Rehabilitation and Recovery Plan.
On October 15, 2013, a magnitude 7.2 earthquake rocked Central Visayas, devastating Bohol and Cebu, where 222 people perished and 797 others were injured.
Two weeks later on November 2, the strongest tropical cyclone to make landfall struck much of Eastern Visayas. According to the National Disaster Risk Reduction and Management Council, an estimated 6,300 people were killed, 28,689 others were injured, and 1,061 went missing when Typhoon Yolanda hit the country. Damages were estimated at P89.59 billion. (PND/PIA)
by admin | Apr 24, 2015 | Headlines, National News
MANILA, April 23 (PIA)–Gi-aprobahan na ni Presidente Benigno ‘Noynoy’ Aquino III ang pagpagawas sa P2.259 bilyong tabang pinansiyal alang sa unang batch sa 48,995 ka kawani nga nagtrabaho sa nagkalain-laing ahensiya sa gobyerno sa Rehiyon 4B, 5, 6, 7 ug 8 nga nawad-an og pinuy-anan tungod sa kusog nga linog sa Bohol ug sa kusog nga bagyong ‘Yolanda’.
Nipahigayon og special cabinet meeting ang Presidente kalabot sa Yolanda Comprehensive Rehabilitation and Recovery Plan (CRRP).
Sa maong pulong, subling gimanduan sa Presidente ang mga hingtungdang miyembro sa gabinete nga paspasan ang implementasyon sa tanang programa ug proyekto alang sa rehabilitasyon sa mga lugar nga naapektuhan sa bagyong Yolanda.
Gitumbok ni PNoy sa pulong ang kamahinungdanon sa pagpabalik sa normal nga panginabuhi sa mga biktima apil na ang pagsiguro sa luwas nga kahimtang sa mga lugar.
Matud pa ni Presidential Communications Operations Office (PCOO) Kalihim Sonny Coloma Jr., gimanduan sa Presidente ang tanang hingtungdang Cabinet Secretaries sa pagpadali sa implementasyon sa tanang mga programa, aktibidad ug proyekto kalabot sa rehabilitasyon ug pag-ayo sa tanang lugar sa nasud nga naapektuhan sa bagyong Yolanda.
Giingong gitumbok sa Presidente ang kamahinungdanon sa ‘building back better, ug dugang ‘resilient communities’.
“Also announced at the meeting was the approval by the President of the release of the amount of P2.259 billion as financial assistance for the first batch of 48,995 employees from national government agencies based in Regions IV-B, V, VI, VII, and VIII, whose houses were totally, heavily, or partially damaged by Typhoon Yolanda and the Bohol earthquake,” matud pa ni Coloma. (ecb/PIA7-Bohol)
by admin | Apr 24, 2015 | Headlines, National News
MANILA, April 23 (PIA)–Gitakdang magpahigayon og school-based vaccination campaign ang Department of Health (DOH) sa nagkalain-laing dapit sa nasud alang sa nagsingabot nga pagbalik sa klase.
Apil sa mga bakunang ipanghatag sa DOH ang libreng bakuna batok sa sakit nga cervical cancer o HPV (Human Papillomavirus) vaccine sa mga Grade 4 female students sa 20 ka pinakakabos nga lalawigan sa Pilipinas.
Matud pa sa Kalihim sa Panglawas nga si Janette Garin, adunay 300,000 kababayen-ang Grade 4 pupils lamang gikan sa mga pampublikong tunghaan ang target nilang mahatagan og HPV vaccine tungod sa limitado nilang pondo alang niini.
Tungod niini, giingong apil sa programa ang 20 ka pinakakabos nga lalawigan sa nasud.
Sugdan nila ang maong free anti-cervical cancer vaccination sa Agosto o ikatulong buwan sa pagbukas og balik sa mga tunghaan.l
Gipasabot sa Kalihim nga Grade 4 students ang napiling hatagan sa bakuna tungod sa pagtuo nga sa maong edad, mahimo nang makig-hilawas ang usa ka babaye.
Apan giingong dili kini mandatory o pinugsanay ug nanginahanglan pa og parental consent o pagtugot sa mga ginikanan.
Gawas sa HPV, plano usab sa DOH nga manghatag og anti-tetanus ug anti-diphtheria booster vaccines sa may 2.43 milyong Grade 1 students sa tanang pampublikong tunghaan.
Mokabat usab sa 1.67 milyong Grade 7 students sa tanang pampublikong tunghaan ang target nilang mahatagan og bakuna batok sa tipdas, rubella, tetanus ug diphtheria.
Ang maong school-based vaccination campaign parte sa National Immunization Program sa DOH. (ecb/PIA7-Bohol)
by admin | Apr 24, 2015 | Headlines, National News
MANILA, April 23 (PIA)–Gi-isa na sa Department of Foreign Affairs (DFA) ang crisis alert level 1 alang sa mga Pilipinong tua sa South Africa.
Ubos sa maong alerto o precautionary phase, gitambagan sa Embahada sa Pilipinas sa Pretoria ang naa sa 900 ka Pilipino sa South Africa nga mag-amping ug magbinantayon.
Gi-isa sa DFA ang alerto sa South Africa tungod sa mga kagubot o gitawag nga “xenophobic violence” sa maong nasud diin target ang mga migrant o mga langyaw.
Dungan niini, nipagawas na usab og pahayag sa pagkodenar ang DFA sa mga nahitabo nga kagubot sa South Africa.
Gikasuko sa mga South Africans ang pagtrabaho sa mga langyaw nga mamumuo didto tungod kay giingong nahatag kanila ang mga trabaho nga alang unta sa mga South Africans taliwala sa grabeng ‘jobs shortage’ kun kakulang sa mga trabaho didto. (ecb/PIA7-Bohol)
by admin | Apr 22, 2015 | Headlines, National News
MANILA, April 22 (PIA)–Magpadayon ang pagtudlo og Filipino ug Literature subjects sa kolehiyo.
Kini human magpagawas og temporary restraining order (TRO) ang Korte Suprema batok sa Commission on Higher Education (CHED) Memorandum Order (CMO) No. 20, Series of 2013 nga magtangtang sa curriculum sa tertiary education sa mga subjects nga Filipino, Literature ug Philippine Government & Constitution.
Gimanduan ang CHED sa pag-sumite og komento sa petisyon sulod sa 10 ka adlaw.
Matud pa sa tigpamaba sa Korte Suprema nga si Theodore Te, gidungog sa hukmanan ang petisyon sa mga magtutudlo batok sa memorandum sa CHED.
“The court granted the prayer…and without necessarily giving due course to the petition, issued a TRO effective immediately and continuing until further orders from court,” matud pa ni Te.
Kahinumdoman nga nagpetisyon sa Korte Suprema ang grupo sa mga magtutudlo sa kamanduan sa CHED sa pag-ingon`g unsaon pag-aghat sa kabataang Pinoy nga pa-ugmaron ang kultura kun ipahunong ang Filipino subject sa kolehiyo. (ecb/PIA7-Bohol)
